ಹೆಣ್ಮಕ್ಕಳ ಕನ್ಯತ್ವ ಪರೀಕ್ಷಿಸುವ Two Finger Test: ಏನಿದು? ಭಾರತದಲ್ಲೇಕೆ ನಿಷೇಧ?
First Published Sep 30, 2021, 5:02 PM ISTಕೊಯಮತ್ತೂರಿನಲ್ಲಿ ವಾಯುಸೇನೆಯ ಮಹಿಳಾ ಅಧಿಕಾರಿಯೊಬ್ಬರು ತನ್ನ ಸಹೋದ್ಯೋಗಿ ತನ್ನ ಮೇಲೆ ಅತ್ಯಾಚಾರ ನಡೆಸಿದ್ದಾರೆಂದು. ಈ ಬಗ್ಗೆ ಹಿರಿಯ ಅಧಿಕಾರಿಗಳಿಗೆ ದೂರು ನಿಡಿದಾಗ ಪರೀಕ್ಷೆಗೆಂದು ವೈದ್ಯರ ಬಳಿ ಕಳುಹಿಸಿದ್ದರೆಂದೂ ಆ ಅಧಿಕಾರಿ ತಿಳಿಸಿದ್ದಾರೆ. ಆದರೆ ವೈದ್ಯರು ಮಾತ್ರ ಸುಪ್ರಿಂ ಕೋರ್ಟ್ ಬ್ಯಾನ್ ಮಾಡಿರುವ ಟು ಫಿಂಗರ್ ರೇಪ್‌ ಟೆಸ್ಟ್‌ ನಡೆಸಿದ್ದಾರೆಂದು ಮಹಿಳೆ ತನ್ನ ದೂರಿನಲ್ಲಿ ಆರೋಪಿಸಿದ್ದಾರೆ. ಪ್ರಸ್ತುತ, ಈ ಪ್ರಕರಣದ ಆರೋಪಿಯನ್ನು ಬಂಧಿಸಲಾಗಿದೆ. ಕೊಯಮತ್ತೂರು ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಆದರೆ ಈ ಎಲ್ಲದರ ನಡುವೆ, ಸಂತ್ರಸ್ತೆ ಮೇಲೆ ಟು ಫಿಂಗರ್ ಟೆಸ್ಟ್‌ ಏಕೆ ಮಾಡಲಾಯಿತು ಎಂಬ ಪ್ರಶ್ನೆ ಉದ್ಭವಿಸಲಾರಂಭಿಸಿದೆ? 2013 ರಲ್ಲಿಯೇ ಭಾರತದಲ್ಲಿ ಟು ಫಿಂಗರ್ ಟೆಸ್ಟ್‌ ಸುಪ್ರೀಂ ಕೋರ್ಟ್ ನಿಷೇಧಿಸಿದೆ. ಎರಡು ಬೆರಳುಗಳ ಪರೀಕ್ಷೆಯು ಅಸಂವಿಧಾನಿಕವಾದ್ದರಿಂದ ಅದನ್ನು ನಡೆಸಬಾರದು ಎಂದು ಸುಪ್ರಿಂ ಕೋರ್ಟ್ ಹರ್ಯಾಣದ ಎನ್‌ಆರ್‌ vs ಲೀಲು ಪ್ರಕರಣದ ತೀರ್ಪು ಪ್ರಕಟಿಸುವಾಗ ತಿಳಿಸಿತ್ತು.