Dec 19, 2022, 7:27 PM IST
ಫಿಫಾ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಅರ್ಜೆಂಟೀನಾ ಸಾಮ್ರಾಟನಾಗಿದೆ. ಫ್ರಾನ್ಸ್ ವಿರುದ್ದ ಗೆದ್ದು ಬೀಗಿದ ಲಿಯೋನಲ್ ಮೆಸ್ಸಿ ಪಡೆ ಟ್ರೋಫಿಯೊಂದಿಗೆ ಸಂಭ್ರಮಾಚರಣೆಯಲ್ಲಿದೆ. ಟ್ರೋಫಿ ಗೆದ್ದ ಬೆನ್ನಲ್ಲೇ ಅಭಿಮಾನಿಗಳಿಗೆ ಮತ್ತೊಂದು ಗುಡ್ನ್ಯೂಸ್ ನೀಡಿದ್ದಾರೆ. ಹೌದು, ಫಿಫಾ ವಿಶ್ವಕಪ್ ಗೆದ್ದ ಬೆನ್ನಲ್ಲೇ ಎದ್ದ ನಿವೃತ್ತಿ ವದಂತಿಗಳಿಗೆ ಮೆಸ್ಸಿ ಸ್ಪಷ್ಟನೆ ನೀಡಿದ್ದಾರೆ. ನಿವೃತ್ತಿ ವದಂತಿಗಳನ್ನು ತಳ್ಳಿ ಹಾಕಿರುವ ಮೆಸ್ಸಿ ಮತ್ತೆ ಫುಟ್ಬಾಲ್ ಮೈದಾನದಲ್ಲಿ ಮಿಂಚಿನ ಗೋಲುಗಳ ಮೂಲಕ ಅಭಿಮಾನಿಗಳಿಗೆ ರಸದೌತಣ ನೀಡುವ ಭರವಸೆ ನೀಡಿದ್ದಾರೆ. 2016ರಲ್ಲಿ ಮೆಸ್ಸಿ ನಿವೃತ್ತಿ ಘೋಷಿಸಿದ್ದರು. ಆದರೆ ಹಲವರ ಒತ್ತಾಯಕ್ಕೆ ಮಣಿದು ನಿವೃತ್ತಿ ಹಿಂಪಡೆದಿದ್ದರು. ಇದೀಗ 36 ವರ್ಷಗಳ ಬಳಿಕ ವಿಶ್ವಕಪ್ ಗೆಲುವಿನಲ್ಲಿ ಮೆಸ್ಸಿ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ.