ಜಗ​ತ್ತಿನಾ​ದ್ಯಂತ ಕೊರೋನಾ ಬೀಕ​ರತೆ ಹೆಚ್ಚು​ತ್ತಿದೆ. ಭಾರ​ತ​ದಲ್ಲೂ 31 ಜನ​ರಲ್ಲಿ ಕೊರೋನಾ ಸೋಂಕಿ​ರು​ವುದು ದೃಢ​ಪ​ಟ್ಟಿದೆ. ಈ ನಡುವೆ ದೆಹ​ಲಿಯ ಶಾಹೀನ್‌ ಬಾಗ್‌​ನಲ್ಲಿ ಪೌರತ್ವ ತಿದ್ದು​ಪಡಿ ಕಾಯ್ದೆ ವಿರುದ್ಧ ಪ್ರತಿ​ಭ​ಟ​ನೆಗೆ ಕುಳಿತ ಮಹಿ​ಳೆ​ಯಲ್ಲೂ ಕೊರೋನಾ ಸೋಂಕಿ​ರು​ವುದು ದೃಢ​ಪ​ಟ್ಟಿದೆ ಎನ್ನುವ ಸಂದೇಶ ಸಾಮಾ​ಜಿಕ ಜಾಲ​ತಾ​ಣ​ಗ​ಳಲ್ಲಿ ವೈರಲ್‌ ಆಗುತ್ತಿದೆ.

ಈ ಕುರಿತ ಟ್ವೀಟ್‌​ವೊಂದರ ಸ್ಕ್ರೀನ್‌​ಶಾಟ್‌ ವೈರಲ್‌ ಆಗಿ​ದ್ದು, ಅದ​ರಲ್ಲಿ ‘ಬಿಗ್‌ ಬ್ರೇಕಿಂಗ್‌ ನ್ಯೂಸ್‌: ಶಾಹೀನ್‌ ಬಾಗ್‌ ಪ್ರತಿ​ಭ​ಟ​ನೆ​ಯಲ್ಲಿ ಪಾಲ್ಗೊಂಡ ನಜ್ಮಾ ಬೇಗಂ (43) ಎಂಬ ಮಹಿ​ಳೆಯು ಅನಾ​ರೋ​ಗ್ಯ​ದಿಂದ ಬಳ​ಲು​ತ್ತಿದ್ದು, ಅವ​ರಲ್ಲಿ ಕೊರೋನಾ ಸೋಂಕಿದೆ ಎಂದು ವೈದ್ಯರು ದೃಢ​ಪ​ಡಿ​ಸಿ​ದ್ದಾರೆ. ಆದರೆ ಆಕೆ ಚಿಕಿ​ತ್ಸೆ​ಯನ್ನು ನಿರಾ​ಕ​ರಿಸಿ ಶಾಹೀನ್‌ ಬಾಗ್‌ ಪ್ರತಿ​ಭ​ಟ​ನೆ​ಯಲ್ಲಿ ಪಾಲ್ಗೊಂಡಿ​ದ್ದಾಳೆ. ಈ ಜನ​ರಿಗೆ ಇನ್ನೇನು ಹೇಳಲು ಸಾಧ್ಯ?’ ಎಂದು ಕೊರೋ​ನಾ ​ವೈ​ರ​ಸ್‌ ​ರೀಚ್‌ ದೆಹಲಿ ಎಂದು ಹ್ಯಾಷ್‌ಟ್ಯಾಗ್‌ ಹಾಕ​ಲಾ​ಗಿ​ದೆ.

Fact Check: ದೆಹಲಿ ಸಿಎಂ ಕೇಜ್ರಿ​ವಾ​ಲ್‌ಗೆ ಆರ್‌​ಎ​ಸ್‌​ಎಸ್‌ ಹಿನ್ನೆ​ಲೆ!

ಇದೀಗ ಸೋಷಿ​ಯಲ್‌ ಮೀಡಿ​ಯಾ​ಗ​ಳಲ್ಲಿ ವೈರಲ್‌ ಆಗು​ತ್ತಿದೆ. ಆದರೆ ಬೂಮ್‌​ಲೈವ್‌ ಸುದ್ದಿ​ಸಂಸ್ಥೆ ಈ ಸುದ್ದಿಯ ಸತ್ಯಾ​ಸ​ತ್ಯ ಪರಿ​ಶೀ​ಲಿ​ಸಿ​ದಾಗ ಇದು ಸುಳ್ಳು​ಸುದ್ದಿ ಎಂಬುದು ಖಚಿ​ತ​ವಾ​ಗಿದೆ.

 

ಈ ಬಗ್ಗೆ ಯಾವುದೇ ಮುಖ್ಯ​ವಾ​ಹಿನಿ ಮಾಧ್ಯ​ಮ​ಗಳೂ ವರದಿ ಮಾಡಿಲ್ಲ. ಅಲ್ಲದೆ ‘ಬೂಮ್‌’ ಶಾಹೀನ್‌ ಬಾಗ್‌ ಪ್ರತಿ​ಭ​ಟ​ನೆ​ಯ ಸಂಘ​ಟ​ಕರ ಬಳಿ ಸ್ಪಷ್ಟನೆ ಪಡೆ​ದಿದ್ದು, ಅವರು ಈ ವೈರಲ್‌ ಸಂದೇಶ ಸುಳ್ಳು ಎಂದು ಹೇಳಿ​ದ್ದಾರೆ. ಹಾಗೆಯೇ ಈ ಟ್ವೀಟ್‌ ಮಾಡಿ​ರುವ ಟ್ವೀಟರ್‌ ಖಾತೆ ಈಗ ಅಸ್ತಿ​ತ್ವ​ದಲ್ಲಿ ಇಲ್ಲ. ಜೊತೆಗೆ ದೆಹ​ಲಿ​ಯಲ್ಲಿ ಕೊರೋನಾ ವೈರ​ಸ್‌ಗೆ ಚಿಕಿತ್ಸೆ ನೀಡು​ತ್ತಿ​ರುವ ಆಸ್ಪ​ತೆ​ಗಳೂ ಈ ಸುದ್ದಿ​ಯನ್ನು ಅಲ್ಲ​ಗ​ಳೆ​ದಿ​ವೆ.

- ವೈರಲ್ ಚೆಕ್