ನೆದರ್ಲ್ಯಾಂಡ್ ಫಿಲ್ಮ್ ಫೆಸ್ಟಿವಲ್ಗೆ ಕನ್ನಡ ನಟ ಆಯ್ಕೆ
ನೆದರ್ಲ್ಯಾಂಡ್ ಫಿಲ್ಮ್ ಫೆಸ್ವಿವಲ್ಗೆ ಜಯರಾಂ ಕಾರ್ತಿಕ್ ನಾಮನಿರ್ದೇಶನ | ಪುಟ 109 ಚಿತ್ರದ ನಟೆನೆಗಾಗಿ ಅತ್ಯುತ್ತಮ ನಟ ವಿಭಾಗಕ್ಕೆ ಆಯ್ಕೆ
ಬಿಗ್ ಬಾಸ್ ಶೋ ನಂತರ ಹೊಸ ಹೊಸ ಪಾತ್ರ, ಸಿನಿಮಾಗಳಲ್ಲಿ ಕಾರ್ತಿಕ್ ಜಯರಾಂ ಅಲಿಯಾಸ್ ಜೆಕೆ ಬ್ಯುಸಿಯಾಗಿದ್ದಾರೆ.
ಸೋಶಿಯಲ್ ಮೀಡಿಯಾ ಸ್ಟಾರ್ ಆದ್ಲು 'ರಿಯಾಲಿಟಿ ಕಪಲ್' ಪ್ರಿನ್ಸೆಸ್!
‘ಪುಟ 109’ ಥ್ರಿಲ್ಲರ್ ಸಿನಿಮಾ ನಟನೆಗಾಗಿ ನೆದರ್ ಲ್ಯಾಂಡ್ ನಲ್ಲಿ ನಡೆಯುತ್ತಿರುವ 2019 ನೇ ಸಾಲಿನ ನ್ಯೂ ವಿಶನ್ ಅಂತರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಬೆಸ್ಟ್ ಆ್ಯಕ್ಟರ್ ವಿಭಾಗಕ್ಕೆ ಜೆಕೆ ಆಯ್ಕೆಯಾಗಿದ್ದಾರೆ. ಈ ವಿಚಾರವನ್ನು ಅವರೇ ಸ್ಪಷ್ಟಪಡಿಸಿದ್ದಾರೆ. ಈ ಅವಾರ್ಡ್ ಕಾರ್ಯಕ್ರಮ ಆ್ಯಂಸ್ಟರ್ ಡ್ಯಾಂ ನಲ್ಲಿ ಸೆ. 29 ರಂದು ನಡೆಯಲಿದೆ.
ಚಿತ್ರದಲ್ಲಿ ಅವಕಾಶ ಕೊಟ್ಟಿದ್ದಕ್ಕೆ, ಚಾಲೆಂಜಿಂಗ್ ಪಾತ್ರ ಕೊಟ್ಟಿದ್ದಕ್ಕೆ ದಯಾಳ್ ಸರ್ ಗೆ ಧನ್ಯವಾದಗಳು. ಜೊತೆಗೆ ನನ್ನ ಕೆಲಸವನ್ನು ಹೊಗಳಿ ಈ ಅವಾರ್ಡ್ ಗೆ ನಾಮನಿರ್ದೇಶನ ಮಾಡಿದ ಜೂರಿಗಳಿಗೂ ಥ್ಯಾಂಕ್ಸ್ ಎಂದು ಇನ್ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ.
ಪುಟ 109 ಕ್ರೈಂ ಆಧಾರಿತ ಥ್ರಿಲ್ಲಿಂಗ್ ಚಿತ್ರವಾಗಿದ್ದು ದಯಾಳ್ ಪದ್ಮನಾಭನ್ ನಿರ್ದೇಶನ ಮಾಡಿದ್ದಾರೆ. ಜೆಕೆ, ನವೀನ್ ಕೃಷ್ಣ, ವೈಷ್ಣವಿ ಚಂದ್ರನ್, ಅನುಪಮಾ ಗೌಡ ನಟಿಸಿದ್ದಾರೆ.
ರೀಲ್ ಅಲ್ಲ ರಿಯಲ್...: ಬಿಗ್ಬಾಸ್ ಮನೆಯಿಂದಲೇ ಸ್ಪರ್ಧಿ ಅರೆಸ್ಟ್!
ಏನಿದು ಅವಾರ್ಡ್?
ಈ ಅವಾರ್ಡನ್ನು ಪ್ರತಿವರ್ಷ ಕೊಡಲಾಗುತ್ತದೆ. ಇದೊಂದು ಪ್ರತಿಷ್ಠಿತ ಅವಾರ್ಡ್ ಆಗಿದ್ದು ಶಾರ್ಟ್ ಸಿನಿಮಾಗಳನ್ನು, ಸ್ವಂತ ಸಿನಿಮಾಗಳನ್ನು ಪ್ರೋತ್ಸಾಹಿಸುವುದಕ್ಕೆ ಕೊಡಲಾಗುತ್ತದೆ. ಪ್ರಪಂಚದ ಬೇರೆ ಬೇರೆ ಭಾಷೆಗಳಿಂದ ಸಿನಿಮಾಗಳನ್ನು ಆಹ್ವಾನಿಸಲಾಗುತ್ತದೆ.