ಥೈರಾಯ್ಡ್, ಕಾರ್ಟಿಸೋಲ್, ಈಸ್ಟ್ರೋಜೆನ್ ಮತ್ತು ಇನ್ಸುಲಿನ್ ಹಾರ್ಮೋನುಗಳು ದೇಹದೊಳಗೆ ಸಾಕಷ್ಟು ಪ್ರಮುಖ ಕೆಲಸ ಮಾಡುತ್ತವೆ. ಆದರೆ ಇದರಲ್ಲಿ ಯಾವುದೇ ಒಂದು ಹಾರ್ಮೋನ್ ಏರಿಳಿತ ಸಂಭವಿಸಿದರೆ ಅನಾರೋಗ್ಯಕ್ಕೆ ಕಾರಣವಾಗಬಹುದು. ಮುಖ್ಯವಾಗಿ ನಾವು ಆರೋಗ್ಯವಾಗಿರಲು ಹೊಟ್ಟೆಯ ಕಡೆಗೆ ಗಮನ ಹರಿಸಬೇಕು. ಯಾಕೆ ಅನ್ನೋದನ್ನು ತಿಳಿಯಿರಿ.
ಕರುಳಿನ ಆರೋಗ್ಯ (gut health) ಬಹಳ ಮುಖ್ಯ, ಏಕೆಂದರೆ ಅದರಲ್ಲಿ ತೊಂದರೆ ಉಂಟಾದಾಗ, ಇಡೀ ದೇಹವು ತಪ್ಪಾಗಿ ಕೆಲಸ ಮಾಡಲು ಪ್ರಾರಂಭಿಸುತ್ತದೆ. ಜಠರಗರುಳಿನ ವ್ಯವಸ್ಥೆಯನ್ನು ಕರುಳು ಎಂದು ಕರೆಯಲಾಗುತ್ತದೆ. ಇದರಲ್ಲಿ ಆಹಾರದ ಕೊಳವೆ, ಬಾಯಿ, ಹೊಟ್ಟೆ, ಸಣ್ಣ ಮತ್ತು ದೊಡ್ಡ ಕರುಳು, ಗುದನಾಳ ಮತ್ತು ಹೊಟ್ಟೆಯಲ್ಲಿರುವ ಬ್ಯಾಕ್ಟೀರಿಯಾಗಳು ಬರುತ್ತವೆ. ಇವುಗಳಲ್ಲಿ ಸಣ್ಣ ತೊಂದರೆ ಉಂಟಾದಾರೂ ಸಹ ಆರೋಗ್ಯ ಕೆಟ್ಟು ಹೋಗುತ್ತದೆ.
ಹಾರ್ಮೋನ್ ಸಮತೋಲನ (hormon imbalance) ಮತ್ತು ಕರುಳಿನ ಆರೋಗ್ಯ ತಜ್ಞರು ಕರುಳಿನ ಒಳಗೆ ಶತಕೋಟಿ ಬ್ಯಾಕ್ಟೀರಿಯಾಗಳಿವೆ ಎಂದು ಹೇಳುತ್ತಾರೆ. ಇದು ಬಹುತೇಕ ಇಡೀ ದೇಹದ ಮೇಲೆ ಮತ್ತು ವಿಶೇಷವಾಗಿ ಹಾರ್ಮೋನುಗಳ ಮೇಲೆ ಪರಿಣಾಮ ಬೀರುತ್ತದೆ. ಈ ಹಾರ್ಮೋನುಗಳ ಅಸಮತೋಲನವು 4 ಅಪಾಯಕಾರಿ ರೋಗಗಳ ಬೆಳವಣಿಗೆಗೆ ಕಾರಣವಾಗುತ್ತದೆ. ಆದ್ದರಿಂದ, ಈ ರೋಗಗಳನ್ನು ತಪ್ಪಿಸಲು ಕರುಳಿನ ಆರೋಗ್ಯವನ್ನು ಸುಧಾರಿಸುವುದು ಬಹಳ ಮುಖ್ಯ.
ಕಳಪೆ ಕರುಳಿನ ಆರೋಗ್ಯವೆಂದರೆ ಅಂಗಗಳಲ್ಲಿ ಕೆಲವು ಅಸಮರ್ಪಕ ಕಾರ್ಯನಿರ್ವಹಣೆ ಇದೆ ಅಥವಾ ಕೊಳೆಯು ಅಂಟಿಕೊಂಡಿದೆ ಎಂದರ್ಥ. ನಾರಿನಂಶ ಹೆಚ್ಚಿರುವ ಆಹಾರಗಳನ್ನು ಸೇವಿಸದಿರುವುದು, ಅತಿಯಾದ ಮದ್ಯಪಾನ, ಧೂಮಪಾನ, ವ್ಯಾಯಾಮ ಮಾಡದಿರುವುದು ಇತ್ಯಾದಿಗಳು ಇದಕ್ಕೆ ಕಾರಣವಾಗಿರಬಹುದು. ಕಳಪೆ ಕರುಳಿನ ಆರೋಗ್ಯದಿಂದ (bad gut health) ಪರಿಣಾಮ ಬೀರುವ ಹಾರ್ಮೋನುಗಳ ಬಗ್ಗೆ ತಿಳಿದುಕೊಳ್ಳೋಣ.
ಜಠರಗರುಳಿನ ಒಳಗೆ ಇರುವ ಆರೋಗ್ಯಕರ ಬ್ಯಾಕ್ಟೀರಿಯಾದಲ್ಲಿನ ಅಸಮತೋಲನವು ಕರುಳಿನ ಆರೋಗ್ಯವನ್ನು ಹದಗೆಡಿಸುತ್ತದೆ. ಕರುಳಿನ ರೋಗಲಕ್ಷಣಗಳ ಮೇಲೆ ಕಣ್ಣಿಡುವ ಮೂಲಕ ಸರಿಯಾದ ಸಮಯದಲ್ಲಿ ಕರುಳಿನ ಆರೋಗ್ಯವನ್ನು ಸುಧಾರಿಸಬಹುದು.
ಕರುಳಿನಲ್ಲಿ ಸಮಸ್ಯೆ ಉಂಟಾದರೆ ಈ ಲಕ್ಷಣಗಳು ಕಂಡು ಬರುತ್ತವೆ
ಸ್ಟಮಕ್ ಅಪ್ಸೆಟ್ (stomoch upset)
ಕಡಿಮೆ ಹಸಿವು
ಹೊಟ್ಟೆ ಉಬ್ಬರ
ಹೊಟ್ಟೆಯಲ್ಲಿ ಗ್ಯಾಸ್
ಮಲಬದ್ಧತೆ
ಅತಿಸಾರ
ಎದೆಯುರಿ, ಇತ್ಯಾದಿ.
1. ಥೈರಾಯ್ಡ್ ಹಾರ್ಮೋನ್ (thyroid hormone)
ಕಳಪೆ ಕರುಳಿನ ಆರೋಗ್ಯದಿಂದಾಗಿ, ಥೈರಾಯ್ಡ್ ಕಾರ್ಯವು ನಿಧಾನವಾಗುತ್ತದೆ ಮತ್ತು ಸೆಲೆನಿಯಂ, ಸತು ಮತ್ತು ಅಯೋಡಿನ್ ನಂತಹ ಪೋಷಕಾಂಶಗಳನ್ನು ಬಳಸುವುದು ಕಷ್ಟವಾಗುತ್ತದೆ ಎಂದು ಆಹಾರ ತಜ್ಞರು ಹೇಳುತ್ತಾರೆ. ಥೈರಾಯ್ಡ್ ಹಾರ್ಮೋನ್ ದೇಹದ ಚಯಾಪಚಯ ಕ್ರಿಯೆಯನ್ನು ನಿಯಂತ್ರಿಸುತ್ತದೆ, ಇದು ಆಹಾರದಿಂದ ಶಕ್ತಿಯನ್ನು ಸೃಷ್ಟಿಸಲು ಕೆಲಸ ಮಾಡುತ್ತದೆ.
ಹೆಚ್ಚಿನ ಜನರಿಗೆ ಇನ್ಸುಲಿನ್ ಹಾರ್ಮೋನ್ ಬಗ್ಗೆ ತಿಳಿದಿದೆ ಮತ್ತು ಅದರ ಅವನತಿ ಮಧುಮೇಹಕ್ಕೆ ಕಾರಣವಾಗುತ್ತದೆ. ಕರುಳಿನಲ್ಲಿರುವ ಬ್ಯಾಕ್ಟೀರಿಯಾಗಳು ಇನ್ಸುಲಿನ್ ಅನ್ನು ನಿಯಂತ್ರಿಸಲು ಸಹಾಯ ಮಾಡುತ್ತವೆ. ಆದ್ದರಿಂದ, ನಿಮ್ಮ ಕರುಳಿನ ಆರೋಗ್ಯವು ಕೆಟ್ಟದಾಗಿದ್ದರೆ, ಅದು ದೇಹದಲ್ಲಿ ಇನ್ಸುಲಿನ್ ಪ್ರತಿರೋಧವನ್ನು ಉಂಟುಮಾಡುವ ಮೂಲಕ ಮಧುಮೇಹಕ್ಕೆ ಕಾರಣವಾಗಬಹುದು.
ಮಲಬದ್ಧತೆಯು ಕಳಪೆ ಕರುಳಿನ ಆರೋಗ್ಯವನ್ನು ಸೂಚಿಸುವ ಒಂದು ಲಕ್ಷಣ. ಇದು ಮಹಿಳೆಯರಲ್ಲಿ ದೇಹದಲ್ಲಿ ಈಸ್ಟ್ರೋಜೆನ್ ಹಾರ್ಮೋನ್ ಶೇಖರಣೆಗೆ ಕಾರಣವಾಗಬಹುದು. ಇದು ಹಾರ್ಮೋನ್ ಅಸಮತೋಲನದ ಸಮಸ್ಯೆಯನ್ನು ಮತ್ತಷ್ಟು ಅಭಿವೃದ್ಧಿಪಡಿಸುತ್ತದೆ.
ಕಾರ್ಟಿಸೋಲ್ ಒಂದು ಸ್ಟೀರಾಯ್ಡ್ ಹಾರ್ಮೋನ್ ಆಗಿದೆ, ಇದು ಮಾನಸಿಕ ಆರೋಗ್ಯದ ಮೇಲೆ ಉತ್ತಮ ಪರಿಣಾಮ ಬೀರುತ್ತದೆ. ಕರುಳಿನ ಆರೋಗ್ಯ ಹದಗೆಟ್ಟಾಗ, ಈ ಹಾರ್ಮೋನ್ ಹೆಚ್ಚಾಗಲು ಪ್ರಾರಂಭಿಸುತ್ತದೆ ಮತ್ತು ಒತ್ತಡ ಮತ್ತು ಉರಿಯೂತವನ್ನು ಹೆಚ್ಚಿಸುತ್ತದೆ. ಇದು ಮಾನಸಿಕ ಆರೋಗ್ಯಕ್ಕೆ ತುಂಬಾ ಅಪಾಯಕಾರಿ.
ಒತ್ತಡ ಮತ್ತು ಆತಂಕ ನಿಯಂತ್ರಿಸಲು ಕ್ರಮಗಳನ್ನು ತೆಗೆದುಕೊಳ್ಳಿ.
ಪ್ರತಿದಿನ ಸಾಕಷ್ಟು ನಿದ್ರೆ ಮಾಡಿ.
ನಿಧಾನವಾಗಿ ತಿನ್ನಿ ಮತ್ತು ಸಾಕಷ್ಟು ನೀರು ಕುಡಿಯಿರಿ.
ಪ್ರಿ ಬಯೋಟಿಕ್ ಮತ್ತು ಪ್ರೊ ಬಯೋಟಿಕ್ ಆಹಾರಗಳನ್ನು ಸೇವಿಸಿ.
ಅಧಿಕ ನಾರಿನಂಶವಿರುವ ಆಹಾರಗಳು (high fiber food), ಬೆಳ್ಳುಳ್ಳಿ, ಹುದುಗಿಸಿದ ಆಹಾರಗಳು ಮತ್ತು ಕಾಲಜನ್ ಹೆಚ್ಚಿಸುವ ಆಹಾರಗಳು ಕರುಳಿನ ಆರೋಗ್ಯಕ್ಕೆ ಒಳ್ಳೆಯದು.
ಈ ಆರೋಗ್ಯ ಸಲಹೆಗಳನ್ನು ಅನುಸರಿಸುವ ಮೂಲಕ, ಕರುಳಿನ ಆರೋಗ್ಯವನ್ನು ಸುಧಾರಿಸಬಹುದು ಮತ್ತು ಮೇಲೆ ತಿಳಿಸಿದ 4 ಪ್ರಮುಖ ಹಾರ್ಮೋನುಗಳನ್ನು ಸಮತೋಲನದಲ್ಲಿಡಬಹುದು.