ತಾಯಿಯನ್ನು ನಿಂದಿಸಿದಕ್ಕೆ ಸ್ನೇಹಿತನನ್ನೇ ಹತ್ಯೆ ಮಾಡಿದ..!
ಕೆ.ಜಿ.ಹಳ್ಳಿ ಠಾಣೆ ವ್ಯಾಪ್ತಿಯಲ್ಲಿ ನಡೆದ ಘಟನೆ| ಆರೋಪಿ ಯೂಸುಫ್ ಪರಾರಿ| ಇಬ್ಬರೂ ಮಾತನಾಡುವ ವೇಳೆ ಯೂಸುಫ್ ತಾಯಿಯ ಬಗ್ಗೆ ಕೆಟ್ಟದಾಗಿ ನಿಂದಿಸಿದ್ದ ಫರಾನ್| ಇದೇ ವಿಚಾರಕ್ಕೆ ಇಬ್ಬರ ನಡುವೆ ನಡೆದಿದ್ದ ಜಗಳ|
ಬೆಂಗಳೂರು(ಏ.17): ಅವಾಚ್ಯ ಶಬ್ದಗಳಿಂದ ತಾಯಿಯನ್ನು ನಿಂದಿಸಿದಕ್ಕೆ ಆಕ್ರೋಶಗೊಂಡ ಕೋಳಿ ಅಂಗಡಿ ಸಿಬ್ಬಂದಿಯೊಬ್ಬ ಸ್ನೇಹಿತನನ್ನೇ ಹತ್ಯೆಗೈದಿರುವ ಘಟನೆ ಕೆ.ಜಿ.ಹಳ್ಳಿ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.
ಕೆ.ಜಿ.ಹಳ್ಳಿ ನಿವಾಸಿ ಫರಾನ್(26) ಕೊಲೆಯಾದವ. ಆರೋಪಿ ಯೂಸುಫ್ (28) ಎಂಬಾತ ತಲೆಮರೆಸಿಕೊಂಡಿದ್ದು, ಆತನ ಬಂಧನಕ್ಕೆ ಬಲೆ ಬೀಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
ಪ್ರೀತಿ ಬಲೆಯಲ್ಲಿ ಬಾಲಕ : ಮಧ್ಯರಾತ್ರಿ ಮಗಳ ಮೂಲಕ ಮನೆಗೆ ಕರೆಸಿ ಕೊಲೆಗೈದ ಮುಖಂಡ
ಫರಾನ್ ಹಾಗೂ ಯೂಸುಫ್ ಬಾಲ್ಯ ಸ್ನೇಹಿತರಾಗಿದ್ದು, ಕೋಳಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದರು. ಗುರುವಾರ ರಾತ್ರಿ 10 ಗಂಟೆಗೆ ಇಬ್ಬರೂ ಮಾತನಾಡುವ ವೇಳೆ ಯೂಸುಫ್ ತಾಯಿಯ ಬಗ್ಗೆ ಫರಾನ್ ಕೆಟ್ಟದಾಗಿ ನಿಂದಿಸಿದ್ದ. ಈ ವಿಚಾರಕ್ಕೆ ಇಬ್ಬರ ನಡುವೆ ಜಗಳ ನಡೆದಿತ್ತು. ಅದರಿಂದ ಆಕ್ರೋಶಗೊಂಡ ಯೂಸುಫ್ ಅಂಗಡಿಯಲ್ಲಿದ್ದ ಚೂರಿಯಿಂದ ಫರಾನ್ ಕಿವಿಯ ಹಿಂಭಾಗಕ್ಕೆ ಇರಿದಿದ್ದಾನೆ. ಪರಿಣಾಮ ಕಿವಿಯ ಹಿಂಭಾಗಕ್ಕೆ ಗಾಯವಾಗಿ ತೀವ್ರ ರಕ್ತಸ್ರಾವದಿಂದ ಫರಾನ್ ಮೃತಪಟ್ಟಿದ್ದು, ಆರೋಪಿ ಯೂಸುಫ್ ಪರಾರಿಯಾಗಿದ್ದಾನೆ. ಆರೋಪಿಯ ಸುಳಿವು ಸಿಕ್ಕಿದ್ದು, ಸದ್ಯದಲ್ಲೇ ಬಂಧಿಸಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ.