ಈ ದೇಶದ ಕಾನೂನುಗಳು ಉತ್ತರ ಕೊರಿಯಾಕ್ಕಿಂತ ಕಠಿಣವಾಗಿವೆ, ಈ ದೇಶದಲ್ಲಿ ನಿಮಗೆ ತಿರುಗಾಡಲು ಸ್ವಾತಂತ್ರ್ಯ ಸಿಗೋದಿಲ್ಲ ಮತ್ತು ಫೋಟೋಗಳನ್ನು ತೆಗೆದುಕೊಳ್ಳಲು ಸಾಧ್ಯವಿಲ್ಲ, ಗಡ್ಡ ಬಿಡೋದಕ್ಕೂ ಸಾಧ್ಯ ಇಲ್ಲ. ಹಾಗಿದ್ರೆ ಆ ದೇಶ ಯಾವುದು ಅನ್ನೋದನ್ನ ನೋಡೋಣ.
ಹೆಚ್ಚಾಗಿ ಜನರು ತಮ್ಮ ದೈನಂದಿನ ಜೀವನದಿಂದ ಬಿಡುಗಡೆ ಪಡೆಯೋದಕ್ಕೆ ಟ್ರಾವೆಲ್ ಮಾಡ್ತಾರೆ. ಆದ್ರೆ ನೀವು ಟ್ರಾವೆಲ್ ಮಾಡುವ ಜಾಗದಲ್ಲಿ ನೀವು ಅಂದುಕೊಂಡದ್ದನ್ನ ಮಾಡೋದಿಕ್ಕೆ ಸಾಧ್ಯವಾಗದೇ ಇದ್ದರೆ, ಆವಾಗ ಏನು ಮಾಡೋದು. ಪ್ರಪಂಚದಲ್ಲೊಂದು ದೇಶವಿದೆ, ಅಲ್ಲಿನ ಕಾನೂನು ಎಷ್ಟೊಂದು ಸ್ಟ್ರಿಕ್ಟ್ ಅಂದ್ರೆ , ಇದು ಕಾನೂನಿನಲ್ಲಿ ಉತ್ತರ ಕೊರಿಯಾವನ್ನು (North Korea)ಸಹ ಮೀರಿಸುತ್ತೆ. ಈ ದೇಶಕ್ಕೆ ನೀವು ಹೋದ್ರೆ, ಅಲ್ಲಿ ಏನೂ ಮಾಡದೇ ವಾಪಾಸ್ ಬರಬೇಕಾಗುತ್ತೆ.
ಈ ದೇಶವನ್ನು ಉತ್ತರ ಕೊರಿಯಾಕ್ಕೆ ಹೋಲಿಸಿದರೆ, ಅದು ತಪ್ಪಾಗುವುದಿಲ್ಲ. ನಾವು ತುರ್ಕಮೆನಿಸ್ತಾನದ (Turkmenistan) ಬಗ್ಗೆ ಮಾತನಾಡುತ್ತಿದ್ದೇವೆ, ಇಲ್ಲಿ ಜನರಿಗೆ ಸ್ವಾತಂತ್ರ್ಯಾನೆ ಇಲ್ಲ. ನೀವು ಈ ದೇಶದಲ್ಲಿ ಪ್ರಯಾಣಿಸಲು ಯೋಜಿಸುತ್ತಿದ್ದರೆ, ಮೊದಲು ಅದರ ಇತಿಹಾಸ ಏನು ಮತ್ತು ಇದು ಇತರ ದೇಶಗಳಿಗಿಂತ ಏಕೆ ಸಂಪೂರ್ಣವಾಗಿ ಭಿನ್ನವಾಗಿದೆ ಎಂಬುದನ್ನು ತಿಳಿದುಕೊಳ್ಳಿ.
ಇದು ತುರ್ಕಮೆನಿಸ್ತಾನದ ಇತಿಹಾಸ
ತುರ್ಕಮೆನಿಸ್ತಾನ್ 1925 ರಿಂದ 1991 ರವರೆಗೆ ಸೋವಿಯತ್ ಒಕ್ಕೂಟದ ಭಾಗವಾಗಿತ್ತು, ಆದರೆ ಕೆಲವು ದೇಶಗಳು ಸೋವಿಯತ್ ಒಕ್ಕೂಟದಿಂದ ಬೇರ್ಪಟ್ಟಾಗ, ತುರ್ಕಮೆನಿಸ್ತಾನ್ ಕೂಡ ಅವುಗಳಲ್ಲಿ ಒಂದಾಗಿತ್ತು. ಇಲ್ಲಿ ವಾಸಿಸುವ 60 ಪ್ರತಿಶತದಷ್ಟು ಜನರು ಟರ್ಕಿಶ್ (Turkish) ಜನರು. ತುರ್ಕಮೆನಿಸ್ತಾನ್ ಎಂಬ ಹೆಸರು ಪರ್ಷಿಯನ್ ಭಾಷೆಯಿಂದ ಬಂದಿದೆ, ಇದರರ್ಥ 'ಟರ್ಕರ ನಾಡು'. ತುರ್ಕಮೆನಿಸ್ತಾನದ ರಾಜಧಾನಿ ಅಶ್ಗಾಬತ್, ಇದರರ್ಥ 'ಪ್ರೀತಿಯ ನಗರ'. ಇದು ಆಗ್ನೇಯದಲ್ಲಿ ಅಫ್ಘಾನಿಸ್ತಾನ, ನೈಋತ್ಯದಲ್ಲಿ ಇರಾನ್, ಈಶಾನ್ಯದಲ್ಲಿ ಉಜ್ಬೇಕಿಸ್ತಾನ್, ವಾಯುವ್ಯದಲ್ಲಿ ಕಜಕಿಸ್ತಾನ್ ಮತ್ತು ಪಶ್ಚಿಮದಲ್ಲಿ ಕ್ಯಾಸ್ಪಿಯನ್ ಸಮುದ್ರವನ್ನು ಹೊಂದಿದೆ.
ತುರ್ಕಮೆನಿಸ್ತಾನ್ ಬಗ್ಗೆ ಆಸಕ್ತಿದಾಯಕ ಸಂಗತಿಗಳು
ತುರ್ಕಮೆನಿಸ್ತಾನವನ್ನು 1991 ರಿಂದ 2006 ರವರೆಗೆ ಮಾಜಿ ಅಧ್ಯಕ್ಷ ಸಪರ್ಮಾರುತ್ ನಿಯಾಜೋವ್ ಆಳಿದರು. ಇದರ ನಂತರ, ಆಡಳಿತವು ಗುರ್ಬಾಂಗುಲಿ ಬೆರ್ಡಿಮುಖಮೆಡೋವ್ ಅವರ ಕೈಯಲ್ಲಿ ಬಂದಿತು ಮತ್ತು ಅಂದಿನಿಂದ ಅವರು ಇಲ್ಲಿ ಅಧ್ಯಕ್ಷರಾಗಿದ್ದಾರೆ.
ತುರ್ಕಮೆನಿಸ್ತಾನದಲ್ಲಿ ವೀಸಾ ಆಡಳಿತವು ತುಂಬಾ ಕಷ್ಟಕರವಾಗಿದೆ, ಈ ಕಾರಣದಿಂದಾಗಿ ಇಲ್ಲಿ ಪ್ರವಾಸಿಗರ ಸಂಖ್ಯೆ ತುಂಬಾ ಕಡಿಮೆ. ದೇಶದಲ್ಲಿ ಕಡಿಮೆ ಸಂಖ್ಯೆಯ ಪ್ರವಾಸಿಗರು ಬರೋದಕ್ಕೆ ಮತ್ತೊಂದು ಕಾರಣವೆಂದರೆ ತುರ್ಕಮೆನಿಸ್ತಾನ್ ಅನ್ನು ದೀರ್ಘಕಾಲದವರೆಗೆ ವಿದೇಶದ ಜನರಿಗೆ ತೆರೆಯಲೇ ಇಲ್ಲ.
ಮತ್ತೊಂದು ಶಾಕಿಂಗ್ ನ್ಯೂಸ್ ಏನೆಂದರೆ, ತುರ್ಕಮೆನಿಸ್ತಾನದ ನಾಗರಿಕರಿಗೆ ಮುಕ್ತವಾಗಿ ಮಾತನಾಡುವ ಮತ್ತು ತಿರುಗಾಡುವ ಸ್ವಾತಂತ್ರ್ಯವಿಲ್ಲ. ಅದಕ್ಕೂ ಹಲವು ರೀತಿಯ ಕಾನೂನುಗಳಿವೆ. ಅಷ್ಟೇ ಅಲ್ಲ ಈ ದೇಶದಲ್ಲಿ ಛಾಯಾಗ್ರಹಣವನ್ನು ಸಹ ನಿಷೇಧಿಸಲಾಗಿದೆ.
ಈ ದೇಶದಲ್ಲಿ ನರಕದ ಬಾಗಿಲು ಇದೆ.
ತುರ್ಕಮೆನಿಸ್ತಾನದಲ್ಲಿ ನರಕದ ಬಾಗಿಲೂ (Door to Hell) ಇದೆ, ಇದನ್ನು 'ಹೆಲ್ಸ್ ಗೇಟ್' ಎಂದೂ ಕರೆಯಲಾಗುತ್ತದೆ. ಹೆಲ್ಸ್ ಗೇಟ್ 230 ಅಡಿ ಅಗಲವಿರುವ ದೊಡ್ಡ ಗುಂಡಿಯಾಗಿದೆ. ಈ ಗುಂಡಿಯು ಅನೇಕ ವರ್ಷಗಳಿಂದ ನಿರಂತರವಾಗಿ ಉರಿಯುತ್ತಿದೆ. ತುರ್ಕಮೆನಿಸ್ತಾನ್ ಭೂವಿಜ್ಞಾನಿಗಳ ಪ್ರಕಾರ, ಈ ದೊಡ್ಡ ನೆಲೆಯನ್ನು 1960 ರ ದಶಕದಲ್ಲಿ ನಿರ್ಮಿಸಲಾಯಿತು, ಆದರೆ ಇದು 1980 ರ ದಶಕದಲ್ಲಿ ಬೆಂಕಿಗೆ ಆಹುತಿಯಾಯಿತು.
ಯುವಕರು ಗಡ್ಡ ಇಡಬಾರದು ಎಂಬ ಕಟ್ಟುನಿಟ್ಟಿನ ನಿಯಮವಿದೆ
ಮಾಜಿ ಅಧ್ಯಕ್ಷ ನಿಯಾಜೊವ್ ಕೂಡ ಯುವಕರ ಗಡ್ಡದ (beard) ಬಗ್ಗೆ ವಿಚಿತ್ರ ನಿಯಮವನ್ನು ರೂಪಿಸಿದರು. ಗಡ್ಡ ಅಥವಾ ಉದ್ದನೆಯ ಕೂದಲನ್ನು ಹೊಂದಿರುವ ಯುವಕರ ಮೇಲೆ ನಿಷೇಧವಿತ್ತು. ಆದಾಗ್ಯೂ, ತುರ್ಕಮೆನಿಸ್ತಾನದಲ್ಲಿ, 70 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರು ಮಾತ್ರ ಗಡ್ಡವನ್ನು ಇಟ್ಟುಕೊಳ್ಳಬಹುದು.
ತುರ್ಕಮೆನಿಸ್ತಾನದಲ್ಲಿ ಕಲ್ಲಂಗಡಿಗಳಿಗೆ ರಜಾದಿನವಿದೆ
ಆಗಸ್ಟ್ ತಿಂಗಳ ಪ್ರತಿ ಎರಡನೇ ಭಾನುವಾರವನ್ನು ರಾಷ್ಟ್ರೀಯ ಕಲ್ಲಂಗಡಿ (watermelon)ದಿನವೆಂದು ಆಚರಿಸಲಾಗುತ್ತದೆ.
ಇದು ಮಾತ್ರವಲ್ಲ, ತುರ್ಕಮೆನಿಸ್ತಾನದಲ್ಲಿ ಕೊಳಕು ಕಾರುಗಳ ಬಗ್ಗೆ ಕಠಿಣ ನಿಯಮಗಳಿವೆ. ರಾಷ್ಟ್ರ ರಾಜಧಾನಿಯಲ್ಲಿ ನೀವು ಕಪ್ಪು ಕಾರನ್ನು ಹೊಂದಲು ಸಾಧ್ಯವಿಲ್ಲ.ಅಲ್ಲದೆ, ಕೊಳಕು ಕಾರುಗಳನ್ನು ಅನುಮತಿಸಲಾಗುವುದಿಲ್ಲ. ಇದಕ್ಕಾಗಿ, ಹೊರಗೆ ಅನೇಕ ಕಾರು ತೊಳೆಯುವ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ.
ಇಲ್ಲಿನ ಜನರು ಈ ಸೌಲಭ್ಯಗಳನ್ನು ಪಡೆಯುತ್ತಾರೆ
1993 ರಿಂದ ತುರ್ಕಮೆನಿಸ್ತಾನದ ಜನರಿಗೆ ಉಚಿತ ನೀರು, ವಿದ್ಯುತ್ ಮತ್ತು ಅನಿಲವನ್ನು ನೀಡಲಾಗಿದೆ. ಇದು ಅಧ್ಯಕ್ಷ ನಿಯಾಜೋವ್ ತಂದ ನಿಯಮ. ಕುತೂಹಲಕಾರಿ ಸಂಗತಿಯೆಂದರೆ, ಪ್ರತಿ ವ್ಯಕ್ತಿಗೆ ಪ್ರತಿ ತಿಂಗಳು 25 ಕಿಲೋವ್ಯಾಟ್ ವಿದ್ಯುತ್, 50 ಘನ ಮೀಟರ್ ನೈಸರ್ಗಿಕ ಅನಿಲ ಮತ್ತು 250 ಲೀಟರ್ ನೀರು ಸಿಗುತ್ತದೆ. 2008 ರಲ್ಲಿ ಅಧ್ಯಕ್ಷ ಬೆರ್ಡಿಮುಖಮೆಡೋವ್ ಪ್ರತಿ ವ್ಯಕ್ತಿಗೆ ತಿಂಗಳಿಗೆ 120 ಲೀಟರ್ ಇಂಧನವನ್ನು ಒದಗಿಸಲು ಹೊಸ ಸಬ್ಸಿಡಿಗಳನ್ನು ಸೇರಿಸಿದರು.