ದೇಶದಲ್ಲಿ ಬಿಸಿಲಿನ ತಾಪಮಾನ ದಿನದಿಂದ ದಿನಕ್ಕೆ ಹೆಚ್ತಿದೆ. ಮಹಾರಾಷ್ಟ್ರದಲ್ಲಿ ಹೀಟ್ ಸ್ಟ್ರೋಕ್‌ನಿಂದ 11 ಮಂದಿ ಸಾವನ್ನಪ್ಪಿದ್ದಾರೆ. ಬೇಸಿಗೆಯಲ್ಲಿ ಹೀಟ್ ಸ್ಟ್ರೋಕ್ ಯಾಕಾಗುತ್ತದೆ? ಅದನ್ನು ತಡೆಯುವುದು ಹೇಗೆ ಅನ್ನೋ ಮಾಹಿತಿ ಇಲ್ಲಿದೆ.
ಭಾರತದಲ್ಲಿ ಎಲ್ಲೆಡೆ ತಾಪಮಾನವು ಗಗನಕ್ಕೇರುತ್ತಿದೆ. ಬಿಸಿಲಿನ ತಾಪಮಾನವು ಜನರ ಪಾಲಿಗೆ ಅಸಹನೀಯವಾಗುತ್ತಿದೆ. ಹೆಚ್ಚುತ್ತಿರುವ ಬಿಸಿಲ ಧಗೆಯ ಕಾರಣದಿಂದ ಜನರು ಮನೆಯಿಂದ ಹೊರಬರಲು ಹಿಂಜರಿಯುವಂತಾಗಿದೆ. ಏಪ್ರಿಲ್ 16ರಂದು ನಡೆದ ಮಹಾರಾಷ್ಟ್ರದಲ್ಲಿ ನಡೆದ ಪ್ರಶಸ್ತಿ ಸಮಾರಂಭದಲ್ಲಿ ಶಾಖದ ಹೊಡೆತದಿಂದ 12 ಜನರು ಸಾವನ್ನಪ್ಪಿದರು. ಬಹಳಷ್ಟು ಜನರು ನಿರ್ಜಲೀಕರಣಗೊಂಡು ಅಸ್ವಸ್ಥತೆ, ಲೆತಿರುಗುವಿಕೆ, ವಾಕರಿಕೆ ಮತ್ತು ಎದೆ ನೋವಿನ ಸಮಸ್ಯೆಯನ್ನು ಅನುಭವಿಸಿದರು. ಇದು ಜನರಲ್ಲಿ ಆತಂಕವನ್ನುಂಟು ಮಾಡಿದೆ. ಹೆಚ್ಚುತ್ತಿರುವ ತಾಪಮಾನವು ಇಂಥಾ ಸಮಸ್ಯೆಗೂ ಕಾರಣವಾಗಬಹುದು ಎಂಬುದು ಗಾಬರಿ ಹುಟ್ಟಿಸಿದೆ. ಹಾಗಿದ್ರೆ ಹಲವಾರು ಜನರ ಸಾವಿಗೆ ಕಾರಣವಾದ ಹೀಟ್ ಸ್ಟ್ರೋಕ್ ಎಂದರೇನು ?
ಹೀಟ್ ಸ್ಟ್ರೋಕ್, ದೇಹವನ್ನು ಸಾವಿನ ಹಂತಕ್ಕೆ ಅತಿಯಾಗಿ ಬಿಸಿ ಮಾಡುವ ಗಂಭೀರ ಸ್ಥಿತಿಯಾಗಿದೆ. ಹಾಗಿದ್ರೆ ಬೇಸಿಗೆಯಲ್ಲಿ (Summer) ಕಾಡೋ ಈ ಹೀಟ್ ಸ್ಟ್ರೋಕ್ ಅಪಾಯವನ್ನು (Danger) ತಡೆಗಟ್ಟಲು ನಾವೇನು ಮಾಡಬಹುದು. ಹರಿಯಾಣದ ಫರಿದಾಬಾದ್‌ನ ಫೋರ್ಟಿಸ್ ಎಸ್ಕಾರ್ಟ್ಸ್ ಆಸ್ಪತ್ರೆಯ ಕನ್ಸಲ್ಟೆಂಟ್-ಇಂಟರ್ನಲ್ ಮೆಡಿಸಿನ್ ಡಾ. ಅನುರಾಗ್ ಅಗರ್ವಾಲ್ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
undefined
ದೇಶದ ಹಲವು ರಾಜ್ಯಗಳಿಗೆ ಬಿಸಿಗಾಳಿ ಹೊಡೆತ, ಶಾಲಾ ಕಾಲೇಜುಗಳಿಗೆ ರಜೆ ಘೋಷಣೆ
ಹೀಟ್ ಸ್ಟ್ರೋಕ್ ಎಂದರೇನು?
ಹೀಟ್ ಸ್ಟ್ರೋಕ್ ಅಥವಾ ಸನ್‌ಸ್ಟ್ರೋಕ್ ಎನ್ನುವುದು ವೈದ್ಯಕೀಯ ತುರ್ತುಸ್ಥಿತಿಯಾಗಿದ್ದು ಅದು ನಿಮ್ಮ ದೇಹ (Body)ವನ್ನು ತಣ್ಣಗಾಗಲು ಮತ್ತು ಅತಿಯಾಗಿ ಬಿಸಿಯಾಗಲು ಸಾಧ್ಯವಾಗದಿದ್ದಾಗ ಸಂಭವಿಸುತ್ತದೆ. ಇದಕ್ಕೆ ತಕ್ಷಣದ ಚಿಕಿತ್ಸೆ (Treatment) ಬೇಕು. ಚಿಕಿತ್ಸೆ ನೀಡುವುದು ವಿಳಂಬವಾದರೆ ಇದು ಮಾರಣಾಂತಿಕ ಪರಿಣಾಮಗಳಿಗೆ ಕಾರಣವಾಗಬಹುದು ಎಂದು ಡಾ.ಅಗರ್ವಾಲ್ ವಿವರಿಸುತ್ತಾರೆ. ಶಾಖದ ಹೊಡೆತದಲ್ಲಿ ಎರಡು ವಿಧಗಳಿವೆ.
ಹೀಟ್ ಸ್ಟ್ರೋಕ್‌ನ ವಿಧಗಳು
ಎಕ್ಸರ್ಷನಲ್ ಹೀಟ್ ಸ್ಟ್ರೋಕ್ (EHS): ಬೆಚ್ಚಗಿನ ವ್ಯವಸ್ಥೆಯಲ್ಲಿ ದೀರ್ಘಕಾಲದ, ಪ್ರಯಾಸಕರ ದೈಹಿಕ ಚಟುವಟಿಕೆಯಲ್ಲಿ ಭಾಗವಹಿಸುವ ಯುವಜನರು EHS ಅನ್ನು ಅನುಭವಿಸುವ ಸಾಧ್ಯತೆ ಹೆಚ್ಚು.
ಕ್ಲಾಸಿಕ್ ನಾನ್ ಎಕ್ಸರ್ಶನಲ್ ಹೀಟ್ ಸ್ಟ್ರೋಕ್ (NEHS): ಇದು ಚಿಕ್ಕ ಮಕ್ಕಳು, ವಯಸ್ಸಾದವರು ನಿಷ್ಕ್ರಿಯವಾಗಿರುವವರು ಮತ್ತು ದೀರ್ಘಕಾಲದ ಕಾಯಿಲೆಗಳನ್ನು ಹೊಂದಿರುವವರನ್ನು ಹೆಚ್ಚಾಗಿ ಕಾಡುತ್ತದೆ. ಕ್ಲಾಸಿಕ್ NEHS ಹೆಚ್ಚಾಗಿ ವಿಸ್ತೃತ ಬಿಸಿ ವಾತಾವರಣವನ್ನು ಸಹಿಸದ ಪ್ರದೇಶಗಳಲ್ಲಿ ಹೆಚ್ಚು ಪ್ರಚಲಿತವಾಗಿದೆ ಮತ್ತು ಪರಿಸರದ ಶಾಖದ ಅಲೆಗಳ ಸಮಯದಲ್ಲಿ ಸಂಭವಿಸುತ್ತದೆ. ಎರಡೂ ವಿಧದ ಸಮಸ್ಯೆಗಳು ಹೆಚ್ಚಿನ ಅಸ್ವಸ್ಥತೆ ಮತ್ತು ಸಾವಿಗೆ ಸಂಬಂಧಿಸಿವೆ, ವಿಶೇಷವಾಗಿ ರೋಗಿಗೆ ತ್ವರಿತ ಚಿಕಿತ್ಸೆಯನ್ನು ನೀಡದಿದ್ದರೆ ಇದು ಡೇಂಜರಸ್ ಆಗಬಹುದು.
Heat Wave: ಹೆಚ್ಚುತ್ತಿರುವ ತಾಪಮಾನದ ಮಧ್ಯೆ ಆರೋಗ್ಯ ಕಾಪಾಡಿಕೊಳ್ಳುವುದು ಹೇಗೆ ?
ಹೀಟ್ ಸ್ಟ್ರೋಕ್ ಆಗುವುದು ಹೇಗೆ? ಇದರ ಲಕ್ಷಣಗಳೇನು?
ದೇಹದ ಉಷ್ಣತೆಯು (Temparature) 41 ° C ಗಿಂತ ಹೆಚ್ಚಾದಾಗ ಶಾಖದ ಹೊಡೆತವು ಸಾಮಾನ್ಯವಾಗಿ ಸಂಭವಿಸುತ್ತದೆ. ಆದರೆ, ಬೆವರುವಿಕೆ, ಬಾಷ್ಪೀಕರಣ ಪ್ರಕ್ರಿಯೆ ಮತ್ತು ತಂಪಾಗಿಸುವ ಕ್ರಮಗಳ ಉಪಸ್ಥಿತಿಯಲ್ಲಿ ದೇಹದ ಉಷ್ಣತೆಯು 41 ° C ಗಿಂತ ಕಡಿಮೆಯಿರುತ್ತದೆ. ಡಾ.ಅಗರ್ವಾಲ್ ಹೀಟ್ ಸ್ಟ್ರೋಕ್‌ನ ರೋಗ ಲಕ್ಷಣಗಳ ಬಗ್ಗೆ ತಿಳಿಸಿದ್ದಾರೆ.
ಕೇಂದ್ರ ನರಮಂಡಲದ ರೋಗಲಕ್ಷಣಗಳು ಕಿರಿಕಿರಿಯಿಂದ ಕೋಮಾದ ವರೆಗೆ ಇರಬಹುದು.
ಗೊಂದಲ, ಬದಲಾದ ಮಾನಸಿಕ ಸ್ಥಿತಿ, ಅಸ್ಪಷ್ಟ ಮಾತು.
ಪ್ರಜ್ಞೆಯ ನಷ್ಟ
ಬಿಸಿ, ಒಣ ಚರ್ಮ ಅಥವಾ ಹೆಚ್ಚು ಬೆವರುವುದು.
ತುಂಬಾ ಹೆಚ್ಚಿನ ದೇಹದ ಉಷ್ಣತೆ.
ತಲೆತಿರುಗುವಿಕೆ, ತಲೆನೋವು. ಅನಾರೋಗ್ಯ ಅಥವಾ ಅನಾರೋಗ್ಯದ ಭಾವನೆ
ಚರ್ಮವು ಮಸುಕಾದ ಅನುಭವ ಮತ್ತು ಚರ್ಮದ ಮೇಲೆ ರಾಶಸ್‌
ಚಿಕಿತ್ಸೆ ನೀಡುವುದು ಹೇಗೆ?
ಹೀಟ್ ಸ್ಟ್ರೋಕ್‌ನ್ನು ತಡೆಗಟ್ಟುವ ಏಕೈಕ ಪರಿಣಾಮಕಾರಿ ವಿಧಾನವೆಂದರೆ ಸರಿಯಾದ ರೀತಿಯಲ್ಲಿ ಆರೋಗ್ಯವನ್ನು ಕಾಪಾಡುವುದು ಎಂದು ತಜ್ಞರು ಹೇಳುತ್ತಾರೆ. ಆರೋಗ್ಯಕರ ಆಹಾರವನ್ನು ಸೇವಿಸುವ ಮೂಲಕ, ಆಲ್ಕೋಹಾಲ್ ಮತ್ತು ಮಾದಕ ದ್ರವ್ಯಗಳ ಬಳಕೆಯನ್ನು ಕಡಿಮೆ ಮಾಡುವ ಮೂಲಕ ಇದನ್ನು ಮಾಡಬಹುದು. ಶಾಖದ ಪ್ರಸರಣವನ್ನು ದುರ್ಬಲಗೊಳಿಸುವ ವಸ್ತುಗಳನ್ನು ಬಳಸುವ ಮೂಲಕ ಮತ್ತು ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವ ಮೂಲಕ ಸಹ ನೀವು ಇದನ್ನು ತಡೆಯಬಹುದು. ಅಪಾಯಕಾರಿ ಮಟ್ಟಕ್ಕಿಂತ ಹೆಚ್ಚಾಗಿರುವ ದೇಹದ ಉಷ್ಣತೆಯನ್ನು ತ್ವರಿತವಾಗಿ ಇಳಿಸಲು ಐಸ್ ವಾಟರ್ ಇಮ್ಮರ್ಶನ್ ಹೆಚ್ಚು ಪರಿಣಾಮಕಾರಿ ಮಾರ್ಗವಾಗಿದೆ ಎಂದು ಡಾ.ಅಗರ್ವಾಲ್ ಹೇಳುತ್ತಾರೆ.