ರೆಬೆಲ್ ಸ್ಟಾರ್ ಅಂಬರೀಷ್ 6ನೇ ಪುಣ್ಯಸ್ಮರಣೆ. ರಕ್ತಚರಿತ್ರ-2 ಸಿನಿಮಾ ನಟನಿಗೆ ಹೀನಾಯ ಸೋಲು. 55 ಲಕ್ಷ ಫಾಲೋವರ್ಸ್ ಬಂದಿದ್ದು 155 ವೋಟು..!
ಅಂಬಿ ಪುಣ್ಯಸ್ಮರಣೆ:
ಕರುನಾಡ ಕರ್ಣ, ರೆಬೆಲ್ ಸ್ಟಾರ್ ಅಂಬರೀಷ್ ನಮ್ಮನ್ನಗಲಿ ಇಂದಿಗೆ 6 ವರ್ಷ. ಈ ಸಾರಿಯ ವಿಶೇಷ ಅಂದ್ರೆ ಅಂಬಿ ಮನೆಗೆ ಹೊಸ ಅತಿಥಿ ಬಂದಿದ್ದಾನೆ. ಅಭಿಷೇಕ್ -ಅವೀವಾ ದಂಪತಿಗೆ ಕಳೆದ 12ನೇ ತಾರೀಖು ಗಂಡು ಮಗು ಜನಿಸಿದ್ದು, ಅಂಬಿ ಮನೆಯಲ್ಲಿ ಸಂಭ್ರಮ ಮನೆಮಾಡಿದೆ. ಇವತ್ತು ಅಂಬರೀಷ್ ಸಮಾಧಿಗೆ ಕುಟುಂಬಸ್ಥರು ಪೂಜೆ ಸಲ್ಲಿಸಿದ್ದು ಅಂಬಿಗೆ ನಮನ ಸಲ್ಲಿಸಿದ್ದಾರೆ.
undefined
ಏಜಾಜ್ ಖಾನ್ ಸೋಲು:
ಮಹಾರಾಷ್ಟ್ರದಲ್ಲಿ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಹಲವು ನಟ-ನಟಿಯರು ಕೂಡ ಕಣದಲ್ಲಿದ್ದರು. ರಕ್ತಚರಿತ್ರ-2 ಸಿನಿಮಾದಲ್ಲಿ ನಟಿಸಿದ್ದ ಏಜಾಜ್ ಖಾನ್ ಈ ಬಾರಿ ಮುಂಬೈನ ಪ್ರತಿಷ್ಠಿತ ಕ್ಷೇತ್ರವಾಗಿದ್ದ ವರ್ಸೋವಾದಿಂದ ಕಣಕ್ಕೆ ಇಳಿದಿದ್ದರು. ಅಜಾದ್ ಸಮಾಜ್ ಪಾರ್ಟಿಯಿಂದ ಸ್ಪರ್ಧಿಸಿದ್ದ ಏಜಾಜ್ ಖಾನ್ ಹೀನಾಯ ಸೋಲು ಕಂಡಿದ್ದಾರೆ. ಅಚ್ಚರಿ ಅಂದ್ರೆ 55 ಲಕ್ಷ ಇನ್ಸ್ಟಾಗ್ರಾಮ್ ಫಾಲೋವರ್ ಹೊಂದಿರೋ ಈ ನಟನಿಗೆ ಬಂದಿರೋ ಮತಗಳು ಜಸ್ಟ್ 155.
ಸಮಂತಾ ಹೇಳಿಕೆ ವೈರಲ್:
ಸಮಂತಾ ನಟನೆಯ ಸಿಟಾಡೆಲ್ ವೆಬ್ಸಿರೀಸ್ ಸಖತ್ ಟ್ರೆಂಡಿಂಗ್ನಲ್ಲಿದೆ. ಇತ್ತೀಚಿಗೆ ಈ ಸೀರೀಸ್ನ ಪ್ರಮೋಷನ್ಗಾಗಿ ವರುಣ್ ಧವನ್ ಆಂಡ್ ಸ್ಯಾಮ್ ಟಾಕ್ ಶೋವೊಂದರಲ್ಲಿ ಪಾಲ್ಗೊಂಡಿದ್ದಾರೆ. ಅದ್ರಲ್ಲಿ ರಾಪಿಡ್ ಫೈರ್ ರೌಂಡ್ನಲ್ಲಿ ವರುಣ್ ನಿಮಗೆ ಅಗತ್ಯ ಇಲ್ಲದೇ ಇದ್ರೂ ಹೆಚ್ಚು ಖರ್ಚು ಯಾವುದಕ್ಕೆ ಮಾಡಿದ್ದೀರಿ ಅಂತ ಪ್ರಶ್ನೆ ಕೇಳಿದ್ದಾರೆ. ಅದಕ್ಕೆ ಖಡಕ್ ಉತ್ತರ ಕೊಟ್ಟಿರೋ ಸಮಂತಾ, ನನ್ನ ಎಕ್ಸ್ ಬಾಯ್ಫ್ರೆಂಡ್ಗೆ ಎಕ್ಸ್ಪೆನ್ಸಿವ್ ಗಿಫ್ಟ್ ಕೊಟ್ಟಿದ್ದೆ. ಅದು ವೇಸ್ಟ್ ಅಂದಿದ್ದಾರೆ. ಸಮಂತಾರ ಈ ಸ್ಟೇಟ್ಮೆಂಟ್ ಸದ್ಯ ಕಿಚ್ಚು ಹಚ್ಚಿದೆ.