ರಶ್ಮಿಕಾ ಸಿನಿ ಜರ್ನಿಯ ಮತ್ತೊಂದು ಸತ್ಯ ರಿವೀಲ್: ಶ್ರೀವಲ್ಲಿಯ ಮೊದಲ ಸಿನಿಮಾ ಕಿರಿಕ್ ಪಾರ್ಟಿ ಅಲ್ಲ!

ರಶ್ಮಿಕಾ ಮಂದಣ್ಣ.. ಕನ್ನಡದ ಈ ಹುಡುಗಿ ಈಗ ನ್ಯಾಷನಲ್ ಕ್ರಶ್. ಪ್ಯಾನ್ ಇಂಡಿಯಾ ಹೀರೋಯಿನ್, ಬಹುಭಾಷಾ ನಟಿ. ರಶ್ಮಿಕಾ ಮಂದಣ್ಣ ಮೊದಲ ಸಿನಿಮಾ ಯಾವ್ದು ಅಂತ ಕೇಳಿದ್ರೆ ಕನ್ನಡದಲ್ಲಿ ಕಿರಿಕ್ ಪಾರ್ಟಿ, ತೆಲುಗಿನಲ್ಲಿ ಚಲ್ಲೋ, ತಮಿಳಿನಲ್ಲಿ ಸುಲ್ತಾನ್, ಹಿಂದಿಯಲ್ಲಿ ಗುಡ್‌ಬೈ ಅಂತ ನಿಮ್ಗೆಲ್ಲಾ ಗೊತ್ತು. ಆದ್ರೆ ರಶ್ಮಿಕಾ ಸಿನಿ ಜರ್ನಿಯ ಮತ್ತೊಂದು ಸತ್ಯ ಈಗ ರಿವೀಲ್ ಶ್ರೀವಲ್ಲಿಯ ಮೊದಲ ಸಿನಿಮಾ ಕಿರಿಕ್ ಪಾರ್ಟಿ ಅಲ್ಲ ಅಲ್ಲ ಅನ್ನೋದು ಗೊತ್ತಾಗಿದೆ. ರಕ್ಷಿತ್ ಶೆಟ್ಟಿಯ ಕಿರಿಕ್ ಪಾರ್ಟಿ ಸಿನಿಮಾ ಆ ಚಿತ್ರದಲ್ಲಿ ವರ್ಕ್ ಮಾಡಿದವರ ಬದುಕು ಬದಲಿಸಿತ್ತು.

ರಶ್ಮಿಕಾ ಮಂದಣ್ಣ ನ್ಯಾಷನಲ್ ಕ್ರಶ್ ಪಟ್ಟ ತಂದುಕೊಟ್ಟಿತ್ತು. ಅಷ್ಟೇ ಅಲ್ಲ 'ಕಿರಿಕ್ ಪಾರ್ಟಿ' ಸ್ಯಾಂಡಲ್‌ವುಡ್‌ಗೊಂದು ಟ್ರೆಂಡ್ ಸೆಟ್‌ ಮಾಡಿದ ಸಿನಿಮಾ ಆಯ್ತು. ಆದರೆ, ಎಲ್ಲರಿಗಿಂತ ಹೆಚ್ಚು ಶೈನ್ ಆಗಿದ್ದು ಮಾತ್ರ ರಶ್ಮಿಕಾ ಮಂದಣ್ಣ. ಒಂದರ ಹಿಂದೊಂದು ಆಫರ್‌ಗಳು ಈಕೆಯನ್ನು ಹುಡುಕಿಕೊಂಡು ಬಂದಿದ್ದವು. ಆದ್ರೆ ಕಿರಿಕ್ ಪಾರ್ಟಿ ರಶ್ಮಿಕಾ ಒಪ್ಪಿದ್ದ ಮೊದಲ ಸಿನಿಮಾ ಅಲ್ಲ. ಆ ಸಿನಿಮಾ ಮಾಡೋಕು ಮೊದ್ಲೆ ಶ್ರೀವಲ್ಲಿ ರಶ್ಮಿಕಾ ಗೆಳೆಯರೇ ಗೆಳತಿಯರೇ ಅನ್ನೋ ಸಿನಿಮಾ ಒಪ್ಪಿದ್ರು. 'ಕಿರಿಕ್ ಪಾರ್ಟಿ' ಸಿಗುವುದಕ್ಕೂ ಮೊದಲು ರಶ್ಮಿಕಾ ಮಂದಣ್ಣ ನಟಿಯಾಗೋಕೆ ಸಿಕ್ಕಾಪಟ್ಟೆ ಕಷ್ಟ ಪಟ್ಟಿದ್ರು. 

ಸಿಕ್ಕ ಸಿಕ್ಕಲ್ಲೆಲ್ಲಾ ನಿರಂತರವಾಗಿ ಆಡಿಷನ್‌ ಒಟ್ಟಿದ್ರು. ಆಗ ರಶ್ಮಿಕಾ 'ಗೆಳೆಯರೇ ಗೆಳತಿಯರೇ' ಅನ್ನೋ ಚಿತ್ರಕ್ಕೆ ಆಯ್ಕೆಯಾದ್ರು. ಈ ಸಿನಿಮಾದ ಸ್ಕ್ರಿಪ್ಟ್ ಪೂಜೆ ಕೂಡ ನಡೆದಿತ್ತು. ರಶ್ಮಿಕಾ ಜೊತೆ ಆಯ್ಕೆಯಾದವರು ರಿಹರ್ಷಲ್ ಮಾಡಿದ್ರು. ಸಿನಿಮಾದ ಕೆಲವೊಂದಿಷ್ಟು ಶೂಟಿಂಗ್ ಕೂಡ ಆಗಿತ್ತು. ಆದ್ರೆ ಮೂರು ತಿಂಗಳ ಬಳಿಕ 'ಗೆಳೆಯರೇ ಗೆಳತಿಯರೇ' ಸಿನಿಮಾ ನಿಂತು ಹೋಯ್ತು. ಆ ನಂತರ ಬಂದಿದ್ದೆ ಕಿರಿಕ್ ಪಾರ್ಟಿ ಸಿನಿಮಾ. ಹೀಗಾಗಿ ಶ್ರೀವಲ್ಲಿ ಮೊದಲ ಸಿನಿಮಾ ಯಾವ್ದು ಅಂತ ಕೇಳಿದ್ರೆ ಬಿಡೆಗಡೆ ಆಗಿದ್ದು ಕಿರಿಕ್ ಪಾರ್ಟಿ ಆದ್ರೆ, ರಶ್ಮಿಕಾ ಆಯ್ಕೆ ಆದ ಮೊದಲ ಚಿತ್ರ ಗೆಳೆಯರೇ ಗೆಳತಿಯರೇ ಅನ್ನೋ ಸತ್ಯ ನಿಮ್ಗೆ ಗೊತ್ತಿರಲಿ.