ದಕ್ಷಿಣ ಭಾರತದತ್ತ ಕೆಲಸ ಹುಡುಕಿಕೊಂಡು ಬರುವ ಹೊರ ರಾಜ್ಯದವರ ಸಂಖ್ಯೆ ಹೆಚ್ಚುತ್ತಿರುವುದರಿಂದ ರೈಲುಗಳಲ್ಲಿ ಸಾಮಾನ್ಯವಾಗಿ ನೂಕುನುಗ್ಗಲು ಹೆಚ್ಚ . ಇದರಿಂದಾಗಿಯೇ ಮುಂಚಿತವಾಗಿ ಟಿಕೆಟ್ ಬುಕ್ ಮಾಡಿದ ಪ್ರಯಾಣಿಕರೂ ವಿಪರೀತ ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಈ ಸಮಸ್ಯೆಗೆ ಪರಿಹಾರವಾಗಿ ಮುಂಗಡ ಬುಕ್ಕಿಂಗ್ ಇಲ್ಲದ ಹೆಚ್ಚುವರಿ ಬೋಗಿಗಳನ್ನು ಸೇರಿಸಲು ರೈಲ್ವೆ ಇಲಾಖೆ ನಿರ್ಧರಿಸಿದೆ.
ಸ್ವಂತ ಊರಿನಲ್ಲಿ ಕೆಲಸ ಸಿಗದ ಕಾರಣ ಜೀವನೋಪಾಯಕ್ಕಾಗಿ ಲಕ್ಷಾಂತರ ಯುವಕರು ಬೇರೆ ರಾಜ್ಯಗಳಿಗೆ, ಬೇರೆ ಊರುಗಳಿಗೆ ವಲಸೆ ಹೋಗುತ್ತಿದ್ದಾರೆ. ಇದರಿಂದಾಗಿ ಪ್ರತಿದಿನ ರೈಲುಗಳಲ್ಲಿ ಎಂದಿಗಿಂತಲೂ ನೂಕುನುಗ್ಗಲು ಹೆಚ್ಚುತ್ತಿದೆ. ವಿಶೇಷ ದಿನಗಳಂತೂ ಕೇಳುವುದೇ ಬೇಡ. ಮುಂಗಡ ಬುಕ್ಕಿಂಗ್ ಮಾಡಿದ ರೈಲು ಬೋಗಿ ಮಾತ್ರವಲ್ಲದೆ ಶೌಚಾಲಯದಲ್ಲಿಯೂ ಕುಳಿತು, ಪ್ರಯಾಣಿಸುವ ಪರಿಸ್ಥಿತಿ ಇದೆ. ಅದರಲ್ಲಿಯೂ ಬಿಹಾರ, ಒಡಿಶಾ, ಪಶ್ಚಿಮ ಬಂಗಾಳ ಸೇರಿ ಹಲವು ರಾಜ್ಯಗಳಿಂದ ಲಕ್ಷಾಂತರ ಯುವಕರು ದಕ್ಷಿಣ ಭಾರತದತ್ತ ವಲಸೆ ಬರೋದು ಹೆಚ್ಚುತ್ತಲೇ ಇದೆ.
ಕಟ್ಟಡ ನಿರ್ಮಾಣ ಕೆಲಸದಿಂದ ಹಿಡಿದು, ಕ್ಷೌರಿಕ ವೃತ್ತಿ, ಮಾಂಸ ಮಾರಾಟದವರೆಗೆ ಎಲ್ಲ ಕೆಲಸಗಳಲ್ಲಿಲ್ಲಯೂ ಇತ್ತೀಚೆಗೆ ಉತ್ತರ ಭಾರತೀಯರದ್ದೇ ಮೇಲುಗೈ. ಇದರಿಂದ ಪ್ರತಿದಿನ ದಕ್ಷಿಣ ಭಾರತದ ವಿವಿಧ ರಾಜ್ಯಗಳ ವಿವಿಧ ಜಿಲ್ಲೆಗಳಿಗೂ ಸಾವಿರಾರು ಜನರು ಬರುತ್ತಿದ್ದಾರೆ. ರೈಲುಗಳಲ್ಲಿ ಬೇರೆ ರಾಜ್ಯದ ಯುವಕರ ಗುಂಪೇ ತುಂಬಿ ತುಳುಕುತ್ತಿದೆ. ಇದರಿಂದಾಗಿ ಈಗಾಗಲೇ ರೈಲುಗಳಲ್ಲಿ ಮುಂಗಡ ಬುಕಿಂಗ್ ಮಾಡಿ ಪ್ರಯಾಣಿಸುವ ಪ್ರಯಾಣಿಕರ ಪರಿಸ್ಥಿತಿ ಶೋಚನೀಯವಾಗಿದೆ. ರೈಲಿನಲ್ಲಿ ಮುಂಗಡ ಬುಕಿಂಗ್ ಮಾಡಿದ ಪ್ರಯಾಣಿಕರಿಗೂ ಮುಂಗಡ ಬುಕಿಂಗ್ ಮಾಡದ ಪ್ರಯಾಣಿಕರಿಗೂ ನಡುವೆ ಪ್ರತಿದಿನ ಜಗಳ ನಡೆಯುತ್ತಿದೆ. ಇದನ್ನು ರೈಲ್ವೆ ಪೊಲೀಸರು ನಿಯಂತ್ರಿಸಿದರೂ ಮುಂಗಡ ಬುಕಿಂಗ್ ಮಾಡದ ಬೋಗಿ ಕಡಿಮೆ ಇರುವುದರಿಂದ ಬೇರೆ ದಾರಿಯಿಲ್ಲದೆ ಪೊಲೀಸರೂ ಟಿಕೆಟ್ ಪರಿಶೀಲಕರೂ ಪರದಾಡುವಂತಾಗಿದೆ.
ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ರೈಲ್ವೆ ಇಲಾಖೆ ಮಹತ್ವದ ಸಭೆ ನಡೆಸಿದೆ. ಇದಾದ ನಂತರ ಎಲ್ಲ ರೈಲುಗಳಲ್ಲಿಯೂ ಹೆಚ್ಚುವರಿಯಾಗಿ ಮುಂಗಡ ಬುಕಿಂಗ್ ಮಾಡದ ಬೋಗಿಗಳನ್ನು ಸೇರಿಸುತ್ತಿದೆ. ಹೆಚ್ಚು ರೈಲುಗಳಲ್ಲಿ ಮುಂಗಡ ಬುಕಿಂಗ್ ಇಲ್ಲದೆಯೂ ಬೋಗಿಗಳು 2 ಅಥವಾ 3 ಮಾತ್ರ ಇರುತ್ತವೆ. ಈ ಪರಿಸ್ಥಿತಿಯನ್ನು ತಪ್ಪಿಸಲು ಚಾಲ್ತಿ ಹಣಕಾಸು ವರ್ಷದಲ್ಲಿ ಹೊಸದಾಗಿ 10,000 ಮುಂಗಡ ಬುಕಿಂಗ್ ಇಲ್ಲದ ಬೋಗಿಗಳನ್ನು ಉತ್ಪಾದಿಸಿ, ಪ್ರಮುಖ ಮಾರ್ಗಗಳಲ್ಲಿ ಸಂಚರಿಸುವ ರೈಲುಗಳಲ್ಲಿ ಸೇರಿಸಲಾಗುವುದು ಎಂದು ರೈಲ್ವೆ ಆಡಳಿತ ಮಂಡಳಿ ಘೋಷಿಸಿದೆ. ಅದರಂತೆ, ಹೊಸ ಮುಂಗಡ ಬುಕಿಂಗ್ ಇಲ್ಲದ ಬೋಗಿಗಳನ್ನು ತಯಾರಿಸುವ ಕೆಲಸವನ್ನು ಚೆನ್ನೈ ಐಸಿಎಫ್ ಸೇರಿದಂತೆ ರೈಲು ಬೋಗಿ ತಯಾರಿಸುವ ಕಾರ್ಖಾನೆಗಳು ಕೈಗೊಂಡಿವೆ. ಆ ಪ್ರಕಾರ ದಕ್ಷಿಣ ರೈಲ್ವೆಯ ವತಿಯಿಂದ ನಿರ್ವಹಿಸಲ್ಪಡುವ ರೈಲುಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ತುಂಬಿ ತುಳುಕುವ ರೈಲುಗಳಲ್ಲಿ ಹೆಚ್ಚುವರಿ ಮುಂಗಡ ಬುಕಿಂಗ್ ಮಾಡದ ಬೋಗಿಗಳನ್ನು ಸೇರಿಸಲು ನಿರ್ಧರಿಸಲಾಗಿದೆ.
ಅದರಂತೆ ದಕ್ಷಿಣ ರೈಲ್ವೆಯಲ್ಲಿ ಸಂಚರಿಸುವ 15 ರೈಲುಗಳಲ್ಲಿ ಬರುವ ಜನವರಿ ತಿಂಗಳಿನಿಂದ ಮುಂಗಡ ಬುಕಿಂಗ್ ಮಾಡದ ಬೋಗಿಗಳ ಸಂಖ್ಯೆಯನ್ನು 4ಕ್ಕೆ ಹೆಚ್ಚಿಸಲಾಗುತ್ತಿದೆ ಎಂದು ದಕ್ಷಿಣ ರೈಲ್ವೆ ಆಡಳಿತ ಮಂಡಳಿ ಘೋಷಿಸಿದೆ.
ಪ್ರಸ್ತುತ ಕೈಗೊಂಡಿರುವ ಈ ಯೋಜನೆಯ ಮೂಲಕ ನೂಕುನುಗ್ಗಲು ಸಮಸ್ಯೆ ಕಡಿಮೆ ಮಾಡಬಹುದು. ಮುಂದಿನ ದಿನಗಳಲ್ಲಿ ಮುಂಗಡ ಬುಕಿಂಗ್ ಮಾಡದ ಬೋಗಿಗಳ ಸಂಖ್ಯೆಯನ್ನು ಎಲ್ಲಾ ರೈಲುಗಳಲ್ಲಿಯೂ ಹೆಚ್ಚಿಸಲು ಯೋಜಿಸಲಾಗಿದೆ. ರೈಲ್ವೆ ಇಲಾಖೆ ಈ ನಿರ್ಧಾರದಿಂದ ನೂಕುನುಗ್ಗಲು ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುತ್ತದೆ. ಇದಲ್ಲದೆ ಮುಂಗಡ ಬುಕಿಂಗ್ ಮಾಡದ ಬೋಗಿಗಳು ಹೆಚ್ಚಾದ ಕಾರಣ ಕೊನೆಯ ಕ್ಷಣದಲ್ಲಿ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಮುಂಗಡ ಬುಕಿಂಗ್ ಮಾಡದೆ ಸಾಮಾನ್ಯ ಬೋಗಿಗಳಲ್ಲಿ ಪ್ರಯಾಣಿಸುವ ಪರಿಸ್ಥಿತಿ ನಿರ್ಮಾಣವಾಗಿದೆ.