Winter health hobbies: ಚಳಿಗಾಲದಲ್ಲಿ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಬಲಶಾಲಿಯಾಗಲು ಬಯಸಿದರೆ, ಪ್ರತಿದಿನ ಬೆಳಿಗ್ಗೆ ಈ 7 ಹವ್ಯಾಸಗಳೊಂದಿಗೆ ನಿಮ್ಮ ದಿನವನ್ನು ಪ್ರಾರಂಭಿಸಿ.
ಚಳಿಗಾಲದಲ್ಲಿ ತಂಪಾದ ಗಾಳಿ ಬೀಸುವುದರಿಂದ ನಮ್ಮಲ್ಲಿ ಹಲವರು ತಮ್ಮ ದಿನಚರಿಯನ್ನು ಅದಕ್ಕೆ ತಕ್ಕಂತೆ ಬದಲಾಯಿಸಿಕೊಳ್ಳುತ್ತಾರೆ. ಅಂದರೆ ಕೆಲವರು ಈ ಋತುವಿಗೆ ತಕ್ಕಂತೆ ವ್ಯಾಯಾಮ ಮಾಡುವ ಅಭ್ಯಾಸವನ್ನು ಬದಲಾಯಿಸಿಕೊಳ್ಳುತ್ತಾರೆ. ಇನ್ನು ಕೆಲವರು ನಿದ್ದೆ ಮಾಡುವುದನ್ನೇ ಹೆಚ್ಚು ಇಷ್ಟಪಡುತ್ತಾರೆ.
ಆದರೆ, ಈ ಚಳಿಗಾಲದಲ್ಲಿ ನಿಮ್ಮ ದೇಹ ಮತ್ತು ಮನಸ್ಸಿನ ಆರೋಗ್ಯವನ್ನು ಸುಧಾರಿಸಲು ನೀವು ಬಯಸಿದರೆ, ನಿಮ್ಮ ದಿನವನ್ನು ಸರಿಯಾಗಿ ಪ್ರಾರಂಭಿಸಬೇಕು. ಅಂದರೆ ಚಳಿಗಾಲದಲ್ಲಿ ಕೆಲವು ಬೆಳಗಿನ ಹವ್ಯಾಸಗಳನ್ನು ನೀವು ಅನುಸರಿಸುವ ಮೂಲಕ ನಿಮ್ಮ ದೇಹ ಮತ್ತು ಮನಸ್ಸು ಆರೋಗ್ಯಕರವಾಗಿ ಮತ್ತು ನೀವು ದಿನವಿಡೀ ಚುರುಕಾಗಿರಲು ಸಾಧ್ಯ. ಆದ್ದರಿಂದ ಈ ಚಳಿಗಾಲದಲ್ಲಿ ನೀವು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಆರೋಗ್ಯವಾಗಿರಲು ಈ 7 ಹವ್ಯಾಸಗಳನ್ನು ಅನುಸರಿಸಿ.
ಇದನ್ನೂ ಓದಿ: ಜಿಮ್‌ಗೆ ಹೋಗೋಕೆ ಆಗದವರು 6-6-6 ವಾಕಿಂಗ್ ರೂಲ್ಸ್ ಟಿಪ್ಸ್ ಫಾಲೋ ಮಾಡಿ!
ಚಳಿಗಾಲದಲ್ಲಿ ಆರೋಗ್ಯವಾಗಿರಲು ಬೆಳಿಗ್ಗೆ ಮಾಡಬೇಕಾದ 7 ಹವ್ಯಾಸಗಳು:
1. ನೀರಿನೊಂದಿಗೆ ದಿನವನ್ನು ಪ್ರಾರಂಭಿಸಿ
ಚಳಿಗಾಲದಲ್ಲಿ ನೀರು ಕುಡಿಯುವುದು ಬಹಳ ಮುಖ್ಯ. ಆದರೆ ನಾವು ಅದನ್ನು ಆಗಾಗ್ಗೆ ಮರೆತುಬಿಡುತ್ತೇವೆ. ಇದಲ್ಲದೆ, ಹೆಚ್ಚು ನೀರು ಕುಡಿದರೆ ಆಗಾಗ್ಗೆ ಮೂತ್ರ ವಿಸರ್ಜನೆ ಮಾಡಬೇಕಾಗುತ್ತದೆ ಎಂದು ಭಾವಿಸಿ ಅನೇಕರು ನೀರು ಕುಡಿಯುವುದಿಲ್ಲ. ಇದರಿಂದ ನಿರ್ಜಲೀಕರಣ ಸಮಸ್ಯೆ ಬರುತ್ತದೆ. ಆದರೆ ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ಮತ್ತು ಚಯಾಪಚಯವನ್ನು ಸುಧಾರಿಸಲು ಮತ್ತು ಮಾನಸಿಕ ಸ್ಪಷ್ಟತೆಯನ್ನು ಬೆಂಬಲಿಸಲು ಚಳಿಗಾಲದಲ್ಲಿ ನೀರು ಕುಡಿಯುವುದು ಬಹಳ ಮುಖ್ಯ.
ಇದಕ್ಕಾಗಿ ಒಂದು ಲೋಟ ಬಿಸಿನೀರಿನೊಂದಿಗೆ ನಿಮ್ಮ ದಿನವನ್ನು ಪ್ರಾರಂಭಿಸಿ. ಬೇಕಾದರೆ ಇದರಲ್ಲಿ ನೀವು ನಿಂಬೆ ರಸ, ಜೇನುತುಪ್ಪವನ್ನು ಬೆರೆಸಿ ಕುಡಿಯಬಹುದು. ಈ ಒಂದು ಸರಳ ಹವ್ಯಾಸವು ನಿಮ್ಮ ಚಯಾಪಚಯವನ್ನು ಬದಲಾಯಿಸಲು ಪ್ರಾರಂಭಿಸುತ್ತದೆ ಮತ್ತು ದಿನವಿಡೀ ನೀವು ನೀರಿನೊಂದಿಗೆ ಇರುವಂತೆ ಸಹಾಯ ಮಾಡುತ್ತದೆ.
ಇದನ್ನೂ ಓದಿ: ವಾರಕ್ಕೊಮ್ಮೆ ಮೇಕೆಯ ಲಿವರ್ ಯಾಕೆ ತಿನ್ನಬೇಕು? ತಿಂದರೆ ಏನಾಗುತ್ತದೆ?
2. ಸ್ವಲ್ಪ ವ್ಯಾಯಾಮ
ಚಳಿಗಾಲದಲ್ಲಿ ಬೆಳಗ್ಗೆ ಬೇಗನೆ ಹಾಸಿಗೆಯಿಂದ ಎದ್ದೇಳಲು ಕಷ್ಟವಾಗುತ್ತದೆ. ಇನ್ನು ಸ್ವಲ್ಪ ಮಲಗಬೇಕೆಂದು ಅನಿಸುತ್ತದೆ. ಆದರೆ ದೀರ್ಘಕಾಲ ನಿದ್ದೆ ಮಾಡುವುದು ಆಲಸ್ಯಕ್ಕೆ ಕಾರಣವಾಗುತ್ತದೆ. ಅದೂ ಕೂಡಾ ಚಳಿಗಾಲದಲ್ಲಿ. ಆದ್ದರಿಂದ ನೀವು ಬೆಳಗ್ಗೆ ಎದ್ದು ನಿಮ್ಮ ಸ್ನಾಯುಗಳನ್ನು ಸಡಿಲಗೊಳಿಸಲು ಸ್ವಲ್ಪ ವ್ಯಾಯಾಮ ಮಾಡಲು ಸುಮಾರು 15 ನಿಮಿಷಗಳನ್ನು ಮೀಸಲಿಡಿ. ನೀವು ಮಾಡುವ ಕೆಲವು ಸರಳ ವ್ಯಾಯಾಮಗಳು ನಿಮ್ಮ ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ ಮತ್ತು ನಿಮ್ಮ ದೇಹವನ್ನು ಮುಂಬರುವ ದಿನಕ್ಕೆ ಸಿದ್ಧಪಡಿಸುತ್ತದೆ. ಇದು ನಿಮ್ಮ ಮನಸ್ಥಿತಿಯನ್ನು ಆರೋಗ್ಯಕರವಾಗಿಡಲು ಮತ್ತು ದಿನವಿಡೀ ನೀವು ಚುರುಕಾಗಿರಲು ಸಹಾಯ ಮಾಡುತ್ತದೆ.
3. ಸಮತೋಲಿತ ಉಪಹಾರ
ಚಳಿಗಾಲದಲ್ಲಿ, ಕಾರ್ಬೋಹೈಡ್ರೇಟ್ ಭರಿತ ಆಹಾರವನ್ನು ಸೇವಿಸುವುದು ಒಳ್ಳೆಯದಾದರೂ, ದಿನದ ನಂತರದ ಭಾಗದಲ್ಲಿ ಅವು ಶಕ್ತಿಯ ಕೊರತೆಗೆ ಕಾರಣವಾಗಬಹುದು. ಆದ್ದರಿಂದ ಚಳಿಗಾಲದಲ್ಲಿ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕಾಗಿ ಬೆಳಿಗ್ಗೆ ಪ್ರೋಟೀನ್, ಆರೋಗ್ಯಕರ ಕೊಬ್ಬುಗಳು ಮತ್ತು ಫೈಬರ್ ಭರಿತ ಸಮತೋಲಿತ ಆಹಾರವನ್ನು ಸೇವಿಸಿ. ಇದಕ್ಕಾಗಿ ನೀವು ಹಸಿರು ತರಕಾರಿಗಳು, ಪ್ರೋಟೀನ್ ಪೌಡರ್, ಚಿಯಾ ಬೀಜಗಳು, ಬೀಜಗಳು, ಓಟ್ಸ್ ಮತ್ತು ಬೆರ್ರಿಗಳಂತಹವುಗಳನ್ನು ಸೇವಿಸಿ.
4. ಆಳವಾದ ಉಸಿರಾಟದ ವ್ಯಾಯಾಮ
ಚಳಿಗಾಲದಲ್ಲಿ ಧ್ಯಾನ ಅಥವಾ ಉಸಿರಾಟದ ವ್ಯಾಯಾಮದಂತಹವುಗಳನ್ನು ಮಾಡಿ ದಿನವನ್ನು ಪ್ರಾರಂಭಿಸಿದರೆ ನಿಮ್ಮ ಮನಸ್ಸು ಸ್ಪಷ್ಟವಾಗಿರುತ್ತದೆ. ಇದಲ್ಲದೆ ಒತ್ತಡ ಕಡಿಮೆಯಾಗುತ್ತದೆ ಮತ್ತು ಮಾನಸಿಕ ಆರೋಗ್ಯ ಸುಧಾರಿಸುತ್ತದೆ. ಇದಕ್ಕಾಗಿ ನೀವು ಬೆಳಿಗ್ಗೆ ಸುಮಾರು 10 ನಿಮಿಷಗಳನ್ನು ಮೀಸಲಿಟ್ಟರೆ ಸಾಕು. ಹೀಗೆ ನೀವು ನಿರಂತರವಾಗಿ ಮಾಡುತ್ತಾ ಬಂದರೆ ಆತಂಕ ಕಡಿಮೆಯಾಗುತ್ತದೆ, ನಿಮ್ಮ ಏಕಾಗ್ರತೆ ಮತ್ತು ಮನಸ್ಥಿತಿ ಸುಧಾರಿಸುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ.
5. ಸೂರ್ಯನ ಬೆಳಕು
ಚಳಿಗಾಲದಲ್ಲಿ ದೊಡ್ಡ ಸವಾಲುಗಳಲ್ಲಿ ಒಂದು ಸೂರ್ಯನ ಬೆಳಕಿನ ಕೊರತೆ. ಇದನ್ನ ನೀವು ನಿಶ್ಯಕ್ತಿ ಮತ್ತು ಆಲಸಿ ಎಂದು ಭಾವಿಸುವಿರಿ. ಆದರೆ ದೇಹದಲ್ಲಿ ವಿಟಮಿನ್ ಡಿ ಮಟ್ಟವನ್ನು ಹೆಚ್ಚಿಸುವಲ್ಲಿ ಸೂರ್ಯನ ಬೆಳಕು ಪ್ರಮುಖ ಪಾತ್ರ ವಹಿಸುತ್ತದೆ. ಇದು ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಬಹಳ ಮುಖ್ಯ. ಆದ್ದರಿಂದ ನಿಮ್ಮಿಂದ ಸಾಧ್ಯವಾದರೆ ಬೆಳಿಗ್ಗೆ ಕನಿಷ್ಠ 10 ನಿಮಿಷಗಳನ್ನು ಹೊರಗೆ ಕಳೆಯಿರಿ ಇಲ್ಲದಿದ್ದರೆ ನಿಮ್ಮ ಮನೆಯ ಕಿಟಕಿಗಳನ್ನು ತೆರೆದಿಡಿ.
6. ಹಿಂದಿನ ರಾತ್ರಿಯೇ ಯೋಜಿಸಿ
ಅನಿಶ್ಚಿತ ಬೆಳಗ್ಗೆ ಅನಗತ್ಯ ಒತ್ತಡಕ್ಕೆ ಕಾರಣವಾಗುತ್ತದೆ. ಇದರಿಂದ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಹಾನಿಯಾಗುತ್ತದೆ. ಇದಕ್ಕಾಗಿ ನೀವು ಹಿಂದಿನ ರಾತ್ರಿಯೇ ಯೋಜಿಸುವ ಮೂಲಕ, ನಿಮ್ಮನ್ನು ದಿನವಿಡೀ ಶಕ್ತಿಯುತವಾಗಿರಿಸಿಕೊಳ್ಳಬಹುದು. ಆದ್ದರಿಂದ ರಾತ್ರಿ ಮಲಗುವ ಮುನ್ನ ಮರುದಿನದ ಗುರಿಗಳನ್ನು ನಿಗದಿಪಡಿಸಿ.
7. ಉತ್ತಮ ನಿದ್ರೆ ಅತ್ಯಗತ್ಯ
ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಹೆಚ್ಚು ಗಮನಿಸದ ಹವ್ಯಾಸಗಳಲ್ಲಿ ಒಂದು ರಾತ್ರಿಯ ನಿದ್ರೆ. ಚಳಿಗಾಲದಲ್ಲಿ ನಿಮ್ಮ ಒಟ್ಟಾರೆ ಆರೋಗ್ಯಕ್ಕೆ ಉತ್ತಮ ನಿದ್ರೆ ಬಹಳ ಮುಖ್ಯ. ಪ್ರತಿಯೊಬ್ಬರೂ 7-9 ಗಂಟೆಗಳ ಕಾಲ ಕಡ್ಡಾಯವಾಗಿ ಮಲಗಬೇಕು. ಇದಕ್ಕಾಗಿ ನೀವು ಮಲಗುವ ಮುನ್ನ ಕೆಫೀನ್ ಕುಡಿಯುವುದನ್ನು ತಪ್ಪಿಸಿ ಮತ್ತು ಟಿವಿ, ಮೊಬೈಲ್ ಫೋನ್ ನೋಡುವುದನ್ನೂ ತಪ್ಪಿಸಬೇಕು.