Nov 2, 2024, 10:44 AM IST
ದೀಪಾವಳಿ ಹಬ್ಬ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣಗೆ ಸಖತ್ ಕಿಕ್ ಕೊಟ್ಟಿದೆ. ಈ ಹಬ್ಬ ರಶ್ಮಿಕಾ ಮನದಲ್ಲಿ ಪ್ರೀತಿಯ ಬೆಳಕು ಮತ್ತೆ ಪ್ರಜ್ವಲಿಸುವಂತೆ ಮಾಡಿದೆ. ಲಿಲ್ಲಿಗೆ ಹೋಳಿಗೆ ತುಪ್ಪ ತಿಂದಷ್ಟೇ ಸಂತೋಷ ಆಗಿದೆ. ಯಾಕಂದ್ರೆ ಶ್ರೀವಲ್ಲಿ ಈ ವರ್ಷ ದೀಪಾವಳಿ ಆಚರಿಸಿದ್ದು ತನ್ನ ಮನದರಸನ ಮನೆಯಲ್ಲಿ. ಹಾಗಾದ್ರೆ ರಶ್ಮಿಕಾ ದೀಪಾವಳಿ ಸೆಲೆಬ್ರೇಷನ್ ಹೇಗಿತ್ತು..? ಮನದರಸನ ಮನೆಯಲ್ಲಿ ಶ್ರೀವಲ್ಲಿ ಬಾಳು ಬೆಳಕಾಗಿದ್ದು ಹೇಗೆ..? ದೀಪಾವಳಿ ಅಂದ್ರೆ ಕತ್ತಲು ತೊಲಗಿಸಿ ಬಾಳು ಬೆಳಕಾಗಿಸೋ ಹಬ್ಬ. ಕುಟುಂಬ ಒಟ್ಟಿಗೆ ಸೇರಿ ದೀಪ ಹಚ್ಚಿ ಬಗೆ ಬಗೆಯ ಊಟ ಮಾಡೋ ಸಂಭ್ರಮದ ಹಬ್ಬ.
ಈ ಸಂಭ್ರಮ ರಶ್ಮಿಕಾ ಮನದಲ್ಲಿ ಹೆಚ್ಚಾಗಿದೆ. ಅದಕ್ಕೆ ಕಾರಣ ಒನ್ಸ್ ಅಗೈನ್ ರಶ್ಮಿಕಾ ಗೆಳೆಯ ಸ್ನೇಹಿತ, ಪ್ರೇಮಿ ಅಂತೆಲ್ಲಾ ಕರೆಯಲ್ಪಡೋ ವಿಜಯ್ ದೇವರಕೊಂಡ. ಟಾಲಿವುಡ್ನ ಕಿಸ್ಸರ್ ಬಾಯ್ ವಿಜಯ್ ದೇವರಕೊಂಡ ಮನೆ ಮನ ಬೆಳಗಿಸೋ ಮನದರಸಿ ಯಾರು ಅಂತ ಕೇಳಿದ್ರೆ ಎಲ್ಲರೂ ಬೆರಳು ತೋರಿಸೋದು ರಶ್ಮಿಕಾ ಮಂದಣ್ಣಗೆ. ಯಾಕಂದ್ರೆ ಗೀತ ಗೋವಿಂದಂ ಸಿನಿಮಾದಿಂದ ಇವರಿಬ್ಬರ ಮಧ್ಯೆ ಲವ್ ಹುಟ್ಟಿ ಬೆಳೆದು ಹೆಮ್ಮರವಾಗಿದೆ ಅಂತ ಇಡೀ ಟಾಲಿವುಡ್ ತುಂಬಾ ಟಾಕ್ ಆಗಿದೆ. ಅದು ನಿಜ ಅಂತ ಆಗಾಗ ಈ ಜೋಡಿ ಪ್ರೂವ್ ಮಾಡ್ತಾನೆ ಬರುತ್ತಿದೆ. ಇದೀಗ ದೀಪಾವಳಿ ಹಬ್ಬದದಲ್ಲೂ ವಿಜಯ್ ರಶ್ಮಿಕಾ ಒಟ್ಟಿಗೆ ದೀಪ ಹಚ್ಚಿ ಪಟಾಕಿ ಹೊಡೆದು ಹೋಳಿಗೆ ತುಪ್ಪ ತಿಂದು ಆಚರಿಸಿದ್ದಾರೆ.
ರಶ್ಮಿಕಾ ಮಂದಣ್ಣ ವಿಜಯ್ ದೇವರಕೊಂಡ ಸಂಬಂಧಕ್ಕೆ ಪ್ರೀತಿಯ ಬಣ್ಣ ಬಳಿದಾಗಿದೆ. ಇಬ್ಬರದ್ದು ಸ್ನೇಹ ಅಲ್ಲ ಪ್ರೇಮ ಅನ್ನೋದಕ್ಕೆ ಹತ್ತಾರು ಪುರಾವೇ ಕೂಡ ಇದೆ. ಗೋವಾದಿಂದ ಹಿಡಿದು ಅಮೆರಿಕಾದವರೆಗೆ ಜೊತೆ ಜೊತೆಯಾಗಿಯೇ ಪ್ರವಾಸಕ್ಕೆ ತೆರಳುವ ಇಬ್ಬರು ಈಗ ಹೈದರಾಬಾದ್ನ ವಿಜಯ್ ದೇವರಕೊಂಡ ಮನೆಯಲ್ಲಿ ದೀಪಗಳ ಮಧ್ಯೆ ಪ್ರಜ್ವಲಿಸಿದ್ದಾರೆ. ವಿಜಯ್ ದೇವರಕೊಂಡ ಮನೆಯಲ್ಲಿ ರಶ್ಮಿಕಾ ಮಂದಣ್ಣ ದೀಪಾವಳಿ ಆಚರಿಸಿದ್ದಾರೆ. ಹಾಗಂತ ರಶ್ಮಿಕಾ ವಿಜಯ್ ಜೊತೆ ನಿಂತು ಕ್ಯಾಮರಾ ಕಣ್ಣಿಗೆ ಫೋಸ್ ಕೊಟ್ಟಿಲ್ಲ. ಆದ್ರೆ ರಶ್ಮಿಕಾ ವಿಜಯ್ ಮನೆಯಲ್ಲೇ ದೀಪಾವಳಿ ಆಚರಿಸಿದ್ದಕ್ಕೆ ಸಾಕ್ಷಿಯಾಗಿ ವಿಜಯ್ ದೇವರಕೊಂಡ ತಮ್ಮ ಆನಂದ್ ದೇವರಕೊಂಡ ಕ್ಲಿಕ್ಕಿಸಿದ ಈ ಫೋಟೋಗಳೇ ಸಾಕ್ಷಿ. ಈ ಫೋಟೋ ಕ್ಲಿಕ್ಕಿಸಿದ ಕ್ರೆಡಿಟ್ಅನ್ನ ಆನಂದ್ಗೆ ಅರ್ಪಿಸಿದ್ದಾರೆ ರಶ್ಮಿಕಾ.