ಟೇಕಾಫ್‌ ಅದ್ಮೇಲೆ ವಿಮಾನದಲ್ಲಿ ಹೇಗೆ ವೈಫೈ ವರ್ಕ್ ಆಗುತ್ತೆ?

ವಿಮಾನಗಳು 30 ಸಾವಿರ ಅಡಿ ಎತ್ತರದಲ್ಲಿ ಹಾರಾಟ ನಡೆಸುತ್ತಿದ್ದರೂ ವೈಫೈ ಸೌಲಭ್ಯವನ್ನು ಹೇಗೆ ಒದಗಿಸುತ್ತವೆ ಎಂಬುದನ್ನು ಈ ಲೇಖನ ವಿವರಿಸುತ್ತದೆ. ಎರಡು ಪ್ರಮುಖ ತಂತ್ರಜ್ಞಾನಗಳ ಮೂಲಕ ವಿಮಾನದಲ್ಲಿ ಇಂಟರ್ನೆಟ್ ಸಂಪರ್ಕ ಸಾಧ್ಯವಾಗುತ್ತದೆ.

ವಿಮಾನಗಳು 30 ಸಾವಿರಕ್ಕೂ ಅಡಿ ಎತ್ತರದಲ್ಲಿ ಹಾರಾಟ ನಡೆಸುತ್ತವೆ. ಆದ್ರೂ ವಿಮಾನದಲ್ಲಿ ವೈಫೈ ಸೌಲಭ್ಯ ನೀಡಲಾಗುತ್ತದೆ. ಈ ಲೇಖನದಲ್ಲಿ ಹೇಗೆ  ವೈಫೈ  ವರ್ಕ್ ಆಗುತ್ತೆ ಎಂಬುದರ ಮಾಹಿತಿ ಇಲ್ಲಿದೆ. 

ವಿಮಾನ ಪ್ರಯಾಣದಲ್ಲಿ ಆಸನಗಳ ಮುಂಭಾಗದಲ್ಲಿರುವ ಸ್ಕ್ರೀನ್‌ನಲ್ಲಿ ನಿಮ್ಮಿಷ್ಟದ ವಿಡಿಯೋಗಳನ್ನು ಬಳಸಬಹುದು. ಹಾಗೆ ಅಲ್ಲಿಯ ವೈಫೈ ಬಳಸಿ ಮೊಬೈಲ್‌ನಲ್ಲಿ ಸಂದೇಶ/ ಮೇಲ್ ಸಹ ಕಳುಹಿಸಬಹುದು. ಯಾವ ರೀತಿಯಲ್ಲಿ ವಿಮಾನಗಳು ನೆಟ್‌ವರ್ಕ್ ಜೊತೆ ಸಂಪರ್ಕ ಸಾಧಿಸುತ್ತೇವೆ ಎಂಬುದನ್ನು ನೋಡೋಣ. 

ವೈಫೈ ಅಂದ್ರೆ ವೈರ್ಲೆಸ್ ನೆಟ್‌ವರ್ಕ್ ಎಂದರ್ಥ  ಮನೆಯಲ್ಲಿ ಟಿವಿ. ಲ್ಯಾಪ್‌ಟಾಪ್‌ಗಳು, ಗೇಮಿಂಗ್ ಕನ್ಸೋಲ್‌ಗಳು, ಸ್ಮಾರ್ಟ್ ಅಸಿಸ್ಟೆಂಟ್‌ಗಳು, ವೈರ್‌ಲೆಸ್ ಡೋರ್‌ಬೆಲ್‌ಗೂ ವೈಫ್‌ ಬಳಕೆ ಮಾಡಲಾಗುತ್ತದೆ. ಈ ಮೂಲಕ ಎಲ್ಲಾ ಸಾಧನಗಳಿಗೂ ಯಾವುದೇ ವೈರ್ ಜೋಡಣೆ ಇಲ್ಲದೇ ಇಂಟರ್‌ನೆಟ್ ಸಂಪರ್ಕವನ್ನು ಕಲ್ಪಿಸಲಾಗುತ್ತದೆ.

ಹೋಟೆಲ್, ಕಾಫಿಶಾಪ್‌, ಕಚೇರಿ ಅಥವಾ ಇನ್ನಿತರ ಯಾವುದೇ ಸ್ಥಳಗಳಲ್ಲಿಯೂ  ವೈಫೈ ಸೌಲಭ್ಯವನ್ನು ನೀಡಲಾಗಿರುತ್ತದೆ. ಈ ಸೌಲಭ್ಯ ಪಡೆಯಲು ವೈಫೈ ಪಾಸ್‌ವರ್ಡ್ ಎಂಟ್ರಿ ಮಾಡಬೇಕಾಗುತ್ತದೆ. ಆದರೆ ವಿಮಾನಗಳು ಮೊಬೈಲ್‌ ಟವರ್‌ಗಳಿಗಿಂತ ಮೇಲೆ ಹಾರಾಟ ನಡೆಸಿದ್ರೂ ಸಂಪರ್ಕ ಸಾಧಿಸುತ್ತವೆ. ಎರಡು ಮಾರ್ಗಗಳ ಮೂಲಕ ವಿಮಾನಗಳು ನೆಟ್‌ವರ್ಕ್ ಸಂಪರ್ಕ್ ಪಡಯುತ್ತವೆ. 

1.ಏರ್-ಟು-ಗ್ರೌಂಡ್ (ATG) ನೆಟ್‌ವರ್ಕ್
ವಿಮಾನದ ಕೆಳಭಾಗದಲ್ಲಿ ಆಂಟೆನಾ ಇರುತ್ತದೆ. ಈ ಆಂಟೆನಾ ಸಮೀಪದ ಮೊಬೈಲ್ ಟವರ್ ಜೊತೆ ಸಂಪರ್ಕ ಸಾಧಿಸುತ್ತದೆ. ಆಂಟೆನಾದಿಂದ ಸಿಗ್ನಲ್ ಕ್ಯಾಬಿನ್ ಸರ್ವರ್‌ಗೆ ಹೋಗುತ್ತದೆ, ನಂತರ ಆನ್-ಬೋರ್ಡ್ ರೂಟರ್‌ಗೆ, ವಿಮಾನವನ್ನು ಪ್ರಯಾಣಿಕರಿಗೆ ಹಾಟ್‌ಸ್ಪಾಟ್ ಆಗಿ ಪರಿವರ್ತಿಸುತ್ತದೆ. ಏರ್-ಟು-ಗ್ರೌಂಡ್ ವ್ಯವಸ್ಥೆ ಸರಿಯಾಗಿ ಕಾರ್ಯ ನಿರ್ವಹಿಸಬೇಕಾದ್ರೆ ಭೂಮಿಗೆ ಸಮೀಪದಲ್ಲಿಯೇ ಹಾರಾಟ ನಡೆಸಬೇಕಾಗುತ್ತದೆ. 

2.ಉಪಗ್ರಹ ಜಾಲ
ಈ ವಿಧಾನದಲ್ಲಿಯೂ ವಿಮಾನಗಳಿಗೆ ಆಂಟೆನಾ ಬಳಕೆ ಮಾಡಲಾಗುತ್ತದೆ. ಆದ್ರೆ ಇಲ್ಲಿ ವಿಮಾನದ ಮೇಲ್ಭಾಗದಲ್ಲಿ ಆಂಟೆನಾ ಜೋಡಣೆ ಮಾಡಲಾಗಿರುತ್ತದೆ. ವಿಮಾನ ಹಾರುವಾಗ ಆಂಟೆನಾ ಸಮೀಪದ ಉಪಗಹ್ರದಿಂದ ಇಂಟರ್‌ನೆಟ್ ಸಂಪರ್ಕ ಸಾಧಿಸುತ್ತದೆ. ಸಿಗ್ನಲ್ ಆನ್-ಬೋರ್ಡ್ ಸರ್ವರ್‌ಗೆ, ವೈ-ಫೈ ರೂಟರ್ ಮೂಲಕ ಮತ್ತು ನಂತರ ಪ್ರಯಾಣಿಕರಿಗೆ ಸರ್ವರ್ ಸಿಗುತ್ತದೆ. ಸಂಪೂರ್ಣ ಇಂಟರ್ನೆಟ್ ಪ್ರವೇಶ ಪಡೆಯಲು ಉಪಗ್ರಹ ಸೇವೆಯು ನ್ಯಾರೋಬ್ಯಾಂಡ್ ಮತ್ತು ಬ್ರಾಡ್‌ಬ್ಯಾಂಡ್ ನೆಟ್‌ವರ್ಕ್‌ಗಳನ್ನು ಬಳಸುತ್ತದೆ.