ISL 2019: ಒಡಿಶಾ ಪ್ಲೇ ಆಫ್ ಆಸೆ ಜೀವಂತ!
ಐಎಸ್ಎಲ್ ಫುಟ್ಬಾಲ್ ಟೂರ್ನಿಯಲ್ಲಿ ಒಡಿಶಾ ಪ್ಲೇ ಆಫ್ ಆಸ ಜೀವಂತವಾಗಿದೆ. ಹೈದರಾಬಾದ್ ವಿರುದ್ಧ ಗೆಲುವಿನ ಕೇಕೆ ಹಾಕಿದ ಒಡಿಶಾ ಇದೀಗ ಅಗ್ರ ಸ್ಥಾನದ ತಂಡಗಳಿಗೆ ಶಾಕ್ ನೀಡಿಲು ಸಜ್ಜಾಗಿದೆ.
ಪುಣೆ(ಡಿ11): ಕಾರ್ಲೋಸ್ ಡೆಲ್ಗಡೊ (27ನೇ ನಿಮಿಷ), ಕ್ಸಿಸ್ಕೋ ಹೆರ್ನಾಂಡೀಸ್ (41ನೇ ನಿಮಿಷ) ಹಾಗೂ ಪೆರೆಜ್ ಗೆಡೆಸ್ (71ನೇ ನಿಮಿಷ) ಅವರು ಗಳಿಸಿದ ಅದ್ಭುತ ಗೋಲುಗಳ ನೆರವಿನಿಂದ ಹೈದರಾಬಾದ್ ಎಫ್ ಸಿ ತಂಡವನ್ನು 3-2 ಗೋಲುಗಳ ಅಂತರದಲ್ಲಿ ಮಣಿಸಿದ ಒಡಿಶಾ ಎಫ್ ಸಿ ಇಂಡಿಯನ್ ಸೂಪರ್ ಲೀಗ್ ನಲ್ಲಿ ಪ್ಲೇ ಆಫ್ ತಲಪುವ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.
ಇದನ್ನೂ ಓದಿ: ISL 2019: ಕೋಚ್ ಬದಲಾದರೂ ಚೆನ್ನೈ ಹಣೆ ಬರಹ ಬದಲಾಗಲಿಲ್ಲ !..
ಹೈದರಾಬಾದ್ ಪರ ಬೊಬೊ (65ನೇ ನಿಮಿಷ)ಹಾಗೂ ರೋಹಿತ್ ಕುಮಾರ್ (89ನೇ ನಿಮಿಷ ) ಗಳಿಸಿದ ಸೋಲು ಸೋಲಿನ ಅಂತರವನ್ನು ಕಡಿಮೆ ಮಾಡಿತು. ಒಡಿಶಾದ ವಿನೀತ್ ರಾಯ್ ರೆಡ್ ಕಾರ್ಡ್ ಪಡೆದು ಹೊರನಡೆಯುವ ಮೂಲಕ ತಂಡ ಸುಮಾರು ಮೂವತ್ತು ನಿಮಿಷಗಳ ಕಾಲ ಕೇವಲ ಹತ್ತೇ ಆಟಗಾರರೊಂದಿಗೆ ಆಟ ಮುಂದುವರಿಸಿತ್ತು. ಈ ಜಯದೊಂದಿಗೆ ಒಡಿಶಾ ಅಂಕಪಟ್ಟಿಯಲ್ಲಿ ಆರನೇ ಸ್ಥಾನ ತಲುಪಿತು.
ಇದನ್ನೂ ಓದಿ: ISL 2019: ಮುತ್ತಿನ ನಗರಿಯಲ್ಲಿ ಮುಗ್ಗರಿಸಿದ ಹೈದರಾಬಾದ್, ಗೋವಾಗೆ ಗೆಲುವು!
ಒಡಿಶಾ ತಂಡ ಪ್ರಥಮಾರ್ಧದಲ್ಲಿ 2-0 ಗೋಲುಗಳಿಂದ ಮೇಲುಗೈ ಸಾಧಿಸಿತು, ಇರೋಂದಿಗೆ ಹೈದರಾಬಾದ್ ಗೆ ಕೊನೆಯ ಸ್ಥಾನದಲ್ಲೇ ಇರಿ ಎಂಬ ಸಂದೇಶ ನೀಡಿತು. ಪ್ರಥಮಾರ್ಧ ಒಡಿಶಾ ತಂಡಕ್ಕೆ ಪಂದ್ಯ ಗೆದ್ದಷ್ಟೇ ಸಂಭ್ರಮ. ಇದು ಒಡಿಶಾ ತಂಡ ಇದುವರೆಗೂ ಆಡಿದ ಪ್ರಥಮಾರ್ಧಗಳಲ್ಲೇ ಉತ್ತಮವಾದುದು. ಏಕೆಂದರೆ ಇದುವರೆಗೂ ಎರಡು ಗೋಲುಗಳನ್ನು ತಂಡ ಪ್ರಥಮಾರ್ಧದಲ್ಲಿ ಗಳಿಸಿಲ್ಲ.
ಆರಂಭದಿಂದಲೂ ಒಡಿಶಾ ಆಕ್ರಮಣಕಾರಿ ಆಟಕ್ಕೆ ಮನ ಮಾಡಿತ್ತು, ಆದರೆ ಅವಕಾಶಗಳನ್ನು ನಿರ್ಮಿಸುವಲ್ಲಿ ವಿಫಲವಾಗಿತ್ತು. ಅರ್ಧ ಗಂಟೆಯ ಪಂದ್ಯ ಮುಗಿಯಲು ಮೂರು ನಿಮಿಷ ಬಾಕಿ ಇರುವಾಗ ಪ್ರವಾಸಿ ತಂಡ ಪಂದ್ಯದ ಮೇಲೆ ಹಿಡಿತ ಕಳೆದುಕೊಂಡಿತು. 3-2 ಅಂತರದಲ್ಲಿ ಗೆಲುವು ಸಾಧಿಸಿದ ಒಡಿಶಾ ಸಂಭ್ರಮ ಆಚರಿಸಿತು.
