* ಐಪಿಎಲ್ನಲ್ಲಿ ಹೊಸ ಸಂಚಲನ ಮೂಡಿಸಿದ ಉಮ್ರಾನ್ ಮಲಿಕ್
* 150+ ಕಿ.ಮೀ ವೇಗದಲ್ಲಿ ಬೌಲಿಂಗ್ ದಾಳಿ ನಡೆಸಿ ಮಿಂಚುತ್ತಿರುವ ಜಮ್ಮು-ಕಾಶ್ಮೀರ ವೇಗಿ
* ಟೀಂ ಇಂಡಿಯಾಗೆ ಪಾದಾರ್ಪಣೆ ಮಾಡಲು ತುದಿಗಾಲಿನಲ್ಲಿ ನಿಂತ ವೇಗಿ
ಬೆಂಗಳೂರು(ಏ.29): IPL ಒಂದು ಕಂಪ್ಲೀಟ್ ಮನರಂಜನೆಯ ಟೂರ್ನಿ. ಇಲ್ಲಿ ರಣರೋಚಕ ಹೋರಾಟ, ಪ್ಲೇಯರ್ಸ್ ಗುದ್ದಾಟ, ಪ್ರೇಕ್ಷಕರ ಚೀರಾಟ, ಬ್ಯಾಟರ್ ಸಿಡಿಸೋ ಮನಮೋಹಕ ಸಿಕ್ಸರ್-ಬೌಂಡ್ರಿಗಳ ಮೊರೆತ ಎಲ್ಲವೂ ನೋಡಲು ಕಾಣ ಸಿಗುತ್ತೆ. ಇದಕ್ಕೆ ಈ ಈ ಸಲ ಮತ್ತೊಂದು ಎಲಿಮೆಂಟ್ ಆ್ಯಡ್ ಆಗಿದೆ. ಅದೇನಂದ್ರೆ ಶರವೇಗಿಗಳ ಬೆಂಕಿಯುಂಡೆಯಂತ ದಾಳಿ ನೋಡುಗರಿಗೆ ಸಖತ್ ಮಜಾ ಕೊಡ್ತಿದೆ.
ಹೌದು, ಐಪಿಎಲ್ ಅನ್ನೋ ಬ್ಯಾಟರ್ಗಳ ಸ್ವರ್ಗದ ಕೂಟದಲ್ಲಿ ಆ್ಯಂಗ್ರಿ ಬೌಲರ್ ಓರ್ವ ಧೂಳೆಬ್ಬಿಸಿದ್ದಾನೆ. ಈತನ ಒಂದೊಂದು ಎಸೆತವೂ ಭಯಾನಕ. ಕಣ್ಣು ಮುಚ್ಚಿ ಕಣ್ಣು ತೆಗೆಯುವಷ್ಟರಲ್ಲಿ ಬೆಂಕಿ ದಾಳಿ ಮೂಲಕ ಎದುರಾಳಿಯ ಹುಟ್ಟಡಗಿಸ್ತಿದ್ದಾನೆ. ಈಗ ಬಂದ ಯಂಗ್ ಕ್ರಿಕೆಟರ್ಸ್ನಿಂದ ಹಿಡಿದು ಲೆಜೆಂಡ್ ಅನ್ನಿಸಿಕೊಂಡ ಪ್ಲೇಯರ್ಸ್ ಎಲ್ಲಾ ಈತನ ಡೆಡ್ಲಿ ದಾಳಿಯ ಬಲೆಗೆ ಬೀಳ್ತಿದ್ದಾರೆ. ಉಸಿರಾಡಲು ಚಾನ್ಸೇ ಕೊಡ್ತಿಲ್ಲ. ಒಂದೇ ಮಾತಲ್ಲಿ ಹೇಳಬೇಕಂದ್ರೆ ವಿಧ್ವಂಸಕ ಬೌಲರ್. ಅಂದಹಾಗೇ ಆ ಮೋಸ್ಟ್ ಟೆರರ್ ಬೌಲರ್ ಬೌಲರ್ ಮತ್ಯಾರು ಅಲ್ಲ, ಆತನೇ ಜಮ್ಮು ಎಕ್ಸ್ಪ್ರೆಸ್ ಉಮ್ರಾನ್ ಮಲಿಕ್ (Umran Malik).
153 ಕಿ.ಮೀ ಶರವೇಗದಲ್ಲಿ ಬೌಲಿಂಗ್, ಎಲ್ಲರೂ ನಿಬ್ಬೆರಗು:
ಉಮ್ರಾನ್ ಮಲಿಕ್ ಅಲ್ಲ, ಉಮ್ರಾನ್ ಪೇಸ್ ಕಾ ಮಾಲೀಕ್. ಪ್ರಸಕ್ತ ಐಪಿಎಲ್ನಲ್ಲಿ ಈ ಜಮ್ಮು ಎಕ್ಸ್ಪ್ರೆಸ್ ಹಲ್ಚಲ್ ಎಬ್ಬಿಸಿದ್ದಾನೆ. ಈತನ ಶರವೇಗದ ದಾಳಿಗೆ ಐಪಿಎಲ್ ಲೋಕವೇ ನಿಬ್ಬೆರಗಾಗಿದೆ. 150 ಪ್ಲಸ್ ಕಿ.ಮೀ ನಲ್ಲಿ ಬೆಂಕಿ ದಾಳಿ ನಡೆಸಿ ಸೆನ್ಷೆಷನಲ್ ಸ್ಟಾರ್ ಆಗಿ ಹೊರಹೊಮ್ಮಿದ್ದಾರೆ. ಈವರೆಗೆ ಆಡಿದ್ದು 8 ಪಂದ್ಯ. 15 ವಿಕೆಟ್ ಪಡೆದು 2ನೇ ಗರಿಷ್ಠ ವಿಕೆಟ್ ಟೇಕರ್ ಅನ್ನಿಸಿಕೊಂಡಿದ್ದಾರೆ. 22ರ ಮಲಿಕ್ ಲೈನ್ ಆ್ಯಂಡ್ ಲೆಂಥ್ ಮತ್ತು ಅಕ್ಯೂರೆಸಿ ಅದ್ಭುತವಾಗಿದೆ. ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸ್ತಿರೋ ಹೈದ್ರಾಬಾದ್ ತಂಡದ ವೇಗಿ 150 ಪ್ಲಸ್ ಕಿ.ಮೀ ನಲ್ಲಿ ದಾಳಿ ನಡೆಸ್ತಿದ್ದಾರೆ. ಗುಜರಾತ್ ವಿರುದ್ಧ ಬೆಂಕಿ ಉಗುಳಿದ ಉಮ್ರಾನ್ ಮಲಿಕ್ 25 ರನ್ಗೆ 5 ವಿಕೆಟ್ ಕಬಳಿಸಿ ಗಮನಸೆಳೆದಿದ್ರು. ಆ ಐದು ವಿಕೆಟ್ ಪೈಕಿ ನಾಲ್ವರನ್ನ ಬೌಲ್ಡ್ ಮಾಡಿ ನಿಬ್ಬೆರಗಾಗಿಸಿದ್ರು. ಅದ್ರಲ್ಲೂ ವೃದ್ಧಿಮಾನ್ ಸಾಹರನ್ನ ದಾಖಲೆಯ 153 ಕಿ.ಮೀ ವೇಗದಲ್ಲಿ ಬೌಲ್ಡ್ ಮಾಡಿದ್ರು.
Wimbledon ಟೆನಿಸ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲು ಜೋಕೋವಿಚ್‌ಗೆ ಅನುಮತಿ
ಗುರು ಡೇಲ್ ಸ್ಟೇನ್ ಸೆಲಬ್ರೇಶನ್ ಕಾಪಿ ಮಾಡಿದ ಮಲಿಕ್:
ಉಮ್ರಾನ್ ಮಲಿಕ್ ಇಂತಹ ಘಾತಕ ದಾಳಿಯ ಹಿಂದೆ ಡೇಲ್ ಸ್ಟೇನ್ (Dale Steyn) ಅನ್ನೋ ಮಾಸ್ಟರ್ ಮೈಂಡ್ ಕೆಲಸ ಮಾಡ್ತಿದೆ ಅನ್ನೋದು ಎಲ್ಲರಿಗೂ ಗೊತ್ತಿದೆ. ಹೈದ್ರಾಬಾದ್ ಬೌಲಿಂಗ್ ಕೋಚ್ ಆಗಿರೋ ಡೇಲ್ ಸ್ಟೇನ್, ಮಲಿಕ್ಗೆ ಪಾಠ ಹೇಳಿಕೊಡ್ತಿದ್ದಾರೆ.ಸಾಲಿಡ್ ಪರ್ಫಾಮೆನ್ಸ್ ಹೊರತಾಗಿ ಮಲಿಕ್ ವಿಕೆಟ್ ಪಡೆದಾಗಲೆಲ್ಲಾ ಗುರು ಸ್ಟೇನ್‌ರ ಸಿಗ್ನೆಚರ್ ಸೆಲಬ್ರೇಶನ್ ಅನ್ನ ಕಾಪಿ ಮಾಡಿ ಗಮನ ಸೆಳೆಯುತ್ತಿದ್ದಾರೆ.
ಶರವೇಗದ ದಾಳಿಗಾರ ಶೀಘ್ರವೇ ಟೀಂ ಇಂಡಿಯಾಗೆ ಡೆಬ್ಯು:
ಸ್ಥಿರ ಫಾರ್ಮ್ ಮತ್ತು ಡೆಡ್ಲಿ ದಾಳಿ ಮೂಲಕ ಸುದ್ದಿಯಲ್ಲಿರೋ ಉಮ್ರಾನ್ ಮಲಿಕ್ ಶೀಘ್ರದಲ್ಲೇ ಟೀಂ ಇಂಡಿಯಾಗೆ (Team India) ಎಂಟ್ರಿ ಕೊಟ್ರು ಅಚ್ಚರಿಯಿಲ್ಲ. ಮಲಿಕ್ ಐಪಿಎಲ್ ಪರ್ಫಾಮೆನ್ಸ್ ಬಗ್ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಯಂಗ್ ಬೌಲರ್ಗೆ ಭಾರತ ತಂಡದಲ್ಲಿ ಸ್ಥಾನ ನೀಡಬೇಕು ಅನ್ನೂ ಕೂಗು ಕೇಳಿ ಬರ್ತಿದೆ. ಹೀಗಾಗಿ ಮುಂಬರೋ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಗೆ ಮಲಿಕ್ ಸೆಲೆಕ್ಟ್ ಆಗುವ ಸಾಧ್ಯತೆ ದಟ್ಟವಾಗಿದೆ. ಇದಕ್ಕೆ ಬಿಸಿಸಿಐ ಸೆಲೆಕ್ಟರ್ಸ್ ಕರುಣೆ ತೋರಬೇಕಷ್ಟೆ.