ತಜ್ಞರು ಹೇಳುವಂತೆ ರುಚಿಯ ವಿಷಯದಲ್ಲಿ ನೈಜ ಹಾಲು ಸ್ವಲ್ಪ ಸಿಹಿ ಇರುತ್ತದೆ, ಆದರೆ ಡಿಟರ್ಜೆಂಟ್ ಮತ್ತು ಸೋಡಾವನ್ನು ಸೇರಿಸುವುದರಿಂದ ನಕಲಿ ಹಾಲಿನ ರುಚಿ ಕಹಿಯಾಗುತ್ತದೆ.
ಏನು ಸೋಡಾ, ಡಿಟರ್ಜೆಂಟ್ ಬೆರೆಸುತ್ತಾರೆಯೇ? ಎಂದು ಶಾಕ್ ಆಗಬೇಡಿ. ಪ್ಲಾಸ್ಟಿಕ್ ಮೊಟ್ಟೆ ಮತ್ತು ಅಕ್ಕಿಯಂತೆ ಹಾಲನ್ನು ಸಹ ಕಲಬೆರೆಕೆ ಮಾಡಿ ಮಾರುವ ಮೂಲಕ ಕೆಲವರು ಲಾಭ ಪಡೆದುಕೊಳ್ಳಲು ಹುನ್ನಾರ ನಡೆಸುತ್ತಾರೆ. ಕೆಳಗೆ ನೀಡಲಾದ ಕೆಲವು ಸುಳಿವುಗಳ ಸಹಾಯದಿಂದ, ನಕಲಿ, ಕಲಬೆರಕೆ ಮತ್ತು ನಿಜವಾದ ಹಾಲನ್ನು ಗುರುತಿಸಬಹುದು.
ಶುದ್ಧ ಹಾಲನ್ನು ಹೇಗೆ ಗುರುತಿಸುವುದುಮೊದಲನೆಯದಾಗಿ, ಹಾಲಿನಲ್ಲಿ ನೀರಿನ ಕಲಬೆರಕೆ ಪರೀಕ್ಷಿಸಲು, ಯಾವುದೇ ಮರದ ಅಥವಾ ಕಲ್ಲಿನ ಮೇಲೆ ಒಂದು ಅಥವಾ ಎರಡು ಹನಿ ಹಾಲನ್ನು ಬಿಡಿ. ಹಾಲು ಕೆಳಕ್ಕೆ ಹರಿಯುತ್ತಿದ್ದರೆ ಮತ್ತು ಬಿಳಿ ಗುರುತು ರೂಪುಗೊಂಡರೆ, ಹಾಲು ಸಂಪೂರ್ಣವಾಗಿ ಶುದ್ಧವಾಗಿರುತ್ತದೆ.
ಒಂದು ವೇಳೆ ಹಾಲು ಅಲ್ಲಿ ನಿಂತು, ಗುರುತು ಬಿಡದೆ ಇದ್ದರೆ ಅದು ನಕಲಿ ಹಾಲು ಎಂದು ಹೇಳಲಾಗುತ್ತದೆ. ಅಂತಹ ಹಾಲಿನ ಬಗ್ಗೆ ಗಮನ ಹರಿಸಬೇಕಾದುದು ಮುಖ್ಯ.
ಸಂಶ್ಲೇಷಿತ ಹಾಲನ್ನು ಹೇಗೆ ಗುರುತಿಸುವುದು?ಸಂಶ್ಲೇಷಿತ ಹಾಲನ್ನು ಗುರುತಿಸಲು ಅದರ ವಾಸನೆ ನೋಡಿ. ಇದು ಸಾಬೂನಿನಂತೆ ವಾಸನೆಯಾದರೆ, ಹಾಲು ಸಂಶ್ಲೇಷಿತ ಎಂದರ್ಥ, ಆದರೆ ನಿಜವಾದ ಹಾಲು ವಿಶೇಷವಾದ ಯಾವುದೇ ವಾಸನೆಯನ್ನು ಹೊಂದಿರುವುದಿಲ್ಲ.
ನಕಲಿ ಹಾಲನ್ನು ಹೇಗೆ ಗುರುತಿಸುವುದು?ಸಂಗ್ರಹಿಸಿದಾಗ ನಿಜವಾದ ಹಾಲು ಅದರ ಬಣ್ಣವನ್ನು ಬದಲಾಯಿಸುವುದಿಲ್ಲ, ಆದರೆ ಸ್ವಲ್ಪ ಸಮಯದ ನಂತರ ನಕಲಿ ಹಾಲು ಹಳದಿ ಬಣ್ಣಕ್ಕೆ ತಿರುಗುತ್ತದೆ.
ನಿಜವಾದ ಹಾಲನ್ನು ಕುದಿಸಿದಾಗ, ಅದರ ಬಣ್ಣವು ಬದಲಾಗುವುದಿಲ್ಲ, ಆದರೆ ನಕಲಿ ಹಾಲನ್ನು ಕುದಿಸಿದಾಗ ಅದು ಹಳದಿ ಬಣ್ಣಕ್ಕೆ ತಿರುಗುತ್ತದೆ.
ನಿಜವಾದ ಹಾಲನ್ನು ಕೈಗಳ ನಡುವೆ ಉಜ್ಜಿದಾಗ ಯಾವುದೇ ಜಿಡ್ಡಿನ ಭಾವನೆ ಇರುವುದಿಲ್ಲ. ಅದೇ ಸಮಯದಲ್ಲಿ, ಕೈಗಳ ನಡುವೆ ನಕಲಿ ಹಾಲನ್ನು ಉಜ್ಜಿದರೆ, ಡಿಟರ್ಜೆಂಟ್‌ನಂತಹ ಜಿಡ್ಡಿನ ಅನುಭವವನ್ನು ಅನುಭವಿಸುವಿರಿ.
ಹಾಲಿನಲ್ಲಿ ಡಿಟರ್ಜೆಂಟ್ ಕಲಬೆರಕೆಯನ್ನು ಹೇಗೆ ಕಂಡುಹಿಡಿಯುವುದು?ಹಾಲಿನಲ್ಲಿರುವ ಡಿಟರ್ಜೆಂಟ್ಕಲಬೆರಕೆಯನ್ನು ಕಂಡುಹಿಡಿಯಲು, ಗಾಜಿನ ಬಾಟಲಿಯಲ್ಲಿ ಅಥವಾ ಟೆಸ್ಟ್-ಟ್ಯೂಬ್ನಲ್ಲಿ 5-10 ಮಿಗ್ರಾಂ ಹಾಲನ್ನು ತೆಗೆದುಕೊಳ್ಳಿ ಮತ್ತು ಶೇಕ್ ಮಾಡಿ.
ಕೊಂಚ ಸಮಯದವರೆಗೆ ಇದನ್ನು ಮುಂದುವರೆಸಿ. ಬಳಿಕ ಫೋಮ್ ರೂಪುಗೊಂಡು ದೀರ್ಘಕಾಲದವರೆಗೆ ಉಳಿದಿದ್ದರೆ, ಅದರಲ್ಲಿ ಡಿಟರ್ಜೆಂಟ್ ಕಂಡುಬಂದಿದೆ ಎಂದು ಅರ್ಥ. ಯಾವುದಕ್ಕೂ ನಕಲಿ ಹಾಲು ಸೇವನೆ ಮಾಡಿ ಅರೋಗ್ಯ ಹಾಲು ಮಾಡುವ ಮುನ್ನ ಎಚ್ಚರಿಕೆಯಿಂದಿರಿ.