ಈ ಪಂಚಗ್ರಹ ಯೋಗ ನಿಮಗಿದ್ಯಾ? ನಿಮ್ಮ ಜಾತಕ ನೀವೇ ನೋಡ್ಕಳಿ...

By Suvarna NewsFirst Published Feb 22, 2020, 4:17 PM IST
Highlights

ಶನಿ ಕಾಟ ಕೊಡ್ತಾನೆ ಅಂತ ಮಂದಿಗೆ ತುಸು ಭಯ ಹೆಚ್ಚು. ಗುರು ಬಲ ಬರಲೆಂದು ಎಲ್ಲರೂ ಕಾಯುತ್ತಾರೆ. ಆದರೆ, ಜಾತಕದಲ್ಲಿ ಎಲ್ಲ ಗ್ರಹಗಳಿಗೂ ತಮ್ಮದೇ ಆದ ಮಹತ್ವವಿದೆ. ಅದರಲ್ಲಿಯೂ ಐದು ಗ್ರಹಗಳು ಒಂದಾಗುತ್ತವೆ. ರಾಹು, ಕೇತುಗಳು ಹೊರತು ಪಡಿಸಿ, ಉಳಿದ ಗ್ರಹಗಳು ಒಂದಾದರೆ ಯೋಗಾ ಯೋಗ ಹೇಗಿರುತ್ತದೆ?

ರಾಹು ಕೇತುಗಳನ್ನು ಬಿಟ್ಟು ಉಳಿದೈದು ಗ್ರಹಗಳು ಒಂದೇ ರಾಶಿಯಲ್ಲಿ ಒಟ್ಟಾದರೆ, ಅದು ಪಂಚಗ್ರಹ ಯೋಗವಾಗುತ್ತದೆ. ಅಂಥ ಯೋಗ ಇರೋರ ಯೋಗಾಯೋಗ ಹೇಗಿರುತ್ತದೆ?

- ರವಿ, ಚಂದ್ರ, ಬುಧ, ಶುಕ್ರ, ಶನಿ ಗ್ರಹಗಳು ಒಂದೇ ರಾಶಿಯಲ್ಲಿದ್ದರೆ, ಜನಿಸಿದವರು ಉತ್ತಮ ಶರೀರ ಉಳ್ಳವರೂ, ದೇಹದ ಮೇಲೆ ಬಹಳ ರೋಮ ಉಳ್ಳವರೂ ಆಗಿರುತ್ತಾರೆ. ಇವರಿಗೆ ಹಣಕಾಸಿನ ತೊಂದರೆ, ಮಕ್ಕಳ ತೊಂದರೆಗಳು ಬರುತ್ತದೆ. ಇವರು ಜೀವನದಲ್ಲಿ ಜಿಗುಪ್ಸೆ ಹೊಂದಿರುತ್ತಾರೆ. 
- ಪಂಚಗ್ರಹ ಯೋಗವಿದ್ದರೆ ಇತರರಿಗೆ ತೊಂದರೆ ಕೊಡುವುದೇ ಇವರ ಜೀವನವಾಗುತ್ತದೆ. ಇಂಥ ಜಾತಕದವರು ಮಾನ, ಮರ್ಯಾದೆ ಇಲ್ಲದವರೂ, ಧರ್ಮ, ಆಚಾರ – ವಿಚಾರಗಳನ್ನು ನಂಬದಂಥವರೂ ಆಗಿರುತ್ತಾರೆ- ಇಂಥವರು ಚಪಲ ಚಿತ್ತರೂ, ಜಗಳ ಗಂಟರೂ, ಕಂಪ್ಯೂಟರ್, ಎಲೆಕ್ಟ್ರಾನಿಕ್ಸ್ ಕ್ಷೇತ್ರಗಳಲ್ಲಿ ಬುದ್ಧೀವಂತರೂ ಆಗಿರುತ್ತಾರೆ.
- ರವಿ, ಕುಜ, ಬುಧ, ಶನಿ ಒಂದೇ ರಾಶಿಯಲ್ಲಿದ್ದರೆ, ಬೇರೆಯವರಿಂದ ತೊಂದರೆ ಬರುತ್ತದೆ. ಈ ಜಾತಕದವರು ತಿಂಡಿ, ತಿನಿಸುಗಳನ್ನು ಬಯಸುವವರೂ, ಶತ್ರುಗಳಿಂದ ತೊಂದರೆಯನ್ನು ಅನುಭವಿಸುವಂಥವರೂ, ರೋಗದಿಂದ ಕೂಡಿದವರೂ, ಕೆಲಸ ಕಳೆದುಕೊಳ್ಳುವವರೂ ಆಗುತ್ತಾರೆ.

ವಿಚಿತ್ರ ಎನಿಸಿದರೂ ನಿಮ್ಮ ಜಾತಕಗಳ ಇನ್ನೊಂದು ಮುಖ

- ರವಿ, ಚಂದ್ರ, ಬುಧ, ಗುರು, ಶುಕ್ರರು ಇರುವಾಗ ಜನಿಸಿದವರು ಸಮಾಜದಲ್ಲಿ ಬಹಳ ಪ್ರಖ್ಯಾತಿಯನ್ನು ಹೊಂದುತ್ತಾರೆ, ಮಂತ್ರಿಯಾಗುತ್ತಾರೆ, ನ್ಯಾಯವಾದಿ, ನ್ಯಾಯಾಧೀಶರೂ ಆಗುತ್ತಾರೆ, ಬಹಳ ಹಣವಂತರೂ ಆಗುತ್ತಾರೆ.
- ರವಿ, ಚಂದ್ರ, ಕುಜ, ಗುರು, ಶನಿ ಇದ್ದರೆ, ಪರರಿಗೆ ಹಿಂಸೆ ಕೊಡುವವರೂ ಕಳ್ಳತನ ಮಾಡುವವರೂ ಆಗಿರುತ್ತಾರೆ. 
- ರವಿ, ಚಂದ್ರ, ಕುಜ, ಬುಧ, ಶುಕ್ರ ಒಂದೇ ರಾಶಿಯಲ್ಲಿರುವವರು ಜೀವನದಲ್ಲಿ ಬಹಳ ದುಃಖಿಗಳಾಗುತ್ತಾರೆ. ಹೆಂಡತಿಯನ್ನು ಕಳೆದುಕೊಳ್ಳುತ್ತಾರೆ. ಇವರು ನೇರ, ನಡೆ ನುಡಿ ಇಲ್ಲದವರಾಗಿರುತ್ತಾರೆ.
- ರವಿ, ಕುಜ, ಬುಧ, ಗುರು, ಶನಿಗಳು ಒಂದೇ ರಾಶಿಯಲ್ಲಿ ಜನಿಸಿದಂಥವರು ಇನ್ನೊಬ್ಬರಲ್ಲಿ ಬೇಡುವವರೂ, ಕೊಳಕಿನಿಂದ ಕೂಡಿದವರೂ, ಶುಚಿತ್ವಕ್ಕೆ ಗಮನ ಕೊಡದವರೂ, ರೋಗಿಯೂ, ಕೃಶಾಂಗರೂ ಆಗಿರುತ್ತಾರೆ. 
- ಚಂದ್ರ, ಬುಧ, ಗುರು, ಶುಕ್ರ, ಶನಿಗಳು ಒಂದೇ ರಾಶಿಯಲ್ಲಿರುವಾಗ ಜನಿಸಿದವರು ಧರ್ಮ ಪರಿಪಾಲಿಸುತ್ತಾರೆ. ಅನುಕಂಪ ಇರುವವರೂ, ಗುರುಹಿರಿಯರಿಗೆ ವಿಧೇಯರೂ ಆಗಿರುತ್ತಾರೆ.
- ಚಂದ್ರ, ಕುಜ, ಬುಧ, ಶುಕ್ರ, ಶನಿಗಳು ಒಂದೇ ರಾಶಿಯಲ್ಲಿದ್ದು ಜನಿಸಿದವರು ಮಾಡಿದ ಅಡುಗೆ ಬಹಳ ರುಚಿ ಇರುತ್ತದೆ. ಇಂಥವರು ಕ್ರಯ ವಿಕ್ರಯಗಳಲ್ಲಿ ಜಾಣರೂ, ಕಲಹ ಪ್ರಿಯರೂ ಆಗುತ್ತಾರೆ.
- ರವಿ, ಕುಜ, ಗುರು, ಶನಿ ಗ್ರಹಗಳು  ಒಟ್ಟಿಗಿದ್ದರೆ ಜ್ಯೋತಿಷ್ಯವನ್ನು ತಿಳಿದಿರುತ್ತಾರೆ. ಗಣಕ ಯಂತ್ರ, ಎಲೆಕ್ಟ್ರಾನಿಕ್ ಯಂತ್ರದಲ್ಲಿ ಜಾಣರೂ ಆಗಿರುತ್ತಾರೆ. ಸಮಾಜದಲ್ಲಿ ಪ್ರಸಿದ್ಧರೂ ಆಗುತ್ತಾರೆ.
- ಕುಜ, ಬುಧ, ಗುರು, ಶುಕ್ರ, ಶನಿಗಳು ಒಂದೇ ರಾಶಿಯಲ್ಲಿರುವಾಗ ಜನಿಸಿದವರು ಜಾಸ್ತಿ ನಿದ್ರಿಸುತ್ತಾರೆ. ದುಃಖ ಎಂಬುದೇ ಇಲ್ಲದಂಥವರೂ, ದರಿದ್ರರೂ, ಉನ್ಮಾದವುಳ್ಳವರೂ ಆಗುತ್ತಾರೆ.
- ರವಿ, ಕುಜ, ಬುಧ, ಗುರು, ಶುಕ್ರರು ಒಂದೇ ಮನೆಯಲ್ಲಿದ್ದರೆ ತಂದೆ, ತಾಯಿಯನ್ನು ಕಳೆದುಕೊಳ್ಳುತ್ತಾರೆ. ಬಹಳ ದುಃಖದಿಂದ ಇರುವವರೂ, ಕಲಾ ಪ್ರಿಯರಾಗಿರುತ್ತಾರೆ. 

ನೀವು ಹುಟ್ಟಿದ ವಾರಕ್ಕೂ, ನಿಮ್ಮ ಬದುಕಿಗೂ ಸಂಬಂಧ ಇದ್ಯಾ?

- ರವಿ, ಚಂದ್ರ, ಗುರು, ಶುಕ್ರ, ಶನಿಗಳು ಒಂದೇ ರಾಶಿಯಲ್ಲಿರುವಾಗ ಜನಿಸಿದರೆ ಅವರು ವಾಗ್ಮಿಗಳೂ, ನೀರಿನಲ್ಲಿ ಆಡುವವರೂ, ಚಪಲ ಚಿತ್ತರೂ, ಸ್ತ್ರೀಯರನ್ನು ಮರುಳು ಮಾಡುವವರೂ, ಶತ್ರುಗಳ ಭಯ ಉಳ್ಳವರಾಗಿರುತ್ತಾರೆ. 
- ಚಂದ್ರ, ಕುಜ, ಬುಧ, ಗುರು, ಶುಕ್ರರು ಒಂದೇ ರಾಶಿಯಲ್ಲಿರುವಾಗ ಜನಿಸಿದವರು ಪುತ್ರ ಸಂತತಿ ಇಲ್ಲದವರೂ, ದುಃಖಿಗಳೂ, ಅಲ್ಪಾಯುಗಳೂ, ಅಂಗಹೀನರೂ ಆಗುತ್ತಾರೆ.
- ರವಿ, ಚಂದ್ರ, ಬುಧ, ಗುರು, ಶನಿ ಒಂದೇ ರಾಶಿಯಲ್ಲಿದ್ದಾಗ ಜನಿಸಿದವರು ಸ್ತಿçÃಯರಿಂದ ತೊಂದರೆಗೆ ಒಳಗಾಗುವವರೂ, ಕೋಪಿಷ್ಠರೂ, ಉನ್ಮತ್ತರೂ ಆಗುತ್ತಾರೆ.

click me!
Last Updated Feb 22, 2020, 4:17 PM IST
click me!