ಟಿಕೆಟ್‌ ಕೈತಪ್ಪಲು ಎಡಿಟೆಡ್‌ ಅಶ್ಲೀಲ ಫೋಟೋಗಳೇ ಕಾರಣ: ಗಳಗಳನೇ ಅತ್ತ ಸವಿತಾ

ದಾವಣಗೆರೆ: ಮಾಯಕೊಂಡ ವಿಧಾನಸಭಾ ಕ್ಷೇತ್ರದಲ್ಲಿ ಕೆ.ಎಸ್‌ ಬಸವರಾಜ್‌ಗೆ ಟಿಕೆಟ್‌ ಘೋಷಣೆಯಾಗಿದೆ. ಆದರೆ ಕಾಂಗ್ರೆಸ್ ಟಿಕೆಟ್ ಆಕಾಂಕ್ಷಿಯಾಗಿದ್ದ ಸವಿತಾ ಎಂಬುವವರು ಸುದ್ದಿಗೋಷ್ಠಿ ನಡೆಸಿ ಕಣ್ಣೀರಿಟ್ಟಿದ್ದಾರೆ. ನನಗೆ ಟಿಕೆಟ್ ತಪ್ಪಲು ನನ್ನ ಪಕ್ಷದ ನಾಯಕರೇ ಕಾರಣ, ನನ್ನ ಫೋಟೋಗಳನ್ನು ಅಶ್ಲೀಲವಾಗಿ ಎಡಿಟ್ ಮಾಡಿ ಕೆಪಿಸಿಸಿ ರಾಜ್ಯ ಮಟ್ಟದ ನಾಯಕರಿಗೆ ಕಳುಹಿಸಲಾಗಿದೆ ಇದರಿಂದಲೇ ನನಗೆ ಟಿಕೆಟ್ ತಪ್ಪಿದೆ ಎಂದು ಸವಿತಾ ಅಳಲು ಶುರು ಮಾಡಿದ್ದಾರೆ.  ಅಲ್ಲದೇ ಅವರು ತಮ್ಮದೇ ಪಕ್ಷದ ಅಭ್ಯರ್ಥಿ ಬಸವರಾಜ್ ವಿರುದ್ಧ ದಾವಣಗೆರೆಯ ಸಿ.ಎನ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.