ಖಗೋಳ ವಿಜ್ಞಾನ ಕ್ಷೇತ್ರದಲ್ಲಿ ಕ್ರಾಂತಿಕಾರಕ ಸಂಶೋಧನೆ| ಭೂಮಿಯನ್ನು ಹೋಲುವ ವಾಸಯೋಗ್ಯ ಗ್ರಹ ಪತ್ತೆ| ಸೌರಮಂಡಲದ ಹೊರಗೆ ನೀರಿರುವ ಗ್ರಹ ಪತ್ತೆ ಹಚ್ಚಿದ ವಿಜ್ಞಾನಿಗಳು| ಗಾತ್ರದಲ್ಲಿ ಭೂಮಿಗಿಂತ ಎರಡು ಪಟ್ಟು ದೊಡ್ಡದಿರುವ ಕೆ2-18 ಗ್ರಹ| ಮಾತೃ ನಕ್ಷತ್ರದಿಂದ ನಿರ್ದಿಷ್ಟ ಅಂತರದಲ್ಲಿ ಸುತ್ತುತ್ತಿರುವ ಕೆ2-18ಬಿ ಗ್ರಹ| ನೇಚರ್ ಅಸ್ಟ್ರೊನೊಮಿಯಲ್ಲಿ ಬ್ರಿಟಿಷ್ ಖಗೋಳ ವಿಜ್ಞಾನಿಗಳ ವರದಿ ಪ್ರಕಟ|
ಪ್ಯಾರಿಸ್(ಸೆ.12): ಖಗೋಳ ವಿಜ್ಞಾನ ಕ್ಷೇತ್ರ ಇಂದು ಅಕ್ಷರಶಃ ಕುಣಿದಾಡುತ್ತಿದೆ. ಶತ ಶತಮಾನಗಳಿಂದ ಮಾನವ ಯಾವುದಕ್ಕಾಗಿ ಹುಡುಕಾಟ ನಡೆಸಿದ್ದನೋ, ಏನನ್ನು ಕಂಡು ಹಿಡಿಯಲು ಹಗಲಿರುಳು ಶ್ರಮಿಸಿದನೋ ಅದನ್ನು ಕಂಡು ಹಿಡಿಯುವಲ್ಲಿ ಕೊನೆಗೂ ಆತ ಯಶಸ್ವಿಯಾಗಿದ್ದಾನೆ.
ಹೌದು, ಭೂಮಿಯನ್ನು ಹೋಲುವ, ನೀರು ಲಭ್ಯ ಇರುವ, ವಾಸಯೋಗ್ಯ ಮತ್ತೊಂದು ಗ್ರಹದ ಹುಡುಕಾಟದಲ್ಲಿ ನಿರತನಾಗಿದ್ದ ಮಾನವ, ಕೊನೆಗೂ ಭೂಮಿಯ ತದ್ರೂಪಿ ಗ್ರಹವನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾನೆ.
ಸೌರಮಂಡಲದ ಹೊರಗಿನ ನಕ್ಷತ್ರವೊಂದನ್ನು ಸುತ್ತುವ ಕೆ2-18ಬಿ ಎಂಬ ಗ್ರಹದಲ್ಲಿ ಜೀವಿಗಳ ವಾಸಯೋಗ್ಯ ವಾತಾವರಣದ ಜೊತೆಗೆ ನೀರು ಇರುವ ಅಂಶವನ್ನು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.
ಸೌರಮಂಡಲದ ಹೊರಗಿನ ಗ್ರಹವೊಂದರಲ್ಲಿ ಇದೇ ಮೊದಲ ಬಾರಿಗೆ ನೀರು ಇರುವುದು ಪತ್ತೆಯಾಗಿದ್ದು, ಭೂಮಿಯ ಮೇಲಿನ ಉಷ್ಣಾಂಶದಷ್ಟೇ ಉಷ್ಣಾಂಶ ಹೊಂದಿರುವ ಕೆ 2-18ಬಿ ಗ್ರಹ ಜೀವಿಗಳಿಗೆ ಬದುಕಲು ಸಹಾಯವಾಗುವ ರೀತಿಯಲ್ಲಿದೆ ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ.
A planetary first! Researchers detected signs of water vapor in the atmosphere of a faraway planet in the "habitable zone," where liquid water could potentially pool.
Read about this fascinating world and the findings from data: https://t.co/wQ6dtmAnl8 pic.twitter.com/mlywWhJavC
ಕೆ2-18ಬಿ ಗ್ರಹ ಭೂಮಿಯ ಎಂಟು ಪಟ್ಟು ದ್ರವ್ಯರಾಶಿಯನ್ನು ಹೊಂದಿದ್ದು, ಗಾತ್ರದಲ್ಲಿ ಭೂಮಿಗಿಂತ ಎರಡು ಪಟ್ಟು ದೊಡ್ಡದಿದೆ ಎಂದು ಹೇಳಲಾಗಿದೆ. ನಕ್ಷತ್ರದಿಂದ ನಿರ್ದಿಷ್ಟ ಅಂತರದಲ್ಲಿ ಈ ಗ್ರಹ ಸುತ್ತುತ್ತಿರುವುದರಿಂದ ಇಲ್ಲಿ ನೀರು ದ್ರವರೂಪದಲ್ಲಿದೆ ಎಂದು ವಿಜ್ಞಾನಿಗಳು ಹೇಳಿರುವುದಾಗಿ ನೇಚರ್ ಅಸ್ಟ್ರೊನೊಮಿ ವರದಿ ಮಾಡಿದೆ.
ಸೌರಮಂಡಲದ ಹೊರಗಿರುವ ವಾಸಯೋಗ್ಯ ಗ್ರಹಗಳ ಪೈಕಿ ಈ ಗ್ರಹ ಅತ್ಯಂತ ಉತ್ತಮ ಗ್ರಹ ಎಂದು ವಿಜ್ಞಾನಿಗಳು ಕೆ2-18ಬಿ ಗ್ರಹವನ್ನು ಬಣ್ಣಿಸಿದ್ದಾರೆ. ಅಲ್ಲದೇ ಇದೀಗ ಈ ಗ್ರಹದಲ್ಲಿ ಜೀವಿಗಳೇನಾದರೂ ವಾಸಿಸುತ್ತಿವೆಯೇ ಎಂಬುದನ್ನು ಪತ್ತೆ ಹಚ್ಚಲು ಪ್ರಯತ್ನ ನಡೆಸಲಾಗುವುದು ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ.
2015ರಲ್ಲಿ ಕೆ2-18ಬಿ ಪತ್ತೆಯಾಗಿದ್ದು, ಸೂಪರ್ ಅರ್ಥ್ಸ್ ಪ್ಲಾನೆಟ್ ಎಂದು ಕರೆಯಲ್ಪಡುವ ನೂರಾರು ಗ್ರಹಗಳಲ್ಲಿ ಇದು ಕೂಡ ಒಂದು.