ಪ್ರೈಮ್‌ ವಾಲಿಬಾಲ್ ಲೀಗ್ ಟೂರ್ನಿಯಲ್ಲಿ ಚೆನ್ನೈ ಬ್ಲಿಟ್ಜ್‌ಗೆ ರೋಚಕ ಜಯ
ಕೊಚ್ಚಿ ಬ್ಲೂ ಸ್ಪೈಕರ್ಸ್‌ ಎದುರು ರೋಚಕ ಜಯ ಸಾಧಿಸಿದ ಚೆನ್ನೈ
ಉತ್ತಮ ಪ್ರದರ್ಶನ ನೀಡಿದ ನವೀನ್‌ ರಾಜಾ ಜಾಕೋಬ್‌ ಪಂದ್ಯ ಶ್ರೇಷ್ಠ ಪ್ರಶಸ್ತಿ
ಬೆಂಗಳೂರು(ಫೆ.08): ಬೆಂಗಳೂರಿನ ಕೋರಮಂಗಲ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪ್ರೈಮ್‌ ವಾಲಿಬಾಲ್ ಲೀಗ್ 2ನೇ ಆವೃತ್ತಿಯ ತನ್ನ ಮೊದಲ ಪಂದ್ಯದಲ್ಲಿ ಚೆನ್ನೈ ಬ್ಲಿಟ್ಜ್‌ ತಂಡ ಕೊಚ್ಚಿ ಬ್ಲೂಸ್ಪೈಕರ್ಸ್‌ ತಂಡವನ್ನು ಮಣಿಸಿದೆ. ಈ ಪಂದ್ಯದಲ್ಲಿ ಚೆನ್ನೈ ತಂಡ 15-9, 11-15, 15-10, 8-15, 15-9 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿತು. ಈ ಗೆಲುವಿನೊಂದಿಗೆ ಚೆನ್ನೈ ಬ್ಲಿಟ್ಜ್‌ ಟೂರ್ನಿಯಲ್ಲಿ ಎರಡು ಅಂಕಗಳನ್ನು ಸಂಪಾದಿಸಿತು. ಉತ್ತಮ ಪ್ರದರ್ಶನ ನೀಡಿದ ನವೀನ್‌ ರಾಜಾ ಜಾಕೋಬ್‌ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ರೆನಾಟೊ ಮೆಂಡೆಸ್‌ ಅವರ ಪ್ರಬಲ ಸ್ಪೈಕ್‌ನೊಂದಿಗೆ ಚೆನ್ನೈ ಬ್ಲಿಟ್ಜ್‌ ಆರಂಭಿಕ ಅಂಕ ಗಳಿಸುವುದರೊಂದಿಗೆ ಪಂದ್ಯ ಪ್ರಾರಂಭವಾಯಿತು. ಒಂದು ನಿಮಿಷದ ನಂತರ, ಮತ್ತೊಂದು ಅದ್ಭುತ ಸ್ಪೈಕ್‌ನೊಂದಿಗೆ, ರೆನಾಟೊ ಚೆನ್ನೈ ಪರ ಎರಡನೇ ಅಂಕ ಗಳಿಸಿದರು. ಬ್ಲಿಟ್ಜ್‌ನ ಸತತ ಮೂರು ಸರ್ವ್‌ ತಪ್ಪುಗಳು ಕೊಚ್ಚಿ ಬ್ಲೂಸ್ಪೈಕರ್ಸ್‌ಗೆ ಸಮಬಲ ಸಾಧಿಸಲು ಅವಕಾಶ ಮಾಡಿಕೊಟ್ಟವು, ಆದರೆ ವೈ.ವಿ.ಸೀತಾ ರಾಮ ರಾಜು ಅವರ ಬ್ಲಾಕ್‌ ಹಳದಿ ಬ್ರಿಗೇಡ್‌ಗೆ ಮುನ್ನಡೆಯನ್ನು ಮರಳಿ ಪಡೆಯಲು ಅನುವು ಮಾಡಿಕೊಟ್ಟಿತು. ತನ್ನ ಉದ್ದನೆಯ ಎತ್ತರವನ್ನು ಬಳಸಿಕೊಂಡು, ಸ್ಪೈಕರ್ಸ್‌ಗೆ ಅಂತರವನ್ನು ಕಡಿಮೆ ಮಾಡಲು ದುಶ್ಯಂತ್‌ ನೆಟ್‌ ಮೇಲೆ ಟ್ಯಾಪ್‌ ಮಾಡಿದರು. ಸೂಪರ್‌ ಪಾಯಿಂಟ್‌ನೊಂದಿಗೆ ಬ್ಲಿಟ್ಜ್‌, ಬ್ಲೂಸ್‌ಗೆ ಎರಡು ನಿರ್ಣಾಯಕ ಅಂಕಗಳನ್ನು ನೀಡುವ ಮೂಲಕ ಮತ್ತಷ್ಟು ತಪ್ಪು ಮಾಡಿದರು. ಆದರೆ ನಾಯಕ ನವೀನ್‌ ರಾಜಾ ಜಾಕೋಬ್‌ ಅವರ ಅದ್ಬುತ ಆಟದ ನೆರವಿನಿಂದ ಚೆನ್ನೈ ತಂಡ ಮೊದಲ ಸೆಟ್‌ಅನ್ನು 15-9ರಿಂದ ಗೆದ್ದುಕೊಂಡಿತು.
ದುಶ್ಯಂತ್‌ ಅವರ ಪರ್ಫೆಕ್ಟ್ ಬ್ಲಾಕ್‌ನೊಂದಿಗೆ ಎರಡನೇ ಸೆಟ್‌ನಲ್ಲಿ ಮೊದಲ ಪಾಯಿಂಟ್‌ ಗಳಿಸುವ ಮೂಲಕ ಕೊಚ್ಚಿ ತಮ್ಮ ಉದ್ದೇಶವನ್ನು ಪ್ರದರ್ಶಿಸಿತು. ವಿಪುಲ್‌ ಕುಮಾರ್‌ ಗಳಿಸಿದ ಅಂಕದಿಂದ ಸ್ಪೈಕರ್ಸ್‌ 3-0 ಮುನ್ನಡೆ ಸಾಧಿಸಿತು. ಕೊಚ್ಚಿ ತಂಡವು ಮುನ್ನಡೆಯಲಿದೆ ಎಂದು ತೋರುತ್ತಿದ್ದಾಗ, ಕೆವಿನ್‌ ಔದ್ರನ್‌ ನೌಂಬಿಸ್ಸಿ ಮೊಯೊ ಪ್ರಬಲ ಸ್ಮಾಶ್‌ ಮಾಡಿ ಬ್ಲಿಟ್ಜ್‌ಗೆ ನಿರ್ಣಾಯಕ ಅಂಕ ತಂದುಕೊಟ್ಟರು. ನಾಯಕ ನವೀನ್‌ ಅವರ ಸ್ಪೈಕ್‌ ಕೊಚ್ಚಿಯನ್ನು ದಿಗ್ಭ್ರೆಮೆಗೊಳಿಸಿತು, ಚೆನ್ನೈ ಅಂತರವನ್ನು 7-8 ಕ್ಕೆ ಇಳಿಸಿತು. ದುಶ್ಯಂತ್‌ ಅವರ ಬ್ಲಾಕ್‌ ದಾರಿ ತಪ್ಪಿತು ಮತ್ತು ಬ್ಲಿಟ್ಜ್‌, ಸೆಟ್‌ನಲ್ಲಿ ಸ್ಕೋರ್‌ ಲೈನ್‌ಅನ್ನು ಸಮಗೊಳಿಸಿತು. ರೋಹಿತ್ ಕುಮಾರ ಅವರ ಗೋಲಿನಿಂದ ಕೊಚ್ಚಿ ಬ್ಲೂಸ್ಪೈಕರ್ಸ್‌ ತಂಡ ಎರಡನೇ ಸೆಟ್‌ನಲ್ಲಿ15-11 ಅಂಕಗಳ ಅಂತರದಲ್ಲಿ ವಿಜಯದ ನಗೆ ಬೀರಿತು.
ℂ𝕙𝕖𝕟𝕟𝕒𝕚 𝔼𝕩𝕡𝕣𝕖𝕤𝕤 races to victory 🚆🏐 pic.twitter.com/YlVfgwo0XQ
— Prime Volleyball (@PrimeVolley)ಮೊಯೊ ಅವರ ಸ್ಮಾಶ್‌ ಮೂರನೇ ಸೆಟ್‌ ನಲ್ಲಿ ಬ್ಲಿಟ್ಜ್‌ಗೆ ಮೊದಲ ಪಾಯಿಂಟ್‌ ತಂದುಕೊಟ್ಟಿತು. ಒಂದು ನಿಮಿಷದ ನಂತರ ನಾಯಕ ನವೀನ್‌ ಅವರ ಸೂಪರ್‌ ಸರ್ವ್‌ನಿಂದ ಬ್ಲಿಟ್ಜ್‌ಗೆ ಸೆಟ್‌ನಲ್ಲಿ ನಾಲ್ಕು ಪಾಯಿಂಟ್‌ಗಳ ಮುನ್ನಡೆ ಲಭಿಸಿತು, ಇದು ಎದುರಾಳಿಗಳ ಮೇಲೆ ಒತ್ತಡಕ್ಕೆ ಕಾರಣವಾಯಿತು. ರೋಹಿತ್ ಅವರ ಆಕ್ರಮಣಕಾರಿ ಸ್ಮ್ಯಾಶ್‌ ಕೊಚ್ಚಿಗೆ ಕೊರತೆಯನ್ನು ಕಡಿಮೆ ಮಾಡಿತು. ಎಡಗೈ ಸ್ಪೈಕ್‌ನೊಂದಿಗೆ, ವಿಪುಲ್‌ ಕೊಚ್ಚಿಗೆ ಮತ್ತೊಂದು ನಿರ್ಣಾಯಕ ಪಾಯಿಂಟ್‌ ಗಳಿಸಿದರು. ಆದರೆ ಅಖಿನ್‌ ನೆಟ್‌ನಲ್ಲಿ ಗಳಿಸಿದ ಗೋಲಿನಿಂದ ಚೆನ್ನೈ ಅಂಕಪಟ್ಟಿಯಲ್ಲಿ ಮುಂದಿತ್ತು. ಎರಿನ್‌ ವರ್ಗೀಸ್‌ ಅವರ ಬ್ಲಾಕ್‌ ಸ್ಪೈಕರ್ಸ್‌ಗೆ ನಿರ್ಣಾಯಕ ಪಾಯಿಂಟ್‌ ನೀಡಿತು, ಆದರೆ ಒಂದು ಕ್ಷ ಣದ ನಂತರ, ಜಿಬಿನ್‌ ಅವರ ಶಾಟ್‌ ಸೂಪರ್‌ ಪಾಯಿಂಟ್‌ನೊಂದಿಗೆ ಹೊರಗೆ ಜಾರಿತು.ಈ ಮಧ್ಯೆ, ಚೆನ್ನೈ ಐದು ಅಂಕಗಳ ಮುನ್ನಡೆ ಸಾಧಿಸಿತು. ಎದುರಾಳಿ ತಂಡದ ತುದಿಯಲ್ಲಿ ನವೀನ್‌ ಬುಲೆಟ್‌ ತರಹದ ವೇಗದಿಂದ ಚೆಂಡನ್ನು ಹೊಡೆದರು ಮತ್ತು ಚೆನ್ನೈ ಸೆಟ್‌ ಪಾಯಿಂಟ್‌ಗೆ ಹತ್ತಿರವಾಯಿತು. ಅಭಿನವ್‌ ಅವರ ಸರ್ವ್‌ ನೆಟ್‌ಗೆ ಅಪ್ಪಳಿಸಿತು ಮತ್ತು ಬ್ಲಿಟ್ಜ್‌ ತಂಡ, ಸೆಟ್‌ಅನ್ನು 15-10 ರಿಂದ ಗೆದ್ದು ಪಂದ್ಯದಲ್ಲಿ2-1 ಮುನ್ನಡೆ ದಾಖಲಿಸಿತು.
Prime Volleyball League ಬಲಿಷ್ಠ ಅಹಮದಾಬಾದ್‌ಗೆ ಸೋಲುಣಿಸಿದ ಹೈದರಾಬಾದ್ ಬ್ಲ್ಯಾಕ್ ಹಾಕ್ಸ್..!
ನಾಲ್ಕನೇ ಸೆಟ್‌ನಲ್ಲಿ ಚೆನ್ನೈ ಬ್ಲಿಟ್ಜ್‌ಗೆ ಎರಡು ಪ್ರಬಲ ಸ್ಮ್ಯಾಶ್‌ಗಳನ್ನು ಹೊಡೆಯುವ ಮೂಲಕ ರೆನಾಟೊ ಅವರ ಅತ್ಯುತ್ತಮ ಫಾರ್ಮ್‌ ಮುಂದುವರಿಯಿತು. ಆದರೆ ರೋಹಿತ್ ಅವರ ಸ್ಪೈಕ್‌ ಮತ್ತು ವಾಲ್ಟರ್‌ ಡಾ ಕ್ರೂಜ್‌ ನೆಟೊ ಅವರ ಸುಂದರವಾದ ಬ್ಲಾಕ್‌ ಕೊಚ್ಚಿ ಬ್ಲೂಸ್ಪೈಕರ್ಸ್‌ಗೆ ಸೆಟ್‌ನಲ್ಲಿ ಎರಡು ಪಾಯಿಂಟ್‌ಗಳ ಮುನ್ನಡೆಯನ್ನು ಒದಗಿಸಿತು. ಚೆನ್ನೈ ತಂಡವನ್ನು ಮತ್ತೆ ಸಮತೋಲನಕ್ಕೆ ತರಲು ಅಖಿನ್‌ ತಮ್ಮದೇ ಆದ ಬ್ಲಾಕ್‌ ತಂತ್ರ ಹೂಡಿದರು. ಹಳದಿ ಬಣ್ಣದಲ್ಲಿತಂಡದ ಮೇಲೆ ಒತ್ತಡ ಹೆಚ್ಚಾದ ಕಾರಣ ಎರಿನ್‌ ಗಳಿಸಿದ ಗೋಲಿನಿಂದ ಕೊಚ್ಚಿ 8-5ರ ಮುನ್ನಡೆ ಸಾಧಿಸಿತು. ನವೀನ್‌ ಅವರ ಮಹತ್ವಾಕಾಂಕ್ಷೆಯ ಶಾಟ್‌ ಹೊರಗೆ ಇಳಿಯುತ್ತಿದ್ದಂತೆ, ಕೊಚ್ಚಿ ತಮ್ಮ ಮುನ್ನಡೆಯನ್ನು ಐದು ಅಂಕಗಳಿಂದ ವಿಸ್ತರಿಸಿತು. ಸತತ ಎರಡು ಏರಿಕೆಗಳೊಂದಿಗೆ, ಮೊಹಮ್ಮದ್‌ ರಿಯಾಝುದ್ದೀನ್‌ ಕೊರತೆಯನ್ನು ಕಡಿಮೆ ಮಾಡಿದರು. ಚೆನ್ನೈ ಸೂಪರ್‌ ಪಾಯಿಂಟ್‌ಗೆ ಕರೆ ನೀಡುತ್ತಿದ್ದಂತೆ, ಎರಿನ್‌ ಅವರ ಸ್ಪೈಕ್‌ ಕೊಚ್ಚಿಗೆ ಎರಡು ನಿರ್ಣಾಯಕ ಅಂಕಗಳನ್ನು ನೀಡಿತು ಮತ್ತು ಅವರು ಮತ್ತೊಂದು ಆಹ್ಲಾದಕರ ಹಿಟ್‌ನೊಂದಿಗೆ ತಮ್ಮ ತಂಡಕ್ಕೆ ಸೆಟ್‌ಅನ್ನು 15-8 ರಿಂದ ಗೆದ್ದು ಕೊಟ್ಟರಲ್ಲದೆ, ಪಂದ್ಯವನ್ನು ಅಂತಿಮ ಸೆಟ್‌ಗೆ ತಳ್ಳಿದರು.
ಐದನೇ ಸೆಟ್‌ ಎರಿನ್‌ ಅವರ ದೋಷಪೂರಿತ ಸರ್ವ್‌ನೊಂದಿಗೆ ಪ್ರಾರಂಭವಾಯಿತು. ಚೆನ್ನೈ ಬ್ಲಿಟ್ಜ್‌ ಸುಲಭ ಪಾಯಿಂಟ್‌ ಗಳಿಸಿತು. ಆದರೆ ವಿಪುಲ್‌ ತನ್ನ ಆಕ್ರಮಣಕಾರಿ ಉದ್ದೇಶವನ್ನು ಪ್ರದರ್ಶಿಸುವ ಮೂಲಕ ನೇರವಾಗಿ ಸಮಬಲ ಸಾಧಿಸಿದರು. ಅಂತಿಮ ಸೆಟ್‌ನಲ್ಲಿಎರಿನ್‌ ಕೊಚ್ಚಿಗೆ ಮುನ್ನಡೆ ತಂದುಕೊಟ್ಟರು. ಇದರ ನಡುವೆಯೂ ಸೆಟ್‌ನಲ್ಲಿ ಬ್ಲಿಟ್ಜ್‌ ಮುನ್ನಡೆ ಸಾಧಿಸಿದ್ದರಿಂದ ಸೀತಾ ರಾಮನ ಟ್ಯಾಪ್‌ ಆವೇಗವನ್ನು ತಿರುಗಿಸಿತು. ಎರಿನ್‌ ತನ್ನ ಸ್ಪೈಕ್‌ ಅನ್ನು ತಪ್ಪಾಗಿ ಗ್ರಹಿಸಿ ನೆಟ್‌ನಲ್ಲಿ ಚೆಂಡನ್ನು ಹೊಡೆದರು. ಬ್ಲಿಟ್ಜ್‌ ಸೆಟ್‌ನಲ್ಲಿ8-5 ಮುನ್ನಡೆ ಸಾಧಿಸಿತು. ಕೊಚ್ಚಿಯ ವಿಪುಲ್‌ನಿಂದ ಹೊಂದಾಣಿಕೆ ಆಟದ ಕೊರತೆ ಕಂಡು ಬಂದಿತು. ಇದು ಚೆನ್ನೈ ತಂಡಕ್ಕೆ ವರದಾನವಾಯಿತು. ಅನಿವಾರ್ಯ ತಪ್ಪುಗಳು ಕೊಚ್ಚಿಯ ಬೆಂಚ್‌ ಅನ್ನು ನಿರಾಸೆಗೊಳಿಸುತ್ತಲೇ ಇದ್ದವು, ಏಕೆಂದರೆ ಚೆನ್ನೈ ಗೆಲುವಿನ ಸನಿಹಕ್ಕೆ ಬಂದಾಗಿತ್ತು. ಸೂಪರ್‌ ಆಪಾಯಿಂಟ್‌ನೊಂದಿಗೆ, ನವೀನ್‌ ಪ್ರಬಲ ಸರ್ವ್‌ ಮಾಡಿದರು, ಅದಕ್ಕೆ ಕೊಚ್ಚಿಯಲ್ಲಿ ಯಾವುದೇ ಉತ್ತರವಿರಲಿಲ್ಲ. ಅಂತಿಮ ಸೆಟ್‌ ಅನ್ನು ಚೆನ್ನೈ ತಂಡ 15-9ರಿಂದ ಗೆದ್ದು ಪಂದ್ಯವನ್ನು 3-2ರಿಂದ ವಶಪಡಿಸಿಕೊಂಡಿತು.