ಮಹಾಕುಂಭ ಮೇಳಕ್ಕೆ ವಿಮಾನದಲ್ಲಿ ಹೋಗಿ

ಮಹಾಕುಂಭ ಮೇಳಕ್ಕೆ ಹೋಗುತ್ತಿರುವ ಭಕ್ತರಿಗೆ ಏರ್ ಇಂಡಿಯಾ ವಿಶೇಷ ಆಫರ್‌ ನೀಡಿದೆ. ಪ್ರಮುಖ ನಗರಗಳಿಂದ ವಿಶೇಷ ವಿಮಾನಗಳನ್ನು ಸಿದ್ಧಪಡಿಸಿದೆ.

ದೆಹಲಿಯಿಂದ ಪ್ರಯಾಗ್‌ರಾಜ್‌ಗೆ ದೈನಂದಿನ ವಿಮಾನಗಳನ್ನು ಆರಂಭಿಸಲು ಏರ್ ಇಂಡಿಯಾ ನಿರ್ಧರಿಸಿದೆ.

ಜನವರಿ 25 ರಿಂದ ಫೆಬ್ರವರಿ 28 ರವರೆಗೆ ಏರ್ ಇಂಡಿಯಾ ದೆಹಲಿ, ಪ್ರಯಾಗ್‌ರಾಜ್‌ ನಗರಗಳ ನಡುವೆ ತಾತ್ಕಾಲಿಕವಾಗಿ ದೈನಂದಿನ ಹಾರಾಟ ನಡೆಸಲಿದೆ.

ದೆಹಲಿ-ಪ್ರಯಾಗ್‌ರಾಜ್ ನಡುವೆ AI2843 ವಿಮಾನವು ಚಲಿಸುತ್ತದೆ. ಮಧ್ಯಾಹ್ನ 2:10 ಕ್ಕೆ ಹೊರಟು 3:20 ಕ್ಕೆ ಪ್ರಯಾಗ್‌ರಾಜ್ ತಲುಪುತ್ತದೆ. ಮತ್ತೆ ಅಲ್ಲಿಂದ ಸಂಜೆ 4 ಗಂಟೆಗೆ ಹೊರಟು 5:10 ಕ್ಕೆ ದೆಹಲಿ ತಲುಪುತ್ತದೆ.

ದೆಹಲಿಯಿಂದ ಪ್ರಯಾಗ್‌ರಾಜ್‌ಗೆ ರೂ.10,000 - 15,000 ರ ನಡುವೆ ದರ ಇದೆ. ಅಹಮದಾಬಾದ್‌ನಿಂದ ಪ್ರಯಾಗ್‌ರಾಜ್‌ಗೆ ರೂ.19,000 - 35,000, ಚೆನ್ನೈನಿಂದ ಪ್ರಯಾಗ್‌ರಾಜ್‌ಗೆ ರೂ.20,000 - ರೂ.33,000 ರ ನಡುವೆ ದರ ಇದೆ

ಪ್ರಯಾಣಿಕರು ಏರ್ ಇಂಡಿಯಾ ವೆಬ್‌ಸೈಟ್, ಮೊಬೈಲ್ ಆ್ಯಪ್, ಪ್ರಯಾಣಿಕ ಏಜೆಂಟ್‌ಗಳ ಮೂಲಕ ಟಿಕೆಟ್‌ಗಳನ್ನು ಸುಲಭವಾಗಿ ಬುಕ್ ಮಾಡಬಹುದು.

ಜನವರಿ 13 ರಂದು ಆರಂಭವಾದ ಮಹಾಕುಂಭ ಮೇಳದಲ್ಲಿ ಎರಡು ದಿನಗಳಲ್ಲೇ 5 ಕೋಟಿ ಭಕ್ತರು ಸಂಗಮದಲ್ಲಿ ಸ್ನಾನ ಮಾಡಿದ್ದಾರೆ.

ಪ್ರಯಾಗ್‌ರಾಜ್‌ನಲ್ಲಿ ನಡೆಯುವ ಪ್ರಪಂಚದಲ್ಲೇ ಅತಿ ದೊಡ್ಡ ಧಾರ್ಮಿಕ ಕಾರ್ಯಕ್ರಮಕ್ಕೆ 40 ರಿಂದ 45 ಕೋಟಿ ಜನರು ಆಗಮಿಸಲಿದ್ದಾರೆ ಎಂದು ಅಂದಾಜಿಸಲಾಗಿದೆ.