Jun 20, 2024, 11:50 PM IST
ಬೆಂಗಳೂರು (ಜೂ.20): ರೇಣುಕಾಸ್ವಾಮಿ ಕೊಲೆ ಕೇಸ್‌ನಲ್ಲಿ ಮತ್ತೆ ಎರಡು ದಿನ ದರ್ಶನ್‌ರನ್ನ ಪೊಲೀಸ್‌ ಕಸ್ಟಡಿಗೆ ನೀಡಲಾಗಿದೆ. ಈ ನಡುವೆ ರೇಣುಕಾಸ್ವಾಮಿಗೆ ಕೊಲೆಗೆ ಈವರೆಗೂ ಒಟ್ಟು 15 ಸಾಕ್ಷಿ ಸಿಕ್ಕಿವೆ ಎನ್ನಲಾಗಿದೆ.
ನಟ ದರ್ಶನ್ ಗ್ಯಾಂಗ್ ವಿರುದ್ಧ ಒಟ್ಟು 15 ಪ್ರಬಲ ಸಾಕ್ಷ್ಯ ಸಿಕ್ಕಿವೆ. ಡಿಗ್ಯಾಂಗ್ನಿಂದ ಕೊಲೆ ಎಂದು FSL ವರದಿಯಲ್ಲಿ ಸಾಕ್ಷ್ಯ ಸಿಕ್ಕಿದೆ. ಈ ಸಾಕ್ಷ್ಯಗಳಿಂದ್ಲೇ ದರ್ಶನ್ಗೆ ಜೈಲೂಟ ಫಿಕ್ಸ್ ಆಗುತ್ತಾ ಎನ್ನುವ ಪ್ರಶ್ನೆ ಎದ್ದಿದೆ.
ದರ್ಶನ್ ಅಂಡ್ ಗ್ಯಾಂಗ್ ವಿರುದ್ಧ 8 ಹೊಸ ಸೆಕ್ಷನ್ ಸೇರ್ಪಡೆ ಮಾಡಿದ ಪೊಲೀಸರು; ಜೈಲೂಟ ಫಿಕ್ಸ್!
ಕೊಲೆ ಆರೋಪಿಗಳ ಚಲನವಲನದ ಸಂಪೂರ್ಣ ಸಿಸಿಟಿವಿ ದೃಶ್ಯಗಳು ಲಭ್ಯವಾಗಿದೆ. ಕೊಲೆಯಾದ ರೇಣುಕಾಸ್ವಾಮಿ ರಕ್ತದ ಮಾದರಿ, ಕೂದಲು ಮಾದರಿ ಸಂಗ್ರಹ ಮಾಡಲಾಗಿದೆ. ಎಲ್ಲ ಆರೋಪಿಗಳ ಡಿಎನ್ಎ ಸಹಿತ ರಕ್ತದ ಮಾದರಿ, FSLಗೆ ರವಾನಿಸಲಾಗಿದೆ. ಹಲ್ಲೆಯ ನಡೆಸಿದ ವೇಳೆ ನಟ ದರ್ಶನ್ ಬಟ್ಟೆ ಮೇಲೆ ರಕ್ತದ ಕಲೆಗಳು ಕೂಡ ತಾಳೆಯಾಗಿದೆ ಎನ್ನಲಾಗಿದೆ.