ಶೋಯೆಬ್‌ ಮಲೀಕ್‌ಗೆ 'ಖುಲಾ' ನೀಡಿದ ಸಾನಿಯಾ, ಮುಸ್ಲಿಂ ಹೆಣ್ಣುಮಕ್ಕಳಿಗಿದೆ ಇಂಥದ್ದೊಂದು ಅಧಿಕಾರ!

Published : Jan 22, 2024, 11:49 AM ISTUpdated : Jan 22, 2024, 12:04 PM IST

ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಾಗೂ ಪಾಕಿಸ್ತಾನ ಮಾಜಿ ಕ್ರಿಕೆಟಿಗ ಶೋಯೆಬ್ ಮಲಿಕ್ ಅವರ ದಾಂಪತ್ಯ ಜೀವನಕ್ಕೆ ತೆರೆ ಬಿದ್ದಿದೆ. ಶೋಯೆಬ್ ಮಲಿಕ್, ಪಾಕಿಸ್ತಾನದ ನಟಿ ಸನಾ ಜಾವೆದ್ ರನ್ನು ಮದುವೆಯಾಗಿದ್ದಾರೆ. ಆದ್ರೆ ಮೂರನೇ ಮದ್ವೆಯಾದ ಶೋಯೆಬ್‌ ಮಲೀಕ್‌, ಸಾನಿಯಾ ಮಿರ್ಜಾಗೆ ಕೊಟ್ಟಿದ್ದ ತಲಾಖ್‌ ಅಲ್ಲ 'ಖುಲಾ', ಏನಿದು?

PREV
18
ಶೋಯೆಬ್‌ ಮಲೀಕ್‌ಗೆ 'ಖುಲಾ' ನೀಡಿದ ಸಾನಿಯಾ, ಮುಸ್ಲಿಂ ಹೆಣ್ಣುಮಕ್ಕಳಿಗಿದೆ ಇಂಥದ್ದೊಂದು ಅಧಿಕಾರ!

ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಾಗೂ ಪಾಕಿಸ್ತಾನ ಮಾಜಿ ಕ್ರಿಕೆಟಿಗ ಶೋಯೆಬ್ ಮಲಿಕ್ ಅವರ ದಾಂಪತ್ಯ ಜೀವನಕ್ಕೆ ತೆರೆ ಬಿದ್ದಿದೆ. ಇದೀಗ ಶೋಯೆಬ್ ಮಲಿಕ್, ಪಾಕಿಸ್ತಾನದ ನಟಿ ಸನಾ ಜಾವೆದ್ ಅವರನ್ನು ಮೂರನೇ ಮದುವೆಯಾಗಿದ್ದಾರೆ. ಆದ್ರೆ ಇಬ್ಬರು ತಲಾಖ್ ಕೊಟ್ಟಿದ್ದು ಯಾವಾಗ ಅನ್ನೋ ಚರ್ಚೆ ಎಲ್ಲೆಡೆ ಶುರುವಾಗಿದೆ.

28

ಶೋಯೆಬ್ ಮಲಿಕ್ ಅವರ ಮೂರನೇಯ ಮದುವೆಯ ಸುದ್ದಿ ಪಾಕಿಸ್ತಾನ ಮತ್ತು ಭಾರತದ ಕ್ರೀಡಾ ಜಗತ್ತನ್ನು ಬೆಚ್ಚಿಬೀಳಿಸಿದೆ. ಮಲಿಕ್ ತನ್ನ ಮತ್ತು ತನ್ನ ನವ ವಧು ಸನಾ ಜಾವೇದ್ ಅವರ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದಾರೆ. 

38

ದಂಪತಿಗಳು ವಿಚ್ಛೇದನ ಪಡೆಯುತ್ತಿದ್ದಾರೆ ಎಂದು ಹಲವು ತಿಂಗಳುಗಳಿಂದ ನಿರಂತರ ವದಂತಿಗಳಿದ್ದರೂ, ಇಬ್ಬರೂ ಅದರ ಬಗ್ಗೆ ಮೌನವಾಗಿದ್ದರು. ಆದ್ರೆ ಶೋಯೆಬ್‌ ಪೋಸ್ಟ್‌ನಿಂದ ಇಬ್ಬರಿಂದ ದೂರವಾಗಿರೋದು ಸ್ಪಷ್ಟವಾಗಿದೆ. ತಮ್ಮ ಮಗಳು ಶೋಯೆಬ್‌ನಿಂದ ತಲಾಖ್ ಬದಲು ಖುಲಾ ಸ್ವೀಕರಿಸಿದ್ದಾಗಿ ಸಾನಿಯಾ ತಂದೆ ಬಹಿರಂಗಪಡಿಸಿದ್ದಾರೆ.

48

ಇದು 'ಖುಲಾ' ಆಗಿತ್ತು. ಇದಕ್ಕಿಂತ ಹೆಚ್ಚಿನ ಪ್ರತಿಕ್ರಿಯೆ ನೀಡಲು ನಾನು ಬಯಸುವುದಿಲ್ಲ' ಎಂದು ಸಾನಿಯಾ ತಂದೆ ಇಮ್ರಾನ್ ಮಿರ್ಜಾ ಈ ವಿಷಯದ ಬಗ್ಗೆ ಹೇಳಿದ್ದಾರೆ. ಖುಲಾ ಎಂದರೇನು ಮತ್ತು ಅದು ತಲಾಖ್‌ಗಿಂತ ಹೇಗೆ ಭಿನ್ನವಾಗಿದೆ?

58

ಖುಲಾ ಎಂಬುದು ಮುಸ್ಲಿಂ ಮಹಿಳೆಗೆ ತನ್ನ ಸಂಗಾತಿಗೆ ವಿಚ್ಛೇದನ ನೀಡುವ ಏಕಪಕ್ಷೀಯ ಹಕ್ಕನ್ನು ವಿವರಿಸಲು ಬಳಸಲಾಗುವ ಪದವಾಗಿದೆ. ಇಸ್ಲಾಂ ಮಹಿಳೆಯರಿಗೆ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸುವ ಸ್ವಾತಂತ್ರ್ಯವನ್ನು ನೀಡುತ್ತದೆ. ಅದು ಅವರ ಮದುವೆಯನ್ನು ಕೊನೆಗೊಳಿಸುತ್ತದೆ. ವಿಚ್ಛೇದನದ ನಂತರ ಮಕ್ಕಳ ಪೋಷಣೆ ಮತ್ತು ಆರ್ಥಿಕ ಬೆಂಬಲಕ್ಕಾಗಿ ಸಂಗಾತಿಯು ಜವಾಬ್ದಾರನಾಗಿರುತ್ತಾನೆ ಎಂದು ಇದರಲ್ಲಿ ನಮೂದಿಸಬೇಕು. 

68

ಮಕ್ಕಳು ಸಾಮಾನ್ಯವಾಗಿ ತಮ್ಮ ತಾಯಿಯೊಂದಿಗೆ ವಾಸಿಸುತ್ತಾರೆ. ಇದು ಹುಡುಗರಿಗೆ ಏಳು ವರ್ಷಗಳವರೆಗೆ ಮತ್ತು ಹುಡುಗಿಯರಿಗೆ ಪ್ರೌಢಾವಸ್ಥೆಯವರೆಗೆ ಇರುತ್ತದೆ. ಈ ಹಿಂದೆ ದುಬೈನಲ್ಲಿ ನೆಲೆಸಿದ್ದ ಶೋಯೆಬ್ ಮತ್ತು ಸಾನಿಯಾ ಏಪ್ರಿಲ್ 2010 ರಲ್ಲಿ ಹೈದರಾಬಾದ್‌ನಲ್ಲಿ ವಿವಾಹವಾಗಿದ್ದರು. 
 

78

ಇಸ್ಲಾಮಿಕ್ ಕಾನೂನಿನಲ್ಲಿ ವಿಚ್ಛೇದನಕ್ಕೆ ಅರೇಬಿಕ್ ಪದವು ತಲಾಕ್ ಆಗಿದೆ. ಒಬ್ಬ ಮುಸ್ಲಿಂ ಪುರುಷನು ತಲಾಖ್ ಎಂಬ ಪದವನ್ನು ಮೂರು ಬಾರಿ ಹೇಳುವ ಮೂಲಕ ತನ್ನ ಮದುವೆಯನ್ನು ಏಕಪಕ್ಷೀಯವಾಗಿ ವಿಸರ್ಜಿಸಬಹುದು; ಇದು ಕಾನೂನು ಮತ್ತು ಧಾರ್ಮಿಕ ಪ್ರಕ್ರಿಯೆಯಾಗಿದೆ. ಇದನ್ನು ನಾವು ತ್ರಿವಳಿ ತಲಾಖ್ ಎಂದು ಕರೆಯುತ್ತೇವೆ.

88

ಮಹಿಳೆಯರ ಹಕ್ಕುಗಳನ್ನು ರಕ್ಷಿಸಲು, ಹಲವಾರು ಮುಸ್ಲಿಂ-ಬಹುಸಂಖ್ಯಾತ ರಾಷ್ಟ್ರಗಳಲ್ಲಿ ತಲಾಖ್ ಅನ್ನು ನಿಯಂತ್ರಿಸುವ ಕಾನೂನುಗಳಿಗೆ ನಿರಂತರ ಚರ್ಚೆಗಳು ಮತ್ತು ಬದಲಾವಣೆಗಳನ್ನು ಮಾಡಲಾಗುತ್ತಿದೆ. ಈ ಬದಲಾವಣೆಗಳು ಮುಖ್ಯವಾಗಿ ತ್ರಿವಳಿ ತಲಾಖ್‌ನ ಪರಿಣಾಮಗಳ ಮೇಲೆ ಕೇಂದ್ರೀಕರಿಸುತ್ತವೆ.

Read more Photos on
click me!

Recommended Stories