ಎನ್‌ಎಫ್‌ಟಿಗಳು (NFT) ಕಲಾಕೃತಿಗಳು, ಸಂಗೀತ, ವೀಡಿಯೊ ಮತ್ತು ಟ್ವೀಟ್‌ಗಳಂತಹ ಡಿಜಿಟಲ್ ವಸ್ತುಗಳ ಮಾಲೀಕರಿಗೆ ಈ ಸ್ವತ್ತುಗಳಿಗೆ ಯೂನಿಕ್ ಸಹಿಗಳನ್ನು (ಡಿಜಿಟಲ್ ಸಿಗ್ನೇಚರ್) ರಚಿಸಲು ಅನುಮತಿಸುತ್ತದೆ.
Tech Desk: ಇತ್ತೀಚೆಗೆ ಡಿಜಿಟಲ್ ಸಿಗ್ನೇಚರ್ ಹಾಗೂ ಎನ್‌ಎಫ್‌ಟಿಗಳ (NFT) ಬಗ್ಗೆ ಸಾಕಷ್ಟು ಚರ್ಚೆಗಳಾಗುತ್ತಿವೆ. ವಿಶಿಷ್ಟ ಮತ್ತು ಪ್ರಪಂಚದಾದ್ಯಂತ ಪ್ರಸಿದ್ಧಿ ಪಡೆದಿರುವ ಕೆಲವು ವಸ್ತುಗಳನ್ನು ಕೋಟ್ಯಂತರ ರೂಪಾಯಿಗಳಿಗೆ ಮಾರಾಟ ಮಾಡಲಾಯಿತು ಎಂದು ನೀವು ಕೇಳಿರಬಹುದು. ಇತೀಚೆಗೆ ಇದೇ ರೀತಿ ಇತಿಹಾಸದಲ್ಲಿನ ಮೊದಲ ಪಠ್ಯ ಸಂದೇಶವನ್ನು ಬ್ರಿಟಿಷ್ ಆಪರೇಟರ್ ವೊಡಾಫೋನ್ (Vodfhone)ಎನ್‌ಎಫ್‌ಟಿ ಹರಾಜಿನಲ್ಲಿ €107,000 (ಸುಮಾರು 91 ಲಕ್ಷ) ಗೆ ಮಾರಾಟ ಮಾಡಿತ್ತು. ಡಿಜಿಟಲ್ ಸಿಗ್ನೇಚರ್ ಬಗ್ಗೆ ಸಾಮಾಜಿಕ ಜಾಲತಾಣ ಹಾಗೂ ಸುದ್ದಿ ಮಾಧ್ಯಮಗಳಲ್ಲಿ ಸಾಕಷ್ಟು ಕೇಳಿದ್ದೇವೆ ಆದರೂ ಈ ಬಗ್ಗೆ ಹಲವು ಗೊಂದಲಗಳಿವೆ.
ಡಿಜಿಟಲ್ ಸಿಗ್ನೇಚರ್ ಪರಿಕಲ್ಪನೆಯು ತೀರಾ ಹೋಸದೇನಲ್ಲ ಹಾಗಾಗಿ ನಿಸ್ಸಂದೇಹವಾಗಿ ಇದು ಸಾಮಾನ್ಯ ಜನರಿಗೆ ತಿಳಿದಿರುವ ಪದವಾಗಿದೆ. ಮಾನವ ಸಂಪನ್ಮೂಲಗಳ ಆಡಳಿತ (Human Resource) ಮತ್ತು ಇಲಾಖೆಗಳಲ್ಲಿ ಇದರ ಬಳಕೆಯು ಈಗಾಗಲೇ ವ್ಯಾಪಕವಾಗಿದೆ. ಆದಾಗ್ಯೂ ಈ ಬಗ್ಗೆ ತಿಳಿದುಕೊಳ್ಳಬೇಕಾದದ್ದು ಸಾಕಷ್ಟಿದೆ. ಹಾಗಾದರೆ ಡಿಜಿಟಲ್ ಸಿಗ್ನೇಚರ್ ಎಂದರೇನು? ಇದು ಹೇಗೆ ಕೆಲಸ ಮಾಡುತ್ತದೆ ಎಂದು ತಿಳಿಯೋಣ
undefined
1. ಡಿಜಿಟಲ್ ಸಿಗ್ನೇಚರ್ ಹೇಗೆ ಕೆಲಸ ಮಾಡುತ್ತದೆ?
ಎನ್‌ಎಫ್‌ಟಿಗಳು ಕಲಾಕೃತಿಗಳು, ಸಂಗೀತ, ವೀಡಿಯೊ ಮತ್ತು ಟ್ವೀಟ್‌ಗಳಂತಹ ಡಿಜಿಟಲ್ ವಸ್ತುಗಳ ಮಾಲೀಕರಿಗೆ ಈ ಸ್ವತ್ತುಗಳಿಗೆ ಯೂನಿಕ್ ಸಹಿಗಳನ್ನು (ಡಿಜಿಟಲ್ ಸಿಗ್ನೇಚರ್) ರಚಿಸಲು ಅನುಮತಿಸುತ್ತದೆ. ಇದು ಸಹಿಯನ್ನು ರಚಿಸಲಾದ ಸ್ವತ್ತನ್ನು ಪ್ರತಿನಿಧಿಸುವ ಡೇಟಾದ ಘಟಕವಾಗಿದೆ. ಡೇಟಾದ ಈ ಘಟಕಗಳನ್ನು ಬ್ಲಾಕ್‌ಚೈನ್‌ನಲ್ಲಿ (Block Chain) ಸಂಗ್ರಹಿಸಲಾಗಿರುತ್ತದೆ ಮತ್ತು ಪರಸ್ಪರ ಬದಲಾಯಿಸಲಾಗುವುದಿಲ್ಲ. ಯಾವುದೇ ವಸ್ತುವಿನ ಡಿಜಿಟಲ್ ಸಿಗ್ನೇಚರ್ ಇನ್ನೊಬ್ಬರಿಗೆ ಮಾರಬಹುದು ಅಥವಾ ನೀಡಬಹುದು.
ಡಿಜಿಟಲ್ ಸಹಿಗಳು ಪ್ರಮಾಣೀಕರಣ ಸಂಸ್ಥೆಗಳು (Certification Authorities) ನೀಡಿದ ಡಿಜಿಟಲ್ ಪ್ರಮಾಣಪತ್ರಗಳನ್ನು ಆಧರಿಸಿ ಕೆಲಸ ಮಾಡುತ್ತವೆ. ಬಳಕೆದಾರರು ರಚಿಸಿದ ಕೀಗಳಿಗೆ (keys ) ಡಿಜಿಟಲ್ ಗುರುತುಗಳನ್ನು ಲಿಂಕ್ ಮಾಡಲು ಪ್ರಮಾಣಪತ್ರಗಳನ್ನು ಬಳಸಲಾಗುತ್ತದೆ. ಜತೆಗೆ ಅವರ ಹೆಸರು, ಪ್ರಮಾಣಪತ್ರದ ಅವಧಿ ಮುಗಿಯುವ ದಿನಾಂಕ, ಸಾರ್ವಜನಿಕ ಕೀಲಿ (Public Key) ಮತ್ತು ಪ್ರಮಾಣಪತ್ರವನ್ನು ನೀಡಿದ ಸಂಸ್ಥೆಗಳು ಕುರಿತು ಮಾಹಿತಿಯಂತಹ ಡೇಟಾವನ್ನು ಒಳಗೊಂಡಿರುತ್ತದೆ.
ಎನ್‌ಎಫ್‌ಟಿ ಡಿಜಿಟಲ್ ವಸ್ತುಗಳು ಮಾಲೀಕತ್ವದ ಪುರಾವೆಯಾಗಿ ಕಾರ್ಯನಿರ್ವಹಿಸುತ್ತವೆ. ಡಿಜಿಟಲ್ 'ಸ್ವತ್ತು'ಗಳಿಗೆ ಮಾಲೀಕತ್ವದ ರಚನೆ, ಸಂಗ್ರಹಣೆ ಮತ್ತು ವರ್ಗಾವಣೆಗೆ ಇದು ವೇದಿಕೆಯನ್ನು ಒದಗಿಸುತ್ತದೆ. ಈ ಸಹಿಯು ಒಬ್ಬ ಮಾಲೀಕರನ್ನು ಮಾತ್ರ ಹೊಂದಬಹುದು. ಇದನ್ನು ನಕಲು ಮಾಡಲಾಗುವುದಿಲ್ಲ. ಪ್ರಮಾಣೀಕರಣ ಸಂಸ್ಥೆಗಳು ಪ್ರತಿ ಬಳಕೆದಾರರ ಗುರುತನ್ನು ಪರಿಶೀಲಿಸುತ್ತದೆ. ಒಮ್ಮೆ ಪರಿಶೀಲನೆಯಾದ ನಂತರ, ಬಳಕೆದಾರರು ಡಿಜಿಟಲ್ ಪ್ರಮಾಣಪತ್ರವನ್ನು ನೀಡಬಹುದು ಮತ್ತು ಅವರು ಬಯಸಿದ ಡಾಕ್ಯುಮೆಂಟ್‌ಗೆ ಸಹಿ ಮಾಡಬಹುದು.
2. ಡಿಜಿಟಲ್ ಸಹಿಗಳು ಸುರಕ್ಷಿತವೇ? ಯಾರಾದರೂ ನಕಲು ಮಾಡಬಹುದೇ?
ಡಿಜಿಟಲ್ ಸಹಿಗಳು ಸುರಕ್ಷಿತವಾಗಿವೆ ಏಕೆಂದರೆ, ಅಸಿಮೆಟ್ರಿಕ್‌ ಕ್ರಿಪ್ಟೋಗ್ರಾಫಿಯನ್ನು ಆಧರಿಸಿ ಡಿಜಿಟಲ್ ಸಿಗ್ನೇಚರ್ ನೀಡುವವರು ಖಾಸಗಿ ಕೀಲಿಯನ್ನು ಹೊಂದಿರುತ್ತಾರೆ. ಹಾಗಾಗಿ ಅದು ಸಿಗ್ನೇಚರ್ ಮಾಡುವವರಿಗೆ ಮಾತ್ರ ತಿಳಿದಿರುತ್ತದೆ ಹಾಗೂ ಸಾರ್ವಜನಿಕ ಕೀಲಿ ಎಲ್ಲರಿಗೂ ಲಭ್ಯವಿರುತ್ತದೆ. ಈ ರೀತಿಯಾಗಿ, ಬಳಕೆದಾರನು ಡಾಕ್ಯುಮೆಂಟ್‌ಗೆ ಸಹಿ ಹಾಕಲು ಬಯಸಿದಾಗ, ಅವನು ತನ್ನ ಖಾಸಗಿ ಕೀಲಿಯನ್ನು ಬಳಸುತ್ತಾನೆ, ಅದು ವರ್ಗಾವಣೆಯಾಗುವುದಿಲ್ಲ ಮತ್ತು ಅದು ಅವನ ಸ್ವಾಧೀನದಲ್ಲಿರುತ್ತದೆ. ಬೇರೆ ಯಾರೂ ಅದರ ಆ್ಯಕ್ಸಸ್‌ ಪಡೆಯಲು ಸಾಧ್ಯವಿಲ್ಲ.
ಎನ್‌ಎಫ್‌ಟಿಗಳನ್ನು ಖರೀದಿಸಬೇಕಾದರೆ ನೀವು ಬಯಸಿದ ಮಾರುಕಟ್ಟೆಯಲ್ಲಿ ಖಾತೆಯನ್ನು ನೋಂದಾಯಿಸಬೇಕಾಗುತ್ತದೆ. ಜತೆಗೆ Ethereumನ ಟೋಕನ್ ಈಥರ್‌ನ ಅಗತ್ಯವಿದೆ. ನೀವು ಅದನ್ನು ಹೊಂದಿಲ್ಲದಿದ್ದರೆ, ನೀವು WazirX ಅಥವಾ Binance ನಂತಹ ಸಂಸ್ಥೆಗಳಿಂದ ಖಾತೆಯನ್ನು ತೆರೆಯಬಹುದು ಮತ್ತು ಅಲ್ಲಿಂದ ಟೋಕನ್‌ಗಳನ್ನು ಖರೀದಿಸಬಹುದು. ಡಿಜಿಟಲ್ ಸಿಗ್ನೇಚರ್ ಫೋರ್ಜರಿ ಮಾಡಲು, ವಂಚಕರು ಸಹಿ ಮಾಡುವವರ ಖಾಸಗಿ ಕೀಲಿಯನ್ನು ಆ್ಯಕ್ಸಸ್‌ ಪಡೆಯಬೇಕು ಆದರೆ ಇದು ತುಂಬಾ ಕಷ್ಟಕರವಾಗಿರುತ್ತದೆ.
3. ಡಿಜಿಟಲ್ ಸಹಿಯನ್ನು ಹೊಂದಿರುವ ಡಾಕ್ಯುಮೆಂಟ್ ಅನ್ನು ನಂಬಬಹುದೇ?
ಖಂಡಿತವಾಗಿ. ಡಾಕ್ಯುಮೆಂಟ್‌ನಲ್ಲಿ ಯಾವುದೇ ಬದಲಾವಣೆಯಿದ್ದಲ್ಲಿ, ಡಾಕ್ಯುಮೆಂಟ್ ಅನ್ನು ಮಾರ್ಪಡಿಸಿದ ಕಾರಣ ಸಹಿ ತದನಂತರ ಮಾನ್ಯವಾಗಿರುವುದಿಲ್ಲ. ಮತ್ತೊಂದೆಡೆ, ಬಳಕೆದಾರರ ಖಾಸಗಿ ಕೀಲಿಯು ರಾಜಿ ಮಾಡಿಕೊಂಡಿರುವ ಯಾವುದೇ ಸೂಚನೆಯಿದ್ದರೆ (ಇತರ ಕಾರಣಗಳ ಜೊತೆಗೆ), ಡಿಜಿಟಲ್ ಪ್ರಮಾಣಪತ್ರವನ್ನು ಹಿಂಪಡೆಯಬಹುದು ಮತ್ತು ಇನ್ನು ಮುಂದೆ ಸಹಿ ಮಾಡಲು ಅದನ್ನು ಬಳಸಲಾಗುವುದಿಲ್ಲ.
4. ಯಾವ ರೀತಿಯ ಸಂಸ್ಥೆಗಳು ಡಿಜಿಟಲ್ ಸಹಿಯನ್ನು ಬಳಸುತ್ತವೆ?
ಡಿಜಿಟಲ್ ಸಿಗ್ನೇಚರ್‌ನ ಬಹು ಪ್ರಯೋಜನಗಳು ಮತ್ತು ಅದು ನೀಡುವ ಭದ್ರತೆಯ ಮಟ್ಟದಿಂದಾಗಿ, ಡಿಜಿಟಲ್ ಸಹಿಯನ್ನು ಸಾರ್ವಜನಿಕ ಮತ್ತು ಖಾಸಗಿ ವಲಯಗಳಲ್ಲಿ ಮತ್ತು ಹಣಕಾಸು, ಆರೋಗ್ಯ ಅಥವಾ ಕಾನೂನುಗಳಂತಹ ವೈವಿಧ್ಯಮಯ ಉದ್ಯಮಗಳಲ್ಲಿ ಹಲವಾರು ಸಂಸ್ಥೆಗಳು ಅಳವಡಿಸಿಕೊಂಡಿವೆ. ಪ್ರತಿ ದೇಶದ ಕಾನೂನುಗಳು ಅದರ ಬಳಕೆಯನ್ನು ನಿಯಂತ್ರಿಸುತ್ತವೆ.
ಇದಲ್ಲದೆ, ಅನೇಕ ಕಂಪನಿಗಳು "ಪೇಪರ್‌ಲೆಸ್ ಆಫೀಸ್" ಮಾದರಿಯನ್ನು ಅಳವಡಿಸಿಕೊಳ್ಳಲು ಬಯಸುತ್ತವೆ. ಇದು ವೆಚ್ಚವನ್ನು ಉಳಿಸಲು, ದಾಖಲೆಗಳ ಪುರಾವೆಗಳನ್ನು ಪಡೆಯಲು ಜತೆಗೆ ಪರಿಸರ ದೃಷ್ಟಿಯಿಂದಲೂ ಉತ್ತಮವಾಗಿರುವುದರಿಂದ ಇದನ್ನು ವ್ಯಾಪಕವಾಗಿ ಬಳಸಲಾಗುತ್ತಿದೆ.
5. ಡಿಜಿಟಲ್ ಸಹಿಯನ್ನು ಹೇಗೆ ಆರಿಸುವುದು?
ನೀವು ಕೂಡ ವಸ್ತುಗಳಿಗೆ ಡಿಜಿಟಲ್ ಸಿಗ್ನೇಚರ್ ಬಳಸಬೇಕಾದರೆ, ನೀವು ಆಯ್ಕೆ ಮಾಡಬೇಕಾದ ಸಂಸ್ಥಯ ಬಗ್ಗೆ ಈ ಕೆಳಗಿನ ಅಂಶಗಳನ್ನು ನೆನಪಿನಲ್ಲಿಡಿ
*ಸಂಸ್ಥೆ ಕಾನೂನುಬದ್ಧವಾಗಿ ಬದ್ಧವಾಗಿದೆ ಮತ್ತು eIDAS ನಂತಹ ಕಾನೂನುಗಳು ಮತ್ತು ನಿಬಂಧನೆಗಳ ಅನುಸರಣೆಯ ಖಾತರಿಗಳನ್ನು ನೀಡುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ
*ಹಲವಾರು ಸಹಿದಾರರಿಂದ ಡಾಕ್ಯುಮೆಂಟ್‌ಗಳ ಅನುಮೋದನೆಯನ್ನು ಪಡೆದಿದೆ ಎಂದು ಚೆಕ್‌ ಮಾಡಿ
*ನೂರಾರು ಡಾಕ್ಯುಮೆಂಟ್‌ಗಳಿಗೆ ಸಹಿ ಪ್ರಕ್ರಿಯೆಗಳನ್ನು ಸ್ವಯಂಚಾಲಿತಗೊಳಿಸಲು ಹಲವಾರು ಸಹಿಯ ಆಯ್ಕೆಯನ್ನು ಅದು ಹೊಂದಿದೆ ಎಂಬುದನ್ನು ಪರಿಶೀಲಿಸಿ.