ದಿನೇ ದಿನೇ ಹೆಚ್ಚಾಗ್ತಾ ಇದೆ ಬಿಷ್ಣೋಯ್ ಗ್ಯಾಂಗ್ ಭೀತಿ: ಸಲ್ಲು ಪ್ರಾಣಕ್ಕೆ 5 ಕೋಟಿ ಬೆಲೆ ಕಟ್ಟಿದ ಬಿ-ಗ್ಯಾಂಗ್!

ಬಾಲಿವುಡ್ ಟೈಗರ್ ಸಲ್ಮಾನ್ ಖಾನ್ ಜೀವಭಯದಿಂದ ತತ್ತರಿಸ್ತಾ ಇರೋ ಸಂಗತಿ ನಿಮಗೆ ಗೊತ್ತೇ ಇದೆ. ಬಿ ಗ್ಯಾಂಗ್ ಅಂತಾನೇ ಕುಖ್ಯಾತಿ ಪಡೆದಿರೋ ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್​ನಿಂದ ಸಲ್ಮಾನ್​ಗೆ ಪ್ರಾಣ ಬೆದರಿಕೆ ಇದೆ. ಬಾಬಾ ಸಿದ್ದಿಕಿ ಕೊಲೆ ಬಳಿಕ ಸಲ್ಮಾನ್ ಖಾನ್ ಭದ್ರತೆ ಹೆಚ್ಚಿಸಿದ ಬೆನ್ನಲ್ಲೇ , ಮತ್ತೊಂದು ಬೆದರಿಕೆ ಸಂದೇಶ ಬಂದಿದೆ. ಸಲ್ಲು ಜೀವಕ್ಕೆ 5 ಕೋಟಿ ಬೆಲೆ ಕಟ್ಟಲಾಗಿದೆ. ಇತ್ತೀಚಿಗೆ ಮಹಾರಾಷ್ಟ್ರದ ಮಾಜಿ ಸಚಿವ ಬಾಬಾ ಸಿದ್ದಿಕಿ ಕೊಲೆ ನಡೆದ ಮೇಲೆ ಸಲ್ಲುಮಿಯಾಗಿದ್ದ ಸೆಕ್ಯುರಿಟಿಯನ್ನ ಮತ್ತಷ್ಟು ಟೈಟ್ ಮಾಡಲಾಗಿದೆ. ಮಹಾರಾಷ್ಟ್ರ ಸರ್ಕಾರ ಸಲ್ಮಾನ್​ಗೆ ವೈ ಪ್ಲಸ್ ಸೆಕ್ಯುರಿಟಿಯನ್ನ ಒದಗಿಸಿದೆ. ಸಲ್ಮಾನ್​ಗೆ ಪ್ರಾಣ ಬೆದರಿಕೆ ಒಡ್ಡಿರೋ ಬಿ-ಗ್ಯಾಂಗ್​ ಸದಸ್ಯರೇ ಸಿದ್ದಿಕಿ ಹತ್ಯೆ ಮಾಡಿದ್ದು ಗೊತ್ತಾದ ಬೆನ್ನಲ್ಲೇ ಸಲ್ಮಾನ್ ಸೆಕ್ಯೂರಿಟಿ ಬಗ್ಗೆ ತೀವ್ರ ಕಾಳಜಿ ವಹಿಸಲಾಗಿದೆ. ಆದ್ರೆ ಈ ಹೈ ಅಲರ್ಟ್​ ನಡುವೆವೂ ಮತ್ತೊಂದು ಬೆದರಿಕೆ ಸಂದೇಶ ಬಂದಿದೆ. 

ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್​ಗೆ ಸೇರಿದವನು ಅಂತ ಹೇಳಲಾಗೋ ವ್ಯಕ್ತಿಯೊಬ್ಬ ಮುಂಬೈ ಟ್ರಾಫಿಕ್ ಪೊಲೀಸರಿಗೆ ಸಂದೇಶವೊಂದನ್ನ ಕಳುಹಿಸಿದ್ದಾನೆ. ಸಲ್ಮಾನ್ ಖಾನ್ ಜೀವಂತವಾಗಿರಬೇಕು ಅಂದ್ರೆ  5 ಕೋಟಿ ರೂ. ಕೊಡಿ.  ಇಲ್ಲದೇ ಹೋದ್ರೆ ಸಲ್ಮಾನ್​ ಖಾನ್​ನ ಬಾಬಾ ಸಿದ್ದಿಕಿಗಿಂತಲೂ ಕೆಟ್ಟದಾಗಿ ಕೊಲ್ತಿವಿ ಅಂತ ಸಂದೇಶ ಕಳುಹಿಸಲಾಗಿದೆ. ಈ ಸಂದೇಶ ಕಳುಹಿಸಿರೋದು ನಿಜಕ್ಕೂ ಬಿಷ್ಣೋಯ್ ಗ್ಯಾಂಗ್​ನ ವ್ಯಕ್ತಿನಾ.. ಅಥವಾ ಬೇರೆ ಯಾರೋ ದುಷ್ಕರ್ಮಿಗಳಾ ಅನ್ನೋ ನಿಟ್ಟಿನಲ್ಲಿ ಸತತ ತನಿಖೆ ನಡೀತಾ ಇದೆ. ಅಸಲಿಗೆ ಕಳೆದ ಹಲವು ವರ್ಷಗಳಿಂದ ಬಿಷ್ಣೋಯ್ ಗ್ಯಾಂಗ್​​ನಿಂದ ಸಲ್ಮಾನ್​ ಖಾನ್​ಗೆ ಜೀವಭಯ ಇದೆ. ಬಿಷ್ಣೋಯ್ ಸಮುದಾಯದವನಾದ ಲಾರೆನ್ಸ್ ಬಿಷ್ಣೋಯ್  ಕೃಷ್ಣಮೃಗ ಬೇಟೆಯಾಡಿದ ಸಲ್ಮಾನ್​ನ ಬೇಟೆಯಾಡ್ತೀನಿ ಅಂತ ಪಣ ತೊಟ್ಟಿದ್ದಾನೆ. 

ಒಂದು ಕಾಲದಲ್ಲಿ ದಾವೂದ್ ಇಬ್ರಾಹಿಂನ ಗ್ಯಾಂಗ್ ಕುಖ್ಯಾತಿ ಪಡೆದಂತೆ ಈಗ ಬಿಷ್ಣೋಯ್ ಗ್ಯಾಂಗ್ ಕುಖ್ಯಾತಿ ಪಡೀತಾ ಇದೆ. ಇದನ್ನ ಬಿ ಗ್ಯಾಂಗ್​ ಅಂತಾನೇ ಕರೆಯಲಾಗ್ತಾ ಇದೆ. ಈ ಹಿಂದೆ ಪಂಜಾಬಿ ಗಾಯಕ ಸಿಧು ಮೂಸೆವಾಲನ ಶೂಟೌಟ್ ಮಾಡಿ ಸಾಯಿಸಿದ್ದ ಬಿ ಗ್ಯಾಂಗ್​ ಈಗ ಮಾಜಿ ಸಚಿವ ಬಾಬಾ ಸಿದ್ದಿಕಿ ಹತ್ಯೆ ಮಾಡಿ ಹೊಸ ರಕ್ತಚರಿತ್ರೆ ಬರೆದಿದೆ. ಅಲ್ಲಿಗೆ ಈ ಗ್ಯಾಂಗ್​ನ ಅಟ್ಟಹಾಸದೆದ್ರು ಬಾಲಿವುಡ್ ಟೈಗರ್ ಥಂಡಾ ಹೊಡೆದಿರೋದು ಸುಳ್ಳಲ್ಲ. ವೈ ಪ್ಲಸ್ ಸೆಕ್ಯೂರಿಟಿ ಇದ್ರೂ ಸಲ್ಮಾನ್ ಪ್ರಾಣಭೀತಿಯಿಂದ ತತ್ತರಿಸಿ ಹೋಗಿದ್ದಾರೆ. ಈ ಸೆಕ್ಯೂರಿಟಿ ನಡುವೆ ಚಿತ್ರೀಕರಣಗಳಲ್ಲಿ ಪಾಲ್ಗೊಳ್ಳೋದಾದ್ರೂ ಹೇಗೆ ಅಂತ ಚಿಂತಿತರಾಗಿದ್ದಾರೆ. ಸದ್ಯ ಬಿಗ್ ಬಾಸ್ ಶೂಟಿಂಗ್​ನಲ್ಲಿರೋ ಸಲ್ಮಾನ್ ಸಿಕಂದರ್ ಸಿನಿಮಾಗೆ ಬಣ್ಣ ಹಚ್ಚಬೇಕಿದೆ. ಆದ್ರೆ ಈ ನಡುವೆ ಬಂದಿರೋ 5 ಕೋಟಿಯ ಬೆದರಿಕೆ ಸಂದೇಶ ಮತ್ತೆ ಟೈಗರ್​ ಅಡಗಿ ಕೂರುವಂತೆ ಮಾಡಿದೆ.