Cine World
1000 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ ಅತ್ಯುತ್ತಮ ಕ್ಯಾಬರೆ ನರ್ತಕಿ ಮತ್ತು ನಟಿ ಹೆಲೆನ್ ಅವರು ಆಗಲೇ ಮದುವೆಯಾಗಿದ್ದ ಸಲೀಂ ಖಾನ್ ಅವರನ್ನು ಮದುವೆಯಾದಾಗ ಖಾನ್ ಕುಟುಂಬದಲ್ಲಿ ತೀವ್ರ ಸಂಚಲನ ಸೃಷ್ಟಿಯಾಗಿತ್ತು.
ಹೆಲೆನ್ ಅವರಿಗೀಗ 86ರ ಹರೆಯ. ಸಲ್ಮಾನ್ ಖಾನ್ ಮಲತಾಯಿ ಸಲೀಂ ಖಾನ್ ಪತ್ನಿಗೆ ಸವತಿಯಾಗಿ ಬಂದ ಅವರು ಮಲ ಮಕ್ಕಳಿಗೂ ಪ್ರೀತಿಯ ಅಮ್ಮನಾದರು. ಕುಟುಂಬ ಒಡೆಯದೇ ಅವರಲ್ಲೇ ಒಂದಾಗಿ ಬೆರೆತ ಹೆಲೆನ್ ಲೈಫ್ ಜರ್ನಿ ಇಲ್ಲಿದೆ.
ಹೆಲೆನ್ 1938 ರಲ್ಲಿ ಮ್ಯಾನ್ಮಾರ್‌ನ ಯಾಂಗೂನ್‌ನಲ್ಲಿ ಜನಿಸಿದರು. ಈಗ ಚಿತ್ರರಂಗದಿಂದ ದೂರವುಳಿದಿರುವ ಹೆಲೆನ್ ಕೊನೆಯದಾಗಿ 2012 ರ 'ಹೀರೋಯಿನ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಹೆಲೆನ್ ತಮ್ಮ 70 ವರ್ಷಗಳ ಚಿತ್ರರಂಗದ ವೃತ್ತಿಜೀವನದಲ್ಲಿ ಸುಮಾರು 1000 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಹೆಲೆನ್ ಚಿತ್ರರಂಗದ ಪ್ರತಿಯೊಬ್ಬ ದೊಡ್ಡ-ಸಣ್ಣ ತಾರೆಯರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.
ಎರಡನೇ ಮಹಾಯುದ್ಧದ ಸಮಯದಲ್ಲಿ ಹೆಲೆನ್ ಬರ್ಮಾದಿಂದ ದಿಬ್ರುಗಢಕ್ಕೆ ಪ್ರಾಣ ಉಳಿಸಿಕೊಳ್ಳುವ ಸಲುವಾಗಿ ಬಂದರು. ಕಠಿಣ ಪರಿಶ್ರಮದ ನಂತರ ಹೆಲೆನ್ ಮುಂಬೈಗೆ ಬಂದು ಚಿತ್ರರಂಗದಲ್ಲಿ ಅವಕಾಶ ಪಡೆದರು.
1958 ರಲ್ಲಿ ಬಿಡುಗಡೆಯಾದ 'ಹೌರಾ ಬ್ರಿಡ್ಜ್' ಚಿತ್ರದಲ್ಲಿ ಹೆಲೆನ್‌ಗೆ ಕೆಲಸ ಮಾಡಲು ಅವಕಾಶ ಸಿಕ್ಕಿತು. ನಂತರ ಅವರಿಗೆ ಸಾಲು ಸಾಲು ಚಿತ್ರಗಳಲ್ಲಿ ಅವಕಾಶ ಸಿಕ್ಕಿತು. .
ಚಿತ್ರಗಳಲ್ಲಿ ಕೆಲಸ ಮಾಡುವಾಗ ಹೆಲೆನ್‌ಗೆ ಸಲ್ಮಾನ್ ಖಾನ್ ತಂದೆ ಸಲೀಂ ಖಾನ್ ಭೇಟಿಯಾಗಿದ್ದು, ಸಲೀಂ ಹೆಲೆನ್ ನೃತ್ಯಕ್ಕೆ ಮನಸೋತಿದ್ದರು.ಇಬ್ಬರ ಸ್ನೇಹ ಪ್ರೀತಿಗೆ ತಿರುಗಿ 1980 ರಲ್ಲಿ ಇಬ್ಬರೂ ವಿವಾಹವಾದರು.
ಆದರೆ ಸಲೀಂ ಖಾನ್‌ಗೆ ಆಗಲೇ ಮದುವೆಯಾಗಿ ನಾಲ್ವರು ಮಕ್ಕಳಿದ್ದರು. ಹೀಗಾಗಿ ಈ ಮದುವೆ ಮನೆಯ ಯಾರಿಗೂ ಇಷ್ಟ ಇರಲಿಲ್ಲ, ಪತ್ನಿ ಸೇರಿದಂತೆ ನಾಲ್ವರು ಮಕ್ಕಳು ಕೂಡ ಮದುವೆಗೆ ವಿರೋಧ ವ್ಯಕ್ತಪಡಿಸಿದ್ದರು.
ಗಂಡ ಎರಡನೇ ಮದುವೆ ಮಾಡಿಕೊಂಡಿದ್ದರಿಂದ ಸಲ್ಮಾನ್ ಖಾನ್ ತಾಯಿ ಸಲ್ಮಾ ಖಿನ್ನತೆಗೆ ಒಳಗಾದರು. ಈ ವಿಷಯವನ್ನು ಅವರೇ ಒಂದು ಸಂದರ್ಶನದಲ್ಲಿ ಹೇಳಿದ್ದರು. ಸಲ್ಮಾನ್, ಅರ್ಬಾಜ್, ಸೋಹೆಲ್ ಹೆಲೆನ್ ಜೊತೆ ಮಾತನಾಡುತ್ತಿರಲಿಲ್ಲ.
ಆದರೆ ಒಟ್ಟಿಗೆ ವಾಸಿಸುವಾಗ ಸಲ್ಮಾನ್, ಅರ್ಬಾಜ್-ಸೋಹೆಲ್‌ಗೆ ನಾವು ಹೆಲೆನ್ ಬಗ್ಗೆ ಏನು ಯೋಚಿಸುತ್ತಿದ್ದೆವೋ ಅದು ನಿಜವಲ್ಲ ಎಂಬುದು ಅರ್ಥವಾಯ್ತು.ಹಾಗೂ ಕುಟುಂಬದ ವಾತಾವರಣ ಮತ್ತೆ ಸಂತೋಷದಿಂದ ಕೂಡಿತ್ತು.