ರಮ್ಯಾ ಮನೆಯಂಗಳಕ್ಕೆ ನುಗ್ಗಿದ ಹಾಸ್ಟೆಲ್ ಹುಡುಗ್ರು: ಹೋರಾಟಕ್ಕೆ ಮಣಿದ ಮೋಹಕ ತಾರೆ

ರಮ್ಯಾ ಬೆಳ್ಳಿತೆರೆ ಮೇಲೆ ಮತ್ತೆ ರಾರಾಜಿಸಬೇಕು, ಮೆರೆದಾಡಬೇಕು ಅನ್ನೋ ಆಸೆ ಅವರ ಅಭಿಮಾನಿಗಳಲ್ಲಿದೆ. ರಮ್ಯಾಗಾಗಿ ಹಾಸ್ಟೆಲ್ ಹುಡುಗ್ರು ಗೋಳಾಡುತ್ತಿದ್ದಾರೆ. ಪದ್ಮಾವತಿ ಬೇಗ ಸಿನಿಮಾದಲ್ಲಿ ಕಮ್ ಬ್ಯಾಕ್  ಮಾಡಬೇಕು ಅಂತ ಹಾಸ್ಟೆಲ್ ಹುಡುಗರೆಲ್ಲಾ ಸೇರಿ ಪ್ರತಿಭಟನೆ ಮಾಡಿದ್ದಾರೆ. ವಿ ವಾಂಟ್ ರಮ್ಯಾ ಪ್ರತಿಭಟನೆ ಮಾಡುತ್ತಾ ಹಾಸ್ಟೆಲ್ ಹುಡುಗ್ರು ರಮ್ಯಾ ಮನೆ ಅಂಗಳಕ್ಕೆ ನುಗ್ಗಿದ್ದಾರೆ. ಏನಿದು ಅಂತಿರಾ, ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾ ತಂಡ ವಿಭಿನ್ನವಾದ ಪ್ರಚಾರ ಮಾಡುತ್ತಿದ್ದಾರೆ.  ಹಾಸ್ಟೆಲ್ ಹೋಡುಗರಿಗೆ ಇದೀಗ ರಮ್ಯಾ ಸಾಥ್ ನೀಡಿದ್ದಾರೆ. ಇತ್ತೀಚಿಗಷ್ಟೆ ರಿಲೀಸ್ ಮಾಡಿರುವ ವಿಡಿಯೋದಲ್ಲಿ ರಮ್ಯಾ ಮನೆ ಮುಂದೆ ಪ್ರೊಟೆಸ್ಟ್ ಮಾಡಿ ಅವರನ್ನು ಸಿನಿಮಾದಲ್ಲಿ ನಟಿಸಲು ಒಪ್ಪಿಸಿದ್ದಾರೆ. ಈ ವಿಡಿಯೋ ಈಗ ಅಭಿಮಾನಿಗಳ ಹೃದಯ ಗೆದ್ದಿದೆ.