Education
ದೇಶದ ಪ್ರತಿಷ್ಠಿತ ಎಂಜಿನಿಯರಿಂಗ್ ಕಾಲೇಜುಗಳಲ್ಲಿ ಸೀಟು ಪಡೆಯಲು ಸಾವಿರಾರು ಆಕಾಂಕ್ಷಿಗಳು ಸ್ಪರ್ಧಾತ್ಮಕ ಪರೀಕ್ಷೆ ಬರೆಯುತ್ತಾರೆ. IIT, NIT & BIT ಗಳು ಕೆಲವು ಅತ್ಯಂತ ಪ್ರಸಿದ್ಧ ಎಂಜಿನಿಯರಿಂಗ್ ಸಂಸ್ಥೆಗಳಾಗಿವೆ.
ಅದೇ ರೀತಿ ಜಂಟಿ ಪ್ರವೇಶ ಪರೀಕ್ಷೆ (JEE) ಅಡ್ವಾನ್ಸ್ಡ್ ಬರೆದು ಅತ್ಯಧಿಕ ಅಂಕಗಳನ್ನು ಪಡೆದ ವೇದ್ ಲಹೋಟಿ ಅವರ ಯಶಸ್ಸಿನ ಕಥೆ ಇಲ್ಲಿ ನೀಡಲಾಗಿದೆ. ಅಂಬಾನಿಗೂ ಈ ವಿದ್ಯಾರ್ಥಿಗೂ ಸಂಬಂಧವಿದೆ.
2024ರಲ್ಲಿ ಇಂದೋರ್‌ನ ವೇದ್ ಲಹೋಟಿ 64ವರ್ಷಗಳ ದಾಖಲೆಯನ್ನು ಮುರಿದು ಜೆಇಇ ಅಡ್ವಾನ್ಸ್‌ನಲ್ಲಿ 360ಕ್ಕೆ 355ಅಂಕಗಳನ್ನು ಗಳಿಸಿದರು. ಈ ಮೂಲಕ ಇತಿಹಾಸ ಸೃಷ್ಟಿಸಿದರು. ಈ ಹಿಂದೆ 2022 ರಲ್ಲಿ 352 ಅಂಕಗಳ ದಾಖಲೆ ಇತ್ತು.
ನಾನು ಅಧ್ಯಯನ ಮಾಡುವಾಗ ಗಡಿಯಾರವನ್ನು ಎಂದಿಗೂ ನೋಡಲಿಲ್ಲ. ನಾನು ಗುಣಾತ್ಮಕ ಅಧ್ಯಯನದ ಮೇಲೆ ಹೆಚ್ಚು ಗಮನಹರಿಸಿದೆ. ಸಾಮಾಜಿಕ ಮಾಧ್ಯಮದಿಂದ ಸಮಯ ವ್ಯರ್ಥ ಹೀಗಾಗಿ ನಾನು ಅದರಿಂದ ದೂರವಿದ್ದೆ ಎಂದಿದ್ದಾರೆ.
ವೇದ್ ಮಧ್ಯಪ್ರದೇಶದ ಇಂದೋರ್ ಮೂಲದವರು. ಇದಲ್ಲದೆ, ಅವರು ರಾಜಸ್ಥಾನದ ಕೋಟಾದಲ್ಲಿರುವ ಪ್ರತಿಷ್ಠಿತ ತರಬೇತಿ ಕೇಂದ್ರದಲ್ಲಿ ಓದುತ್ತಿದ್ದರು, ಅಲ್ಲಿಯೇ JEE ತಯಾರಿಯನ್ನು ನಡೆಸಿದರು.
ವೇದ್ ಲಹೋಟಿ 10 ನೇ ತರಗತಿಯಲ್ಲಿ 98.6%, 12 ನೇ ತರಗತಿಯಲ್ಲಿ 97.6%, ಜೆಇಇ-ಮೈನ್ 2024 ರಲ್ಲಿ, ಅವರು 300 ರಲ್ಲಿ 295 ಅಂಕಗಳನ್ನು ಗಳಿಸುವ ಮೂಲಕ 119 ರ ಅಖಿಲ ಭಾರತ ಶ್ರೇಣಿಯನ್ನು ಗಳಿಸಿದ್ದಾರೆ.
ವೇದ್ ಅವರ ತಂದೆ ಯೋಗೇಶ್ ಲಹೋಟಿ ರಿಲಯನ್ಸ್ ಜಿಯೋದಲ್ಲಿ ನಿರ್ಮಾಣ ವ್ಯವಸ್ಥಾಪಕರಾಗಿದ್ದಾರೆ, ಇದು ಮುಖೇಶ್ ಅಂಬಾನಿ ಅವರ ಕಂಪನಿಯಾಗಿದೆ. ಅವರ ತಾಯಿ ಜಯಾ ಲಹೋಟಿ ಗೃಹಿಣಿ.
ತಮ್ಮ ಮಗ ಅಸಾಧಾರಣ ಪ್ರತಿಭಾವಂತನಾಗಲಿ ಎಂದು ನಂಬಿಕೆ ಇಟ್ಟು 'ವೇದ್' ಎಂದು ಹೆಸರಿಟ್ಟರು. ವೇದ ವ್ಯಾಸರು ಪವಿತ್ರ ಗ್ರಂಥ ವೇದಗಳನ್ನು ಸಂಗ್ರಹಿಸಿದರು, ಆದ್ದರಿಂದ ಅವರು ಮಗನಿಗೆ ಈ ಹೆಸರನ್ನು ಇಟ್ಟರು.
5 &6 ನೇ ತರಗತಿಗಳಲ್ಲಿ ಅಂತರರಾಷ್ಟ್ರೀಯ ಗಣಿತ ಒಲಿಂಪಿಯಾಡ್ (IMO)ನಲ್ಲಿ ಎರಡನೇ ಶ್ರೇಣಿ ಮೂಲಕ ಅಂತರರಾಷ್ಟ್ರೀಯ ಮನ್ನಣೆ, 8ನೇ ತರಗತಿಯಲ್ಲಿ ಅಂತರರಾಷ್ಟ್ರೀಯ ಜೂನಿಯರ್ ಸೈನ್ಸ್ ಒಲಿಂಪಿಯಾಡ್‌ನಲ್ಲಿ ಚಿನ್ನ ಪಡೆದಿದ್ದರು.