Small Screen
Flying Passport ಹೆಸರು ಸದ್ಯಕ್ಕಂತೂ ಯುವ ಕನ್ನಡಿಗರ ಬಾಯಲ್ಲಿ ಸದಾ ಕೇಳಿ ಬರುವಂತಹ ಜನಪ್ರಿಯ ಕನ್ನಡ ಟ್ರಾವೆಲ್ ವ್ಲೋಗರ್ ಹೆಸರು.
ದೇಶ ವಿದೇಶಗಳನ್ನು ಸುತ್ತುತ್ತಾ, ಆ ದೇಶಗಳ ಆಚಾರ, ವಿಚಾರ, ಸಂಸ್ಕೃತಿ ಆಹಾರದ ಬಗ್ಗೆ ಮಾಹಿತಿ ನೀಡುವ ಈ ಜೋಡಿ, ತಮ್ಮ ಯೂಟ್ಯೂಬ್ ನಿಂದಾಗಿ ಕನ್ನಡಿಗರಿಗೆ ಚಿರಪರಿಚಿತ.
ಪ್ರಪಂಚದಲ್ಲಿರುವ ಒಟ್ಟು 197 ದೇಶಗಳಲ್ಲಿ ಕನ್ನಡ ಬಾವುಟ ಹಾರಿಸುತ್ತೇವೆ ಎನ್ನುತ್ತಾ ಟ್ರಾವೆಲ್ ಆರಂಭಿಸಿದ ಜೋಡಿ, ಈಗಾಗಲೇ ಬರೋಬ್ಬರಿ 95 ದೇಶಗಳನ್ನು ಪರ್ಯಟನೆ ಮಾಡಿದ್ದಾರೆ.
ಕೆಲಸದ ಜೊತೆ ಟ್ರಾವೆಲ್ ಕೂಡ ಮಾಡಿಕೊಂಡು, ಅದರ ಜೊತೆ ಜೊತೆಗೆ ವಿಡಿಯೋಗಳನ್ನು ಎಡಿಟ್ ಮಾಡಿ, ಅಪ್ ಲೋಡ್ ಮಾಡುವ ಈ ಜೋಡಿ ನೋಡೋಕೆ ಬಾಕಿ ಇರೋದು 102 ದೇಶಗಳು.
ಫ್ಲೈಯಿಂಗ್ ಪಾಸ್‌ಪೋರ್ಟ್ ಹೆಸರಿನ ಯೂಟ್ಯೂಬ್ ಹಾಗೂ ಇತರ ಸೋಶಿಯಲ್ ಮೀಡಿಯಾ ಹೊಂದಿರುವ ಈ ಜೋಡಿಯ ನಿಜವಾದ ಹೆಸರು ಕಿರಣ್ ಹಾಗೂ ಆಶಾ.
ಈ ಜೋಡಿ ಟ್ರಾವೆಲ್ ಮಾಡೋದರ ಜೊತೆಗೆ ಅಲ್ಲಿನ ಹವಾಮಾನ, ಆಚರಣೆ, ಆಹಾರ, ಸಂಸ್ಕೃತಿಯನ್ನು ಸಹ ಕನ್ನಡಿಗರಿಗೆ ಕನ್ನಡದಲ್ಲಿಯೇ ತಿಳಿಸಿಕೊಡುತ್ತಿದ್ದಾರೆ.
ಈ ಜೋಡಿಯ ಟ್ರಾವೆಲ್ ಜರ್ನಿ ಆರಂಭವಾಗಿ 14 ವರ್ಷ ಪೂರ್ಣಗೊಂಡಿದ್ದು, ಈ ಹಿನ್ನೆಲೆಯಲ್ಲಿ ಹಳೆಯ ಟ್ರಾವೆಲ್ ಫೋಟೊಗಳನ್ನು ಶೇರ್ ಮಾಡುವ ಮೂಲಕ ಮಧುರ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
14 ವರ್ಷದ ಟ್ರಾವೆಲ್ ಜರ್ನಿಗೆ ಸಾಥ್ ನೀಡಿದ ಎಲ್ಲ ಅಭಿಮಾನಿಗಳಿಗೂ, ಪ್ರೀತಿ ಕೊಟ್ಟ ಎಲ್ಲಾ ಕನ್ನಡಿಗರಿಗೂ ಫ್ಲೈಯಿಂಗ್ ಪಾಸ್‌ಪೋರ್ಟ್ ಜೋಡಿ ಥ್ಯಾಂಕ್ಯೂ ತಿಳಿಸಿದೆ.
ಈ ಜೋಡಿಗಳ ಇನ್’ಸ್ಟಾಗ್ರಾಂ ಖಾತೆಯಲ್ಲಿ ಮೂರುವರೆ ಲಕ್ಷ ಫಾಲೋವರ್ಸ್ ಇದ್ದಾರೆ. ಯುಟ್ಯೂಬ್‌ನಲ್ಲಿ 5.85 ಲಕ್ಷ ಸಬ್‌ಸ್ಕ್ರೈಬರ್ ಹೊಂದಿದ್ದಾರೆ. ಇಲ್ಲಿವರೆಗೆ ಬರೋಬ್ಬರಿ 370 ವಿಡಿಯೋಗಳನ್ನ ಹಾಕಿದ್ದಾರೆ.