Chikkamagaluru: 'ಕಾಂತಾರ' ಎಫೆಕ್ಟ್, ಕಾಫಿನಾಡಲ್ಲಿ ಕುಡುಕನ ರಾದ್ಧಾಂತ

ಚಿಕ್ಕಮಗಳೂರು (ಅ.12): ರಿಷಬ್ ಶೆಟ್ಟಿ ನಟಿಸಿ, ನಿರ್ದೇಶನ ಮಾಡಿರುವ ಕಾಂತಾರ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣುತ್ತಿದ್ದು, ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ಪಂಜುರ್ಲಿ, ಗುಳಿಗ ದೈವದ ಕಥೆಯನ್ನು ಒಳಗೊಂಡ ಕಾಂತಾರ ಕನ್ನಡ ಸಿನಿಮಾ ರಂಗಕ್ಕೆ ಮತ್ತಷ್ಟು ಹೆಸರು ತಂದುಕೊಟ್ಟಿದ್ದು, ಈ ಸಿನಿಮಾ ತಮಿಳು, ಮಲೆಯಾಳಂ ಸೇರಿದಂತೆ ಹಿಂದಿ ಭಾಷೆಯಲ್ಲಿ ಬಿಡುಗಡೆಯಾಗಲು ಸಿದ್ಧವಾಗುತ್ತಿದೆ. ಈ ನಡುವೆ ಕಾಫಿನಾಡು ಚಿಕ್ಕಮಗಳೂರಿನಲ್ಲಿ ಕುಡುಕನೊಬ್ಬ ಜೆಎಂಜೆ ಚಿತ್ರಮಂದಿರದಲ್ಲಿ ಕಾಂತಾರ ಸಿನಿಮಾವನ್ನು ವೀಕ್ಷಿಸಿದ ನಂತರ ಕೊಪ್ಪ ಬಸ್‌ ನಿಲ್ದಾಣದಲ್ಲಿ ದಾಂಧಲೆಯನ್ನು ನಡೆಸಿದ್ದಾನೆ. ಹೌದು! ರಿಷಬ್ ಶೈಲಿಯಲ್ಲಿಯೇ ಕುಡಿದ ಮತ್ತಿನಲ್ಲಿ ನಟನೆ ಮಾಡಿ ಕೇಕೆ ಹಾಕಿ ಡ್ಯಾನ್ಸ್‌ ಮಾಡಿದ್ದಾನೆ. ಇನ್ನು ಈ ವ್ಯಕ್ತಿಯ ನಟನೆ ನೋಡಿ ಮಲೆನಾಡಿಗರು ನಕ್ಕು ನಕ್ಕು ಸುಸ್ತಾಗಿದ್ದಾರೆ. ಈ ಕುಡುಕನ ಅಬ್ಬರದ ವಿಡಿಯೋ ಇದೀಗ ವೈರಲ್ ಆಗಿದೆ.