ಮಂಕಿಪಾಕ್ಸ್‌ನ ಹರಡುವಿಕೆಯನ್ನು ನಿಯಂತ್ರಿಸಲು ಲಸಿಕೆಗಳ ಉತ್ಪಾದನೆಯನ್ನು ಹೆಚ್ಚಿಸುವಂತೆ ವಿಶ್ವ ಆರೋಗ್ಯ ಸಂಸ್ಥೆ ಲಸಿಕೆ ತಯಾರಿಕಾ ಕಂಪನಿಗಳಿಗೆ ಸೂಚಿಸಿದೆ.
ಜಿನೆವಾ (ಆ.18): ಮಂಕಿಪಾಕ್ಸ್‌ನ ಹರಡುವಿಕೆಯನ್ನು ನಿಯಂತ್ರಿಸಲು ಲಸಿಕೆಗಳ ಉತ್ಪಾದನೆಯನ್ನು ಹೆಚ್ಚಿಸುವಂತೆ ವಿಶ್ವ ಆರೋಗ್ಯ ಸಂಸ್ಥೆ ಲಸಿಕೆ ತಯಾರಿಕಾ ಕಂಪನಿಗಳಿಗೆ ಸೂಚಿಸಿದೆ. ಆಫ್ರಿಕಾದ ಕಾಂಗೋದಲ್ಲಿ ಕ್ಲೇಡ್‌ 1ಬಿ ಮಂಕಿಪಾಕ್ಸ್ ಪ್ರಕರಣಗಳು ಏರಿಕೆಯಾಗುತ್ತಿರುವ ಬೆನ್ನಲ್ಲೇ ವಿಶ್ವ ಆರೋಗ್ಯ ಸಂಸ್ಥೆ ಈ ಸಲಹೆ ನೀಡಿದೆ. ಇದರ ಜೊತೆಗೆ ಈಗಾಗಲೇ ಮಂಕಿಪಾಕ್ಸ್ ಪ್ರಕರಣಗಳು ಉಲ್ಬಣಗೊಳ್ಳುತ್ತಿರುವ ದೇಶಗಳಿಗೆ, ಲಸಿಕೆ ಸಂಗ್ರಹಗಳಿರುವ ದೇಶಗಳು ದಾನ ಮಾಡುವಂತೆ ಕೇಳಿದೆ.
ಸಾಮಾನ್ಯಾಗಿ ಮಂಕಿಪಾಕ್ಸ್ ನಿಯಂತ್ರಣಕ್ಕೆ ಎರಡು ಲಸಿಕೆಗಳನ್ನು ಬಳಸಲಾಗುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಮಂಕಿಪಾಕ್ಸ್ ನಿಯಂತ್ರಣಕ್ಕೆ ಎಂವಿಎ- ಬಿಎನ್ ಮತ್ತು ಎಲ್‌ಸಿ16 ಎನ್ನುವ ಎರಡು ಲಸಿಕೆಗಳನ್ನು ಬಳಸಲಾಗುತ್ತಿದೆ. ಇದರಲ್ಲಿ ಎಂವಿಎ- ಬಿಎನ್ ಲಸಿಕೆಯನ್ನು 28 ದಿನಗಳ ಅಂತರದಲ್ಲಿ ಎರಡು ಬಾರಿ ನೀಡಲಾಗುತ್ತದೆ. ಇನ್ನು ಎಲ್‌ಸಿ 16 ಲಸಿಕೆ ಜಪಾನ್ ಮೂಲದ್ದು. ಈ ಲಸಿಕೆ ವಿಚಾರಕ್ಕೆ ಸಂಬಂಧಿಸಿದಂತೆ ವಿಶ್ವ ಆರೋಗ್ಯ ಸಂಸ್ಥೆ ವಕ್ತಾರೆ ಮಾರ್ಗರೇಟ್‌ ಹ್ಯಾರಿಸ್‌ ನೀಡಿರುವ ಮಾಹಿತಿ ಪ್ರಕಾರ, ‘ಈಗಾಗಲೇ 5 ಲಕ್ಷ ಎಂವಿಎ- ಬಿನ್ ಲಸಿಕೆ ಸಂಗ್ರಹವಿದೆ.
undefined
ಆಫ್ರಿಕಾ ದೇಶಗಳಿಗೆ ಹಬ್ಬಿರುವ ಮಂಕಿಪಾಕ್ಸ್ ಪಾಕ್‌ಗೂ ಲಗ್ಗೆ: ಭಾರತಕ್ಕೂ ಆತಂಕ..!
ಒಂದು ವೇಳೆ ಖರೀದಾರರ ಬೇಡಿಕೆಯಿದ್ದರೆ 24 ಲಕ್ಷ ದಷ್ಟು ಲಸಿಕೆ ಉತ್ಪಾದಿಸಬಹುದು. 2025ರ ವೇಳೆಗೆ 1 ಕೋಟಿಯಷ್ಟು ಲಸಿಕೆ ಉತ್ಪಾದಿಸಬಹುದು’ ಎಂದಿದ್ದಾರೆ. ಇನ್ನು ಎಲ್‌ಸಿ16 ವ್ಯಾವಹಾರಿಕ ಉದ್ದೇಶದಿಂದ ಬಳಕೆಯಾಗಿಲ್ಲ. ಬದಲಿಗೆ ಇದು ಜಪಾನ್ ಸರ್ಕಾರ ಉತ್ಪಾದಿಸಿದ್ದು, ಈ ಲಸಿಕೆ ಗಣನೀಯ ಪ್ರಮಾಣದಲ್ಲಿ ಸದ್ಯದ ಮಟ್ಟಿಗೆ ಸಂಗ್ರಹವಿದೆ. ಆದರೂ ಕೂಡ ಮುನ್ನೆಚ್ಚರಿಕೆ ಕ್ರಮವಾಗಿ ಲಸಿಕೆ ಉತ್ಪಾದನೆ ಹೆಚ್ಚಳಕ್ಕೆ ಸೂಚನೆ ನೀಡಿದೆ. ವಿಶ್ವ ಆರೋಗ್ಯ ಸಂಸ್ಥೆಯು 100ಕ್ಕೂ ಹೆಚ್ಚಿನ ದೇಶಗಳಲ್ಲಿ ಮಂಕಿಪಾಕ್ಸ್ ಪ್ರಕರಣಗಳು ಕಾಣಿಸಿಕೊಂಡ ಬೆನ್ನಲ್ಲೇ ಆರೋಗ್ಯ ತುರ್ತು ಪರಿಸ್ಥಿತಿ ಘೋಷಿಸಿತ್ತು.