ಶ್ರೀರಸ್ತು ಶುಭಮಸ್ತು ಸೀರಿಯಲ್ ನಲ್ಲಿ ತನ್ನ ಅಧ್ಬುತ ನಟನೆ ಜೊತೆಗೆ ಸೌಂದರ್ಯದಿಂದಾಗಿ ಜನಮನ ಸೆಳೆದಿರುವ ನಟಿ ನೇತ್ರಾ ಜಾಧವ್. 
 

ಒಳ್ಳೆಯವಳಂತೆ ಮುಖವಾಡ ಹಾಕಿಕೊಂಡು ಭಾವನಾ ವಿರುದ್ಧ ಸಂಚು ರೂಪಿಸುವ ವಿಲನ್ ಶಾರ್ವರಿ ಪಾತ್ರದಲ್ಲಿ ನಟಿಸುತ್ತಿರುವ ನೇತ್ರಾ ಜಾಧವ್. 
 

ನೇತ್ರಾ ಅವರು ಕಳೆದ ಹತ್ತು ವರ್ಷಗಳಿಂದ ಕಿರುತೆರೆಯಲ್ಲಿ ನಟಿಸುತ್ತಾ ಬಂದಿದ್ದಾರೆ. ರಥ ಸಪ್ತಮಿ, ಸಾಗುತ ದೂರ ದೂರ, ಸುಂದರಿ, ಆಕೃತಿ ಸೀರಿಯಲ್ ನಲ್ಲಿ ನಟಿಸಿದ್ದರು. 
 

ಹಿಂದೆ ಉದಯ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ ರಥ ಸಪ್ತಮಿ ಧಾರಾವಾಹಿಯಲ್ಲಿ ಸುಧಾರಾಣಿಯವರ ಸಹೋದರಿ ಪಾತ್ರದಲ್ಲಿ ಇವರು ಮಿಂಚಿದ್ದರು. 
 

ಕನ್ನಡ ಮಾತ್ರವಲ್ಲದೇ ತೆಲುಗು ಸೀರಿಯಲ್ ನಲ್ಲೂ ನಟಿಸಿರುವ ಇವರು ರಾವೋಯಿ ಚಂದಮಾಮ ಸೀರಿಯಲ್ ನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. 
 

ಶ್ರೀರಸ್ತು ಶುಭಮಸ್ತು ಸೀರಿಯಲ್ ನಲ್ಲಿ ವಯಸ್ಸಿಗೆ ಮೀರಿದ ಪಾತ್ರ ಮಾಡುತ್ತಿರುವ ನೇತ್ರಾ ಜಾಧವ್ ಗೆ ರಿಯಲ್ ಲೈಫ್ ನಲ್ಲಿ ಮದುವೆಯಾಗಿ ಇಬ್ಬರು ಪುಟ್ಟ ಮಕ್ಕಳಿದ್ದಾರೆ. 
 

ಸೋಶಿಯಲ್ ಮೀಡಿಯಾದಲ್ಲಿ ಆವಾಗವಾಗ ನೇತ್ರಾರವರು ರೀಲ್ಸ್ ಮಾಡಿ ಶೇರ್ ಮಾಡುತ್ತಿರುತ್ತಾರೆ, ಜೊತೆಗೆ ಸೀರಿಯಲ್ ಟೀಮ್ ಜೊತೆ ಡ್ಯಾನ್ಸ್ ಮಾಡಿ ವೀಡಿಯೋ ಹಾಕ್ತಾರೆ.