ಮಲೈಕಾ ಜೀವನ

ಅರ್ಬಾಜ್‌ ಖಾನ್ ಜೊತೆ 19 ವರ್ಷಗಳ ದಾಂಪತ್ಯ, ನಂತರ ವಿಚ್ಛೇದನ ಬಳಿಕ ತನಗಿಂತ 12 ವರ್ಷ ಕಿರಿಯ ಅರ್ಜುನ್ ಕಪೂರ್ ಜೊತೆ ಡೇಟಿಂಗ್ ಬಳಿಕ 51ಕ್ಕೆ ಮತ್ತೆ ಒಂಟಿಯಾದ ಮಲೈಕಾ ಆರೋರಾದು ವರ್ಣರಂಜಿತ ಜೀವನ

ಪ್ರತಿ ವರ್ಷ ಅಕ್ಟೋಬರ್ 23 ರಂದು ಹುಟ್ಟುಹಬ್ಬ ಆಚರಿಸುವ ಮಲೈಕಾಗೆ ಈಗ 51ರ ಹರೆಯ. ಈ ವಯಸ್ಸಲ್ಲೂ 20ರ ತರುಣಿಯಂತೆ ಕಂಗೊಳಿಸುವ ಮಲೈಕಾ ತಮ್ಮ ಫಿಟ್‌ನೆಸ್‌ನಿಂದ ಅನೇಕ ಮಹಿಳೆಯರನ್ನು ಸೆಳೆದಿದ್ದಾರೆ.

ಮಲೈಕಾ ತಮ್ಮ ವೃತ್ತಿಜೀವನವನ್ನು ಜನಪ್ರಿಯ ಕಾರ್ಯಕ್ರಮ ಕ್ಲಬ್ MTV ಯ VJ ಆಗಿ ಪ್ರಾರಂಭಿಸಿದರು. ಅವರು ಸ್ಟೈಲ್ ಚೆಕ್ ಮತ್ತು ಲವ್ ಲೈನ್‌ನಂತಹ ಹಲವಾರು ಕಾರ್ಯಕ್ರಮಗಳನ್ನು ಸಹ ನಿರೂಪಿಸಿದ್ದಾರೆ.

ಮಲೈಕಾ ಅರೋರಾ 1998ರ ರ ಚಿತ್ರ 'ದಿಲ್ ಸೆ' ನಲ್ಲಿ ಶಾರುಖ್ ಖಾನ್ ಅವರೊಂದಿಗಿನ ಚೈಯ್ಯ ಚೈಯ್ಯ ಐಟಂ ಹಾಡಿಗೆ ಹೆಜ್ಜೆ ಹಾಕುವ ಮೂಲಕ ಖ್ಯಾತಿಯ ಉತ್ತುಂಗಕ್ಕೆ ಏರಿದರು. ಇದಾದ ನಂತರ ಕಾಂಟೆ, EMI ನಲ್ಲೂ ನಟಿಸಿದ್ದಾರೆ. 

ಹೀಗಿರುವ ಮಲೈಕಾ ಆಸ್ತಿ ಮೌಲ್ಯ 98.98 ಕೋಟಿ ರೂ. ಒಂದು ಐಟಂ ಸಾಂಗ್‌ಗೆ 1.5 ಕೋಟಿಗಿಂತ ಹೆಚ್ಚು ಚಾರ್ಜ್ ಮಾಡ್ತಾರೆ. ಇದರ ಜೊತೆ ತೀರ್ಪುಗಾರರಾಗಿ ಭಾಗವಹಿಸುವ ಅವರು 6-8 ಲಕ್ಷ ಚಾರ್ಜ್ ಮಾಡ್ತಾರೆ.

ಹಾಗೆಯೇ ಮುಂಬೈನ ಬಾಂದ್ರಾದಲ್ಲಿ 14.5 ಕೋಟಿ ರೂ. ಮೌಲ್ಯದ ಐಷಾರಾಮಿ ಅಪಾರ್ಟ್‌ಮೆಂಟ್ ಹೊಂದಿದ್ದಾರೆ. ಇದರ ಜೊತೆ 30ಕ್ಕೂ ಹೆಚ್ಚು ಬ್ರ್ಯಾಂಡ್‌ಗಳ ಪ್ರಮೋಟ್ ಮಾಡ್ತಿದ್ದು, ಸ್ವಂತ ಯೋಗ ಸ್ಟುಡಿಯೊವನ್ನು ಸಹ ಹೊಂದಿದ್ದಾರೆ.