ಭಾರತೀಯ ಮೂಲದ ಗಗನಯಾತ್ರಿ ಸುನೀತಾ ವಿಲಿಯಮ್ಸ್ ಅವರು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ 8 ತಿಂಗಳ ಕಾಲ ಮೈಕ್ರೋಗ್ರಾವಿಟಿಯಲ್ಲಿ 'ಔಟ್ರೇಜಿಯಸ್' ರೋಮೈನ್ ಲೆಟಿಸ್ ಬೆಳವಣಿಗೆಯ ಕುರಿತು ಸಂಶೋಧನೆ ನಡೆಸುತ್ತಿದ್ದಾರೆ.
ವಾಷಿಂಗ್ಟನ್‌ (ಡಿ.3): ಒಂದು ವಾರಗಳ ಕಾಲದ ಬಾಹ್ಯಾಕಾಶ ಯಾನಕ್ಕಾಗಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಪ್ರಯಾಣ ಮಾಡಿದ್ದ ನಾಸಾದ ಗಗನಯಾತ್ರಿ ಭಾರತೀಯ ಮೂಲದ ಸುನೀತಾ ವಿಲಿಯಮ್ಸ್ ಈಗ ಅಂದಾಜು 8 ತಿಂಗಳು ಅಲ್ಲಿಯೇ ಉಳಿಯಬೇಕಾದ ಅನಿವಾರ್ಯತೆ ಸಿಲುಕಿದ್ದಾರೆ. ಆದರೆ ಇಷ್ಟು ದಿನಗಳ ವಿಸ್ತ್ರತ ವಾಸ್ತವ್ಯವನ್ನು ಅವರು ಸುಮ್ಮನೆ ಕಳೆಯುತ್ತಿಲ್ಲ. ಅವರು ಬಾಹ್ಯಾಕಾಶ ನಿಲ್ದಾಣದಲ್ಲಿ ಅತ್ಯಂತ ಮಹತ್ವದ ಸಂಶೋಧನೆಯಲ್ಲಿ ತೊಡಗಿಕೊಂಡಿದ್ದಾರೆ. ಬಾಹ್ಯಾಕಾಶ ನಿಲ್ದಾಣದ ಕಮಾಂಡರ್ ಮೈಕ್ರೊಗ್ರಾವಿಟಿಯಲ್ಲಿ "ಔಟ್ರೇಜಿಯಸ್" ರೋಮೈನ್ ಲೆಟಿಸ್ (ಕ್ಯಾಬೇಜ್‌ ಅಥವಾ ಎಲೆಕೋಸಿನ ಒಂದು ಜಾತಿ) ಬೆಳವಣಿಗೆಯ ಮೇಲೆ ಕೇಂದ್ರೀಕರಿಸಿದ್ದಾರೆ. ಈ ಸಂಶೋಧನೆಯು ಭವಿಷ್ಯದ ಬಾಹ್ಯಾಕಾಶ ಕಾರ್ಯಾಚರಣೆಗಳ ನಿರ್ಣಾಯಕ ಅಂಶವಾಗಿರಲಿದೆ. ಭೂಮಿಯ ಮೇಲಿನ ಸಂಭಾವ್ಯ ಕೃಷಿ ಪ್ರಗತಿಗಳ ಮೇಲೆ ವಿವಿಧ ಪ್ರಮಾಣದ ನೀರು ಸಸ್ಯಗಳ ಬೆಳವಣಿಗೆಯ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಪರಿಶೀಲನೆ ಮಾಡುವ ಗುರಿ ಹೊಂದಿದೆ.
ನಾಸಾದ ಪ್ರಕಾರ, ತನ್ನ ಕೊನೆಯ ಡಿಸ್‌ಪ್ಯಾಚ್‌ ಸಮಯದಲ್ಲಿ, ವಿಲಿಯಮ್ಸ್ ಮುಂಬರುವ ಅಡ್ವಾನ್ಸ್ಡ್ ಪ್ಲಾಂಟ್ ಹ್ಯಾಬಿಟಾಟ್ ಕಾರ್ಯಾಚರಣೆಗಳಿಗೆ ತಯಾರಿ ಮಾಡುವ ಮೂಲಕ ತನ್ನ ದಿನವನ್ನು ಪ್ರಾರಂಭಿಸಿದ್ದರು ಎಂದಿದೆ. ಸಸ್ಯ ಆವಾಸಸ್ಥಾನ-07 ಸೈನ್ಸ್‌ ಕ್ಯಾರಿಯರ್‌ಅನ್ನು ಸ್ಥಾಪಿಸುವ ಮೊದಲು ಅವರು ಆವಾಸಸ್ಥಾನದ ವಿತರಣಾ ಜಲಾಶಯದಿಂದ ನೀರಿನ ಮಾದರಿಗಳನ್ನು ಸಂಗ್ರಹಿಸಿದರು, ಇಲ್ಲಿಯೇ ಕ್ಯಾಬೇಜ್‌ನ ಸಸ್ಯಗಳನ್ನು ಹಾಕಲಾಗಿದೆ.
ವಿಭಿನ್ನ ತೇವಾಂಶ ಮಟ್ಟಗಳು ಬೆಳವಣಿಗೆಯ ದರಗಳನ್ನು ಮಾತ್ರವಲ್ಲದೆ ಲೆಟಿಸ್‌ನ ಪೌಷ್ಟಿಕಾಂಶದ ಅಂಶವನ್ನೂ ಹೇಗೆ ಪ್ರಭಾವಿಸುತ್ತವೆ ಎಂಬುದನ್ನು ನಿರ್ಣಯಿಸಲು ಪ್ರಯೋಗವನ್ನು ವಿನ್ಯಾಸಗೊಳಿಸಲಾಗಿದೆ, ಇದು ಬಾಹ್ಯಾಕಾಶದಲ್ಲಿ ಮತ್ತು ನಮ್ಮ ಗ್ರಹದಲ್ಲಿ ಆಹಾರ ಉತ್ಪಾದನಾ ತಂತ್ರಗಳನ್ನು ಹೆಚ್ಚಿಸುವ ಒಳನೋಟಗಳನ್ನು ಒದಗಿಸುತ್ತದೆ. ತನ್ನ ದೈನಂದಿನ ದಿನಚರಿಯ ಭಾಗವಾಗಿ, ವಿಲಿಯಮ್ಸ್ ತನ್ನ ಸಹವರ್ತಿ ಗಗನಯಾತ್ರಿ ಹೇಗ್‌ಗೆ ವೈದ್ಯಕೀಯ ಪರೀಕ್ಷೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.ಗಗನಯಾತ್ರಿಯ ವಸ್‌ಕ್ಯುಲರ್‌ ಹೆಲ್ತ್‌ ಮೇಲ್ವಿಚಾರಣೆ ಮಾಡಲು ಅಲ್ಟ್ರಾಸೌಂಡ್ ಸ್ಕ್ಯಾನ್ ಸೇರಿದಂತೆ ಹಲವು ಪರೀಕ್ಷೆಗಳನ್ನು ಮಾಡಿದ್ದಾರೆ.
undefined
ವೈಜ್ಞಾನಿಕ ಸಂಶೋಧನೆ ಮತ್ತು ಸಿಬ್ಬಂದಿ ಆರೋಗ್ಯದ ಮೇಲಿನ ಗಗನಯಾತ್ರಿಗಳ ಗಮನವು, ದೀರ್ಘಾವಧಿಯ ಕಾರ್ಯಾಚರಣೆಗಳಲ್ಲಿ ಗಗನಯಾತ್ರಿಗಳ ಬಹುಮುಖಿ ಜವಾಬ್ದಾರಿಗಳನ್ನು ಪ್ರತಿಬಿಂಬಿಸುತ್ತದೆ.
ಬಾಹ್ಯಾಕಾಶದಲ್ಲಿ ಸ್ಪೇಸ್‌ ಜಾನಿಟರ್‌ ಆದ ಸುನೀತಾ ವಿಲಿಯಮ್ಸ್, ISS ಬಾತ್‌ರೂಮ್‌ ಕ್ಲೀನ್‌ ಮಾಡಿದ ಗಗನಯಾತ್ರಿ!
ಕ್ಯಾಬೇಜ್‌ ಪ್ರಯೋಗದ ಸಂಶೋಧನೆಗಳು ಬಾಹ್ಯಾಕಾಶ ಆವಾಸಸ್ಥಾನಗಳಲ್ಲಿ ಸುಸ್ಥಿರ ಆಹಾರ ಉತ್ಪಾದನೆಗೆ ಗಮನಾರ್ಹ ಪರಿಣಾಮಗಳನ್ನು ಬೀರಬಹುದು, ವಿಸ್ತೃತ ಕಾರ್ಯಾಚರಣೆಗಳ ಸಮಯದಲ್ಲಿ ಆಹಾರ ಪೂರೈಕೆಗೆ ಸಂಬಂಧಿಸಿದ ಸವಾಲುಗಳನ್ನು ಪರಿಹರಿಸಬಹುದು. ಇದಲ್ಲದೆ, ಮೈಕ್ರೋಗ್ರಾವಿಟಿಯಲ್ಲಿನ ವಿವಿಧ ನೀರಿನ ಪರಿಸ್ಥಿತಿಗಳಿಗೆ ಸಸ್ಯಗಳು ಹೇಗೆ ಪ್ರತಿಕ್ರಿಯಿಸುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಭೂಮಿಯ ಮೇಲೆ ಸುಧಾರಿತ ಕೃಷಿ ಪದ್ಧತಿಗಳಿಗೆ ಕಾರಣವಾಗಬಹುದು, ವಿಶೇಷವಾಗಿ ನೀರಿನ ಸಂರಕ್ಷಣೆ ನಿರ್ಣಾಯಕವಾಗಿರುವ ಶುಷ್ಕ ಪ್ರದೇಶಗಳಲ್ಲಿ ಈ ಆಹಾರ ಬೆಳೆ,ಯುವ ಪದ್ಧತಿಗೆ ಚಾಲನೆ ನೀಡಬಹುದು.
ಬೆವರು, ಮೂತ್ರ ಸಂಸ್ಕರಿಸಿದ ನೀರಿನಿಂದ ಮಾಡಿದ ಸೂಪ್‌ ಕುಡಿದು ದಿನ ಕಳೆಯುತ್ತಿರುವ ಸುನೀತಾ ವಿಲಿಯಮ್ಸ್!
ಈ ಸಂಶೋಧನೆಯು ಬಾಹ್ಯಾಕಾಶದಲ್ಲಿ ಸಸ್ಯಗಳ ಬೆಳವಣಿಗೆಯನ್ನು ಅನ್ವೇಷಿಸಲು ನಾಸಾದ ವ್ಯಾಪಕ ಪ್ರಯತ್ನಗಳ ಭಾಗವಾಗಿದೆ, ಇದು ಮಾನವ ಬಾಹ್ಯಾಕಾಶ ಯಾನದ ಆರಂಭಿಕ ದಿನಗಳಿಂದಲೂ ನಡೆಯುತ್ತಿದೆ. ವಿಲಿಯಮ್ಸ್ ಅವರ ಕೆಲಸದ ಫಲಿತಾಂಶಗಳು ಬಾಹ್ಯಾಕಾಶ ಪರಿಶೋಧನೆ ಮತ್ತು ಭೂಮಿಯ ಕೃಷಿ ಎರಡರಲ್ಲೂ ಭವಿಷ್ಯದ ನಾವೀನ್ಯತೆಗಳಿಗೆ ದಾರಿ ಮಾಡಿಕೊಡಬಹುದು, ಈ ಕ್ಷೇತ್ರಗಳ ಪರಸ್ಪರ ಸಂಬಂಧವನ್ನು ಎತ್ತಿ ತೋರಿಸುತ್ತದೆ.