ಸಂಬಳ ಪಡೆಯುವ ಬಹುತೇಕರು ತಿಂಗಳಾಂತ್ಯಕ್ಕೆ ಸಾಲಕ್ಕಾಗಿ ಇನ್ನೊಬ್ಬರ ಬಳಿ ಕೈಚಾಚುತ್ತಾರೆ. ಸಹೋದ್ಯೋಗಿಗಳೋ, ಪರಿಚಯಸ್ಥರೋ ಕೇಳಿರಬಹುದು ಅಥವಾ ನೀವೇ ಇನ್ನೊಬ್ಬರನ್ನು ಕೇಳುವಂತಹ ಪರಿಸ್ಥಿತಿ ಎದುರಾಗಿರಬಹುದು ಅಲ್ಲವೇ? ಈ 5 ಸಲಹೆಗಳನ್ನು ಫಾಲೋ ಮಾಡಿ ಇನ್ನೊಬ್ಬರ ಬಳಿ ಹಣಕ್ಕೆ ಕೈಚಾಚುವುದು ತಪ್ಪುತ್ತದೆ!
ಈ ಜಗತ್ತಿನಲ್ಲಿ ಪ್ರತಿಯೊಬ್ಬರಿಗೂ ವೈಯಕ್ತಿಕ, ಕುಟುಂಬ ನಿರ್ವಹಣೆಗೆ ಹಣದ ಅವಶ್ಯಕತೆ ಹಿಂದೆಂದಿಗಿಂತಲೂ ಹೆಚ್ಚಿದೆ. ಅದಕ್ಕಾಗಿ ದುಡಿಯಲೇಬೇಕಿದೆ. ಸರ್ಕಾರಿ, ಅರೆಸರ್ಕಾರಿ, ಕಂಪನಿಗಳಲ್ಲಿ ದುಡಿಯುತ್ತೇವೆ ತಿಂಗಳ ಬರುವ ಸಂಬಳದಿಂದ ಅಗತ್ಯಗಳನ್ನು ಪೂರೈಸಿಕೊಳ್ಳುತ್ತೇವೆ.
ಆದರೆ ಸಂಬಳ ಪಡೆಯುವ ಬಹುತೇಕರು ತಿಂಗಳಾಂತ್ಯಕ್ಕೆ ಸಾಲಕ್ಕಾಗಿ ಇನ್ನೊಬ್ಬರ ಬಳಿ ಕೈಚಾಚುತ್ತಾರೆ. 'ಸಂಬಳ ಆದಮೇಲೆ ಕೊಡ್ತೇನೆ ಸಾಲ ಕೊಡಿ' ಅಂತಾ ನಿಮ್ಮನ್ನ ನಿಮ್ಮ ಸಹೋದ್ಯೋಗಿಗಳೋ, ಪರಿಚಯಸ್ಥರೋ ಕೇಳಿರಬಹುದು ಅಥವಾ ನೀವೇ ಇನ್ನೊಬ್ಬರನ್ನು ಕೇಳುವಂತಹ ಪರಿಸ್ಥಿತಿ ಎದುರಾಗಿರಬಹುದು ಅಲ್ಲವೇ? ಹೌದು ಚಿಕ್ಕಪುಟ್ಟ ಸಂಬಳ ಪಡೆಯುವವರಷ್ಟೇ ಅಲ್ಲ, ಅತಿಹೆಚ್ಚು ಸಂಬಳ ಪಡೆಯುವ ಬಹುತೇಕರು ತಿಂಗಳಾಂತ್ಯಕ್ಕೆ ಇನ್ನೊಬ್ಬರ ಬಳಿ ಕೈಚಾಚುತ್ತಾರೆ ಯಾಕೆ ಹೀಗೆ? ಅತಿ ಹೆಚ್ಚು ಸಂಬಳ ಪಡೆದರೂ ಯಾಕೆ ಸಾಲ ಕೇಳುತ್ತಾರೆ? ನಿಮಗೆ ಈ ರೀತಿ ಪ್ರಶ್ನೆ ಮೂಡಿರಬಹುದಲ್ಲವೆ? ಹೌದು ಅದು ನಿಜ ಯಾಕೆ ಅಂತಾ ನೋಡೋಣ.
ಹಣಕಾಸಿನ ನಿರ್ವಹಣೆ ಎಂದರೆ ದೊಡ್ಡ ಸಂಬಳ ಪಡೆಯುವ ಉದ್ಯೋಗಿಗಳಿಗೆ ಮಾತ್ರ ನಮಗಲ್ಲ ಎಂದು ಭಾವಿಸಿದ್ದೀರ? ಭಾರತ ಸರ್ಕಾರವೇ 143 ಕೋಟಿ ಜನರಿಗೆ ಪ್ರತಿ ಐದು ವರ್ಷಗಳಿಗೊಮ್ಮೆ ಬಜೆಟ್ ಮಂಡಿಸುತ್ತದೆ ಹಾಗಾದರೆ ನಿಮ್ಮ ಕುಟುಂಬಕ್ಕಾಗಿ ನೀವು ಹಣಕಾಸಿನ ಖರ್ಚು ವೆಚ್ಚ ನಿರ್ವಹಣೆ ಮಾಡುವುದಿಲ್ಲವೇ? ದೇಶಕ್ಕೆ ಬಜೆಟ್ ಹಾಕುವುದು ಬಹಳ ಕಷ್ಟ ಆದರೆ ಕುಟುಂಬ, ಸಂಸಾರಕ್ಕಾಗಿ ಬಜೆಟ್ ಪ್ಲಾನ್ ಮಾಡುವುದು ಅಷ್ಟೇನೂ ಕಷ್ಟವಲ್ಲ. ಸ್ವಲ್ಪ ಪ್ರಾಪಂಚಿಕ ಜ್ಞಾನ ಸಾಕು. ನೀವು ಹಣವನ್ನು ಚೆನ್ನಾಗಿ ಯೋಜಿತ ರೀತಿಯಲ್ಲಿ ಖರ್ಚು ಮಾಡಿದರೆ, ನಿಮ್ಮ ಮನೆಯಲ್ಲಿನ ಸಮಸ್ಯೆಗಳು ಅರ್ಧಕ್ಕಿಂತ ಹೆಚ್ಚು ಕಡಿಮೆಯಾಗುತ್ತವೆ. ಹಣಕಾಸು ನಿರ್ವಹಣೆಗೆ ಕೆಲವು ಸಲಹೆಗಳು ಇಲ್ಲಿವೆ. ಅವುಗಳನ್ನು ಕಲಿತು ಕಾರ್ಯಗತಗೊಳಿಸಿದರೆ ಹಣದ ಕೊರತೆ ಇರುವುದಿಲ್ಲ.
ಎಲ್ಲಾ ಕಂಪನಿಗಳು ತಮ್ಮ ನಿವ್ವಳ ಲಾಭ ಅಥವಾ ನಷ್ಟವನ್ನು ಕಂಡುಹಿಡಿಯಲು ಕಂಪನಿಯು ಮಾಡಿದ ವೆಚ್ಚಗಳು ಮತ್ತು ಕಂಪನಿಯು ಪಡೆದ ಆದಾಯವನ್ನು ಪ್ರತ್ಯೇಕವಾಗಿ ಪಟ್ಟಿ ಮಾಡುತ್ತದೆ. ಅದರಂತೆಯೇ ನಿಮ್ಮ ವಾರ್ಷಿಕ ಅಥವಾ ತಿಂಗಳ ಹಣಕಾಸಿನ ವಹಿವಾಟುಗಳನ್ನು ಟ್ರ್ಯಾಕ್ ಮಾಡಲು ಮತ್ತು ಅರ್ಥಮಾಡಿಕೊಳ್ಳಲು ನೀವು ಈ ವಿಧಾನವನ್ನು ಅನುಸರಿಸಬಹುದು.
ಅಗತ್ಯ ವೆಚ್ಚಗಳು: ಈ ಪಟ್ಟಿಯು ವಿದ್ಯುತ್ ಬಿಲ್‌ಗಳು, ಮೊಬೈಲ್ ಬಿಲ್‌ಗಳು, ಮಕ್ಕಳ ಶಾಲಾ ಶುಲ್ಕಗಳು, ದಿನಸಿಗಳು, ಇತರ ಗೃಹಬಳಕೆಯ ಅಗತ್ಯತೆಗಳಂತಹ ಸ್ಥಿರ ವೆಚ್ಚಗಳನ್ನು ಒಳಗೊಂಡಿದೆ. ಈ ವೆಚ್ಚಗಳನ್ನು ನಿಲ್ಲಿಸಲಾಗುವುದಿಲ್ಲ.
ಅನಿವಾರ್ಯವಲ್ಲದ ವೆಚ್ಚಗಳು: ಹೊರಗಿನಿಂದ ಆಹಾರವನ್ನು ಆರ್ಡರ್ ಮಾಡುವುದು, ಅಗತ್ಯವಲ್ಲದ ವಸ್ತುಗಳನ್ನು ಖರೀದಿಸುವುದು ಮತ್ತು ಇತರ ವಿವೇಚನೆಯ ವೆಚ್ಚಗಳು. ಇವು ನಿಯಂತ್ರಿಸಬಹುದಾದ ವೆಚ್ಚಗಳಾಗಿವೆ.
ತುರ್ತು ನಿಧಿಗಾಗಿ ಉಳಿಕೆ ಮಾಡಿ
ಜೀವನದಲ್ಲಿ ಯಾರಿಗಾದರೂ ತುರ್ತು ಪರಿಸ್ಥಿತಿ ಎದುರಾಗುವುದು ಸಹಜ. ಅನಿರೀಕ್ಷಿತ ಸಂದರ್ಭಗಳು ಆರ್ಥಿಕ ಹೊರೆಯನ್ನು ಹೆಚ್ಚಿಸುತ್ತವೆ. ಈ ಪರಿಸ್ಥಿತಿಯನ್ನು ನಿಭಾಯಿಸಲು.. ಪ್ರತಿ ತಿಂಗಳು ನಿಮ್ಮ ಆದಾಯದ ಒಂದು ಭಾಗವನ್ನು ತುರ್ತು ಪರಿಸ್ಥಿತಿಗಳಿಗಾಗಿ ಮೀಸಲಿಡುವುದು ಬಹಳ ಮುಖ್ಯ. ಇದು ತುರ್ತು ನಿಧಿ. ಅನಿರೀಕ್ಷಿತ ವೆಚ್ಚಗಳನ್ನು ತುರ್ತು ನಿಧಿಯಿಂದ ನೋಡಿಕೊಳ್ಳಬಹುದು. ಈ ನಿಧಿಯು ನಿಮ್ಮ ಕುಟುಂಬಕ್ಕೆ ರಕ್ಷಣೆಯಾಗಿ ಕಾರ್ಯನಿರ್ವಹಿಸುತ್ತದೆ, ನಿಮ್ಮ ಮಾಸಿಕ ಬಜೆಟ್ ಅನ್ನು ಸುರಕ್ಷಿತವಾಗಿರಿಸುತ್ತದೆ. ತುರ್ತು ನಿಧಿಗೆ ಉಳಿಕೆ ಮಾಡದಿದ್ರೆ ತುರ್ತು ಪರಿಸ್ಥಿತಿಯಲ್ಲಿ ಬೇರೆಯವರ ಮುಂದೆ ಕೈಚಾಚಬೇಕಾಗಬಹುದು. ಆ ವೇಳೆ ಯಾರೂ ಹಣಕಾಸಿನ ಸಹಾಯ ನೀಡದಿದ್ರೆ ಗತಿ ಏನು?
ನಿಮ್ಮ ಆದಾಯ ಮತ್ತು ವೆಚ್ಚಗಳನ್ನು ಪಟ್ಟಿ ಮಾಡಲು ಇದು ಸಾಕಾಗುವುದಿಲ್ಲ. ನೀವು ಎಲ್ಲವನ್ನೂ ಎರಡು ಬಾರಿ ಪರಿಶೀಲಿಸಬೇಕು. ಆಗ ಯಾವ ವೆಚ್ಚಗಳು ಅಗತ್ಯ, ಯಾವುದು ಅನಗತ್ಯ ಮತ್ತು ಯಾವುದನ್ನು ಸರಿಹೊಂದಿಸಬಹುದು ಎಂಬುದನ್ನು ನೀವು ಸುಲಭವಾಗಿ ಅರ್ಥಮಾಡಿಕೊಳ್ಳುತ್ತೀರಿ. ಅದರ ಪರಿಣಾಮವಾಗಿ, ನಿಮ್ಮ ಮನೆಯ ಬಜೆಟ್ ಕೂಡ ಪರಿಣಾಮಕಾರಿಯಾಗುತ್ತದೆ, ಅನಗತ್ಯ ವೆಚ್ಚಗಳು ಕಡಿಮೆಯಾಗುತ್ತವೆ ಮತ್ತು ಹಣ ಉಳಿತಾಯವಾಗುತ್ತದೆ. ನಂತರ, ನಿಮ್ಮ ಸಂಬಳ ತಿಂಗಳ ಕೊನೆಯಲ್ಲಿ ಬರುತ್ತದೆ. ಆದ್ದರಿಂದ, ನಿಮ್ಮ ಬಜೆಟ್ ಅನ್ನು ನಿಯಮಿತವಾಗಿ ಪರಿಶೀಲಿಸುವುದು ಮುಖ್ಯವಾಗಿದೆ.