Narendra Modi Unified Pension Scheme: ಕೇಂದ್ರ ಸರ್ಕಾರವು 2024 ಆಗಸ್ಟ್ 24 ರಂದು ಯೂನಿಫೈಡ್ ಪೆನ್ಷನ್ ಸ್ಕೀಮ್ (ಯುಪಿಎಸ್) ಅನ್ನು ಪರಿಚಯಿಸಿತು. ಯುಪಿಎಸ್ ಯೋಜನೆಯನ್ನು 2025 ರ ಏಪ್ರಿಲ್ 1 ರಿಂದ ಜಾರಿಗೆ ತರಲಾಗುತ್ತಿದೆ. ಇದರಿಂದ 23 ಲಕ್ಷ ಕೇಂದ್ರ ಸರ್ಕಾರಿ ನೌಕರರಿಗೆ ಅನುಕೂಲವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.
ಪ್ರಧಾನಿ ನರೇಂದ್ರ ಮೋದಿ ಸರ್ಕಾರವು ಪರಿಚಯಿಸಿದ ಏಕೀಕೃತ ಪಿಂಚಣಿ ಯೋಜನೆ (ಯೂಪಿಎಸ್-ಯೂನಿಫೈಡ್ ಪೆನ್ಷನ್ ಸ್ಕೀಮ್) ಕೇಂದ್ರ-ರಾಜ್ಯ ಸರ್ಕಾರಗಳ ಆರ್ಥಿಕ ಆರೋಗ್ಯವನ್ನು ಕಾಪಾಡುವುದರ ಜೊತೆಗೆ ಸರ್ಕಾರಿ ನೌಕರರ ಆರ್ಥಿಕ ಭವಿಷ್ಯವನ್ನು ಸುರಕ್ಷಿತಗೊಳಿಸುವಲ್ಲಿ ಒಂದು ಮಹತ್ವದ ಮೈಲಿಗಲ್ಲು ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಈ ಬದಲಾವಣೆ ಪಿಂಚಣಿದಾರರಿಗೆ ವಿಶ್ವಾಸಾರ್ಹ ಭದ್ರತೆಯನ್ನು ಒದಗಿಸುತ್ತದೆ..ಅದಕ್ಕಾಗಿಯೇ ಮೋದಿ ಸರ್ಕಾರವು ಇದನ್ನು ಸ್ಥಿರವಾಗಿ ಸಮರ್ಥಿಸಿಕೊಂಡಿದೆ.
ನಿವೃತ್ತರಾದವರು ಕಳೆದ 12 ತಿಂಗಳ ಸೇವೆಯಿಂದ ಅವರ ಸರಾಸರಿ ಡ್ರಾ ಮೂಲ ವೇತನದಲ್ಲಿ 50% ಪಿಂಚಣಿಯಾಗಿ ಪಡೆಯುವಂತೆ ಯುಪಿಎಸ್ ಪ್ರಯೋಜನಗಳನ್ನು ಒದಗಿಸುತ್ತದೆ. ಇದು ನಿಶ್ಚಿತತೆ, ಸ್ಥಿರತೆಯನ್ನು ಒದಗಿಸುತ್ತದೆ ಎಂದು ಹೇಳಬಹುದು. ಈ ಭರವಸೆಯು ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿಯವರು ಸ್ಥಾಪಿಸಿದ ಪಿಂಚಣಿ ಸುಧಾರಣೆಯ ಪ್ರಮುಖ ತತ್ವಗಳಿಗೆ ಧಕ್ಕೆಯಾಗದಂತೆ ಒದಗಿಸುತ್ತಿದೆ. ಅಂದರೆ, ಪಿಂಚಣಿಗಳ ಸಹಯೋಗ, ನಿಧಿಯ ಸ್ವರೂಪವನ್ನು ಸ್ಪಷ್ಟವಾಗಿ ಹೇಳಬಹುದು. ನೌಕರರು, ಸರ್ಕಾರ ಇಬ್ಬರೂ ಪಿಂಚಣಿ ನಿಧಿಗೆ ಸಹಕರಿಸಬೇಕೆಂದು ಕೋರುವುದರ ಮೂಲಕ, ಯುಪಿಎಸ್ ನೌಕರರ ಹಿತಾಸಕ್ತಿಗಳನ್ನು ಆರ್ಥಿಕ ಹೊಣೆಗಾರಿಕೆಯೊಂದಿಗೆ ಸಮತೋಲನಗೊಳಿಸುವ ಸ್ಥಿರ ಮಾದರಿಯನ್ನು ಸೃಷ್ಟಿಸುತ್ತದೆ.
ಅದಕ್ಕಾಗಿಯೇ ಕೇಂದ್ರ ಸರ್ಕಾರವು 2024 ಆಗಸ್ಟ್ 24 ರಂದು ಯೂನಿಫೈಡ್ ಪೆನ್ಷನ್ ಸ್ಕೀಮ್ (ಯುಪಿಎಸ್) ಅನ್ನು ಪರಿಚಯಿಸಿತು. ಯುಪಿಎಸ್ ಯೋಜನೆಯನ್ನು 2025 ರ ಏಪ್ರಿಲ್ 1 ರಿಂದ ಜಾರಿಗೆ ತರಲಾಗುತ್ತಿದೆ. ಇದರಿಂದ 23 ಲಕ್ಷ ಕೇಂದ್ರ ಸರ್ಕಾರಿ ನೌಕರರಿಗೆ ಅನುಕೂಲವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ. ಯುಪಿಎಸ್ ಹಳೆಯ ಪಿಂಚಣಿ ಯೋಜನೆ (OPS) ಗೆ ಸಂಪೂರ್ಣವಾಗಿ ವಿರುದ್ಧವಾಗಿದೆ. ಓಪಿಎಸ್ ರಾಜ್ಯ ಸರ್ಕಾರಗಳ ಮೇಲೆ ಅಸಹನೀಯ ಆರ್ಥಿಕ ಹೊಣೆಗಾರಿಕೆಯನ್ನು ಹೊರಿಸಿದೆ. ರಾಜಸ್ಥಾನ, ಛತ್ತೀಸ್‌ಗಢ, ಜಾರ್ಖಂಡ್, ಪಂಜಾಬ್, ಹಿಮಾಚಲ ಪ್ರದೇಶದಂತಹ ಎನ್‌ಡಿಎಯೇತರ ನೇತೃತ್ವದ ರಾಜ್ಯಗಳು ಮತ್ತೆ ಓಪಿಎಸ್‌ಗೆ ಮರಳಿವೆ.
ಈ ಕ್ರಮವನ್ನು ಆರ್ಥಿಕವಾಗಿ ಬೇಜವಾಬ್ದಾರಿ ಎಂದು ಟೀಕಿಸಲಾಗಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಅಂತಹ ನಿರ್ಧಾರಗಳ ಭೀಕರ ಪರಿಣಾಮಗಳನ್ನು ಎತ್ತಿ ತೋರಿಸಿದೆ. ಓಪಿಎಸ್‌ಗೆ ಮರಳುವುದರಿಂದ ಆರ್ಥಿಕ ವೆಚ್ಚವು ಅಗಾಧವಾಗಿರುತ್ತದೆ ಮತ್ತು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (NPS) ಗೆ ಹೋಲಿಸಿದರೆ ಪಿಂಚಣಿ ಹೊಣೆಗಾರಿಕೆಗಳು ನಾಲ್ಕು ಪಟ್ಟು ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ಅದು ಹೇಳಿದೆ. ಪ್ರಮುಖ ಬಂಡವಾಳ ಹೂಡಿಕೆಗಳಿಗೆ ಅಗತ್ಯವಾದ ಆರ್ಥಿಕ ಸ್ಥಳವನ್ನು ರಾಜ್ಯ-ಕೇಂದ್ರ ಸರ್ಕಾರಗಳು ನಿರ್ವಹಿಸುವಂತೆ ನೋಡಿಕೊಳ್ಳುವುದರ ಜೊತೆಗೆ, ಸರ್ಕಾರಿ ನೌಕರರ ಅಳಲುಗಳನ್ನು ಪರಿಹರಿಸುವ ವಿವೇಕಯುತ ಪರ್ಯಾಯವನ್ನು ಮೋದಿ ಸರ್ಕಾರದ ಯುಪಿಎಸ್ ಒದಗಿಸುತ್ತದೆ ಎಂದು ಹಲವಾರು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಮೂಲ ವೇತನದಲ್ಲಿ ಸರ್ಕಾರದ ಕೊಡುಗೆಯನ್ನು 18.5% ಕ್ಕೆ ಹೆಚ್ಚಿಸುವ ಮೂಲಕ, ನೌಕರರ ಕೊಡುಗೆಯನ್ನು 10% ರಷ್ಟು ಮುಂದುವರಿಸುವ ಮೂಲಕ ಯುಪಿಎಸ್ ಖಾತರಿಪಡಿಸಿದ ಪಿಂಚಣಿ ಮತ್ತು ಪಿಂಚಣಿ ನಿಧಿಯು ಗಳಿಸುವ ಮೊತ್ತದ ನಡುವಿನ ಅಂತರವನ್ನು ತುಂಬುತ್ತದೆ, ಇದರಿಂದಾಗಿ ನಿವೃತ್ತರ ಭವಿಷ್ಯವನ್ನು ಆರ್ಥಿಕವಾಗಿ ಸುರಕ್ಷಿತಗೊಳಿಸುತ್ತದೆ. ಅಷ್ಟೇ ಅಲ್ಲದೆ, ಯುಪಿಎಸ್ ರಾಜ್ಯಗಳು ಸ್ಥಿರವಾದ ಪಿಂಚಣಿ ಮಾದರಿಯನ್ನು ಅನುಸರಿಸಲು ಪ್ರೋತ್ಸಾಹಿಸುವ ಮೂಲಕ ಸಹಕಾರವಾದವನ್ನು ಉತ್ತೇಜಿಸುತ್ತದೆ. ಯುಪಿಎಸ್ಅನ್ನು ಅಳವಡಿಸಿಕೊಳ್ಳುವ ರಾಜ್ಯಗಳು ತಮ್ಮ ಆರ್ಥಿಕ ಸ್ಥಿರತೆಗೆ ಧಕ್ಕೆಯಾಗದಂತೆ ಮೂಲಸೌಕರ್ಯ, ಸಾಮಾಜಿಕ ಕಲ್ಯಾಣ ಕಾರ್ಯಕ್ರಮಗಳಲ್ಲಿ ಹೂಡಿಕೆ ಮಾಡುವುದನ್ನು ಮುಂದುವರಿಸಬಹುದು.
ಪಾರದರ್ಶಕತೆ, ಆರ್ಥಿಕ ಪರಿಸ್ಥಿತಿಗಳ ಮೇಲೆ ಮೋದಿ ಆಡಳಿತದ ಗಮನ, ಬಜೆಟ್‌ನಲ್ಲಿಲ್ಲದ ಸಾಲಗಳನ್ನು ತಡೆಗಟ್ಟಲು ಕ್ರಮಗಳು, ಸಹಕಾರದ ಅಡಿಪಾಯವನ್ನು ಮತ್ತಷ್ಟು ಬಲಪಡಿಸುತ್ತದೆ. ಅಂದರೆ ಯುಪಿಎಸ್ ಸಾಮಾಜಿಕ ಭದ್ರತೆಯೊಂದಿಗೆ ಆರ್ಥಿಕ ಬೆಳವಣಿಗೆಯನ್ನು ಸಮತೋಲನಗೊಳಿಸುವ ಮೋದಿ ಸರ್ಕಾರದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಇದು ಕೇವಲ ಪಿಂಚಣಿ ಸುಧಾರಣೆಯಲ್ಲ..ಭಾರತದ ರಾಜ್ಯಗಳು ಮತ್ತು ಅದರ ಜನರು ಸಮೃದ್ಧ ಭವಿಷ್ಯಕ್ಕಾಗಿ ಅಗತ್ಯವಾದ ಆರ್ಥಿಕ ಸಂಪನ್ಮೂಲಗಳನ್ನು ಹೊಂದಿರುವಂತೆ ನೋಡಿಕೊಳ್ಳುವ ಒಂದು ವಿಶಾಲ ಕಾರ್ಯತಂತ್ರ. ದೇಶವು ಅಭಿವೃದ್ಧಿ ಹೊಂದುತ್ತಿರುವಾಗ, ಈ ಸಮತೋಲನವನ್ನು ಕಾಪಾಡಿಕೊಳ್ಳುವಲ್ಲಿ ಯುಪಿಎಸ್ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಹಲವಾರು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ದೇಶದ ಆರ್ಥಿಕ ಆರೋಗ್ಯಕ್ಕೆ ಭರವಸೆ ನೀಡುವುದರ ಜೊತೆಗೆ ಲಕ್ಷಾಂತರ ಸರ್ಕಾರಿ ನೌಕರರ ಆರ್ಥಿಕ ಭವಿಷ್ಯವನ್ನು ಸುರಕ್ಷಿತಗೊಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಅಭಿಪ್ರಾಯಪಡುತ್ತಿದ್ದಾರೆ.