ಸೆಲೆಬ್ರಿಟಿ ಕಿಡ್ಸ್

ಯಾವಾಗ್ಲೂ ಜನರಿಗೆ ಸೆಲೆಬ್ರಿಟಿಗಳ ಮಕ್ಕಳು ಏನು ಮಾಡ್ತಾರೆ ಎಂದು ತಿಳಿಯುವ ಕುತೂಹಲ ಇದ್ದೇ ಇರುತ್ತೆ. ಹೆಚ್ಚಾಗಿ ಸಿನಿಮಾ ತಾರೆಯರು ಮಕ್ಕಳು, ಅದರಲ್ಲೂ ಸ್ಟಾರ್ ನಟರ ಮಕ್ಕಳು ನಟರಾಗಿ ಗುರುತಿಸೋದಕ್ಕೆ ಇಷ್ಟ ಪಡುತ್ತಾರೆ.
 

ಆದರೆ ಮಲಯಾಳಂ  ಸ್ಟಾರ್ ಮೋಹನ್‌ಲಾಲ್ ಮಗ ಮಾತ್ರ ಇದಕ್ಕೆ ವಿರುದ್ಧವಾಗಿದ್ದಾರೆ. ಮೋಹನ್ ಲಾಲ್ ಸೂಪರ್ ಸ್ಟಾರ್ ಆಗಿದ್ದರೆ, ಮಗ ಮಾತ್ರ ಸಿನಿಮಾದಿಂದ, ಲೈಮ್ ಲೈಟ್ ನಿಂದ ದೂರ ಉಳಿದು ಟ್ರಾವೆಲ್ ನಲ್ಲಿ ಖುಷಿ ಕಾಣ್ತಿದ್ದಾರೆ. 
 

ಮೋಹನ್‌ಲಾಲ್ ಒಬ್ಬನೇ ಮಗ ಪ್ರಣವ್, ಬಾಲನಟನಾಗಿ ಸಿನಿಮಾ ರಂಗಕ್ಕೆ ಬಂದು, ಮೊದಲ ಸಿನಿಮಾಗೆ ರಾಜ್ಯ ಪ್ರಶಸ್ತಿ ಪಡೆದರು. ಒಂದೆರಡು ಸಿನಿಮಾಗಳಲ್ಲಿ ಬಾಲನಟನಾಗಿ ಗುರುತಿಸಿ, ವಿದ್ಯಾಭ್ಯಾಸಕ್ಕಾಗಿ ಸಿನಿಮಾದಿಂದ ದೂರ ಉಳಿದರು. 
 

ಸಿನಿಮಾಗಳಿಂದ ದೂರ ಉಳಿದ ಪ್ರಣವ್, ಮತ್ತೆ ನಟ, ಗಾಯಕ, ಹಾಡು ಬರಹಗಾರನಾಗಿ ಬಂದರು. ಇವರು ನಟಿಸಿದ ಹೃದಯಂ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಪ್ರಣವ್ ನಟನೆಯನ್ನು ಜನ ಇಷ್ಟ ಪಟ್ಟಿದ್ದರು. 
 

ಈಗ ಪ್ರಣವ್ ಸಿನಿಮಾ ಬಿಟ್ಟು ಸ್ಪೇಷಲ್ ಪ್ರೋಗ್ರಾಮ್ ಒಂದನ್ನ ಮಾಡ್ತಿದ್ದಾರಂತೆ. ಪ್ರಣವ್ ಕುದುರೆ, ಕುರಿ, ಕುದುರೆ, ದನಗಳನ್ನು ಮೇಯಿಸುತ್ತಾ ರೈತ ಜೀವನ ನಡೆಸ್ತಿದ್ದಾರೆ. ಹಾಗಂತ ಇವರ ತಾಯಿ ಸಂದರ್ಶನದಲ್ಲಿ ತಿಳಿಸಿದ್ದಾರೆ. 
 

ಮೋಹನ್‌ಲಾಲ್ ಪತ್ನಿ ಸುಚಿತ್ರ, ಮಾತನಾಡಿ ಪ್ರಣವ್ ವರ್ಕ್ ಅವೇ ಪ್ರೋಗ್ರಾಮ್‌ಗಾಗಿ ಸ್ಪೇನ್‌ನಲ್ಲಿದ್ದಾರೆ, ಅಲ್ಲಿ ವ್ಯವಸಾಯ ಮಾಡ್ತಾ ರೈತರ ಜೊತೆ ಪ್ರಯೋಗಗಳನ್ನು ಮಾಡ್ತಿದ್ದಾರೆ ಎಂದಿದ್ದಾರೆ. 
 

ತಂದೆ ಮೋಹನ್ ಲಾಲ್ ಕೋಟ್ಯಾಧಿಪತಿ ಆಗಿದ್ದರೂ ಸಹ, ಹಣದಿಂದ ದೂರ ಉಳಿದು , ಸರಳ ಜೀವನ ನಡೆಸುತ್ತಿದ್ದಾರೆ ಪ್ರಣವ್, ಅದಕ್ಕಾಗಿ ಹೊಲದಲ್ಲಿ ದುಡಿದು, ಅದಕ್ಕೆ ಪ್ರತಿಯಾಗಿ ಆಹಾರ, ನೆಲೆ ಪಡೆದುಕೊಂಡಿದ್ದಾರೆ. 
 

ಪ್ರಣವ್ ಸದ್ಯ ಫಾರ್ಮಿಂಗ್, ಕುದುರೆಗಳು, ಕುರಿಮರಿಗಳನ್ನು ನೋಡಿಕೊಳ್ಳುವ ಕೆಲಸ ಮಾಡ್ತಿದ್ದಾರೆ. ಸ್ಲೋ ಲೈಫ್‌ಸ್ಟೈಲ್‌ ಅನುಭವಿಸಲು ಅವರು ಈ ರೀತಿಯ ಕೆಲಸ ಆಯ್ಕೆ ಮಾಡಿಕೊಂಡಿರೋದಾಗಿ ಸುಚಿತ್ರಾ ತಿಳಿಸಿದ್ದಾರೆ. 
 

ಸೋಶಿಯಲ್ ಮೀಡಿಯಾದಲ್ಲಿ ಆವಾಗವಾಗ ಕಾಣಿಸಿಕೊಳ್ಳುವ ಪ್ರಣವ್‌ ಹೆಚ್ಚಾಗಿ ನೇಚರ್ ಜೊತೆಗಿನ ಫೋಟೊ, ಕಸರತ್ತುಗಳ ಫೋಟೊ, ವಿಡಿಯೋ ಪೋಸ್ಟ್ ಮಾಡುತ್ತಿರುತ್ತಾರೆ. ಇವರನ್ನ ತೆರೆ ಮೇಲೆ ನೋಡಲು ಜನ ಕಾಯುತ್ತಿದ್ದಾರೆ.