Jun 30, 2020, 11:05 AM IST
ಬೆಂಗಳೂರು (ಜೂ. 30): ಬುಧವಾರದಿಂದ ಜಾರಿಗೆ ಬರುವ ಅನ್ಲಾಕ್ 2.0 ಸಂಬಂಧ ಕೇಂದ್ರ ಗೃಹ ಸಚಿವಾಲಯ ಸೋಮವಾರ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಕೆಲವೊಂದು ಸಣ್ಣಪುಟ್ಟಬದಲಾವಣೆ ಬಿಟ್ಟರೆ ಅನ್ಲಾಕ್ 1ರಲ್ಲಿ ಎಲ್ಲಾ ನಿಯಮಗಳು ಮುಂದುವರೆಯಲಿವೆ. ಕೊರೋನಾ ವೈರಸ್‌ ಅಬ್ಬರ ದೇಶದಲ್ಲಿ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಜು.31ರವರೆಗೂ ಶಾಲೆ- ಕಾಲೇಜು, ಶೈಕ್ಷಣಿಕ ಹಾಗೂ ಕೋಚಿಂಗ್‌ ಸಂಸ್ಥೆಗಳನ್ನು ಆರಂಭಿಸದೇ ಇರಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.
ಜುಲೈ 1 ರಿಂದ ಅನ್ಲಾಕ್ 2.0: ಏನಿರತ್ತೆ? ಏನಿರಲ್ಲ?
ಇದೇ ವೇಳೆ, ಅಂತಾರಾಷ್ಟ್ರೀಯ ವಿಮಾನ ಪ್ರಯಾಣ, ಮೆಟ್ರೋ ರೈಲು, ಸಿನಿಮಾ ಮಂದಿರ, ಜಿಮ್ನಾಶಿಯಂ, ಈಜುಕೊಳ, ಮನರಂಜನಾ ಪಾರ್ಕ್, ಬಾರ್‌, ಆಡಿಟೋರಿಯಂ, ಸಾಮಾಜಿಕ- ರಾಜಕೀಯ- ಕ್ರೀಡಾ- ಮನರಂಜನಾ- ಸಾಂಸ್ಕೃತಿಕ- ಧಾರ್ಮಿಕ ಕಾರ್ಯಕ್ರಮಗಳಿಗೂ ನಿರ್ಬಂಧ ಮುಂದುವರಿಸಿದೆ.