ಏರ್'ಟೆಲ್'ನಿಂದ 6 ತಿಂಗಳು 60ಜಿಬಿ ಉಚಿತ ಡೇಟಾ; ಯಾರಿಗುಂಟು ಯಾರಿಗಿಲ್ಲ?
ನಿಮ್ಮ ಸ್ಮಾರ್ಟ್'ಫೋನ್'ನಲ್ಲಿ ಮೈಏರ್'ಟೆಲ್ ಆ್ಯಪ್ ಇಲ್ಲದಿದ್ದರೆ ಮೊದಲು ಪ್ಲೇಸ್ಟೋರ್'ಗೆ ಹೋಗಿ ಡೌನ್'ಲೋಡ್ ಮಾಡಿಕೊಳ್ಳಿ. ಬಳಿಕ ಆ್ಯಪ್ ಓಪನ್ ಮಾಡಿ ಅಲ್ಲಿ ಕಾಣುವ "ಕ್ಲೈಮ್ ಫ್ರೀ ಡೇಟಾ" ಬ್ಯಾನರ್ ಕ್ಲಿಕ್ ಮಾಡಿರಿ. ನಂತರ, ಏರ್'ಟೆಲ್ ಟಿವಿ ಆ್ಯಪ್'ನ್ನು ಡೌನ್'ಲೋಡ್ ಮಾಡಿಕೊಳ್ಳುವ ಸೂಚನೆ ನಿಮಗೆ ಸಿಗುತ್ತದೆ. ಅದರಂತೆ, ಆ ಆ್ಯಪ್'ನ್ನು ಡೌನ್'ಲೋಡ್ ಮಾಡಿಕೊಂಡರೆ ಮಾತ್ರ 60 ಜಿಬಿ ಡೇಟಾ ಉಚಿತವಾಗಿ ನಿಮ್ಮ ಅಕೌಂಟ್'ಗೆ ಬಂದು ಸೇರುತ್ತದೆ. ಹಾಗೆಂದು, ಇಂದು ಏರ್'ಟೆಲ್ ಸಂಸ್ಥೆ ಹೇಳಿಕೊಂಡಿದೆ.
ನವದೆಹಲಿ(ಸೆ. 17): ರಿಲಾಯನ್ಸ್ ಜಿಯೋ ಆಗಮದ ಬಳಿಕ ಶುರುವಾದ ಡೇಟಾ ವಾರ್ ಇನ್ನೂ ಮುಂದುವರಿಯುತ್ತಿದೆ. ಏರ್'ಟೆಲ್ ಸಂಸ್ಥೆ ತನ್ನ ಗ್ರಾಹಕರಿಗೆ ಹೊಸ ಭರ್ಜರಿ ಆಫರ್ ಕೊಟ್ಟಿದೆ. 347 ರೂ ಮತ್ತು 399 ರೂಪಾಯಿ ಪ್ಯಾಕೇಜ್'ಗೆ 28 ಜಿಬಿ ಹಾಗೂ 84 ಜಿಬಿ ಡೇಟಾ ಸುಗ್ಗಿ ಜೊತೆಗೆ ಅನ್'ಲಿಮಿಟೆಡ್ ಕರೆಗಳನ್ನು ಗ್ರಾಹಕರಿಗೆ ನೀಡಿದ್ದ ಏರ್'ಟೆಲ್ ಇದೀಗ 6 ತಿಂಗಳ ಕಾಲ 60 ಜಿಬಿ ಡೇಟಾವನ್ನು ಗಿಫ್ಟ್ ಆಗಿ ನೀಡುವುದಾಗಿ ಘೋಷಣೆ ಮಾಡಿದೆ. ಅಂದರೆ, 6 ತಿಂಗಳ ಕಾಲ ಪ್ರತೀ ತಿಂಗಳು 10 ಜಿಬಿ ಉಚಿತ ಡೇಟಾ ಏರ್'ಟೆಲ್ ಗ್ರಾಹಕರಿಗೆ ಸಿಗಲಿದೆ. ಆದರೆ, ಈ ಉಚಿತ 60 ಜಿಬಿ ಡೇಟಾ ಪಡೆಯಲು ಕೆಲ ಕಂಡೀಷನ್'ಗಳಿವೆ.
ಏನೇನು ಕಂಡಿಷನ್ಸ್?
* ಇದು ಏರ್'ಟೆಲ್'ನ ಪೋಸ್ಟ್'ಪೇಯ್ಡ್ ಗ್ರಾಹಕರಿಗೆ ಮಾತ್ರ ಲಭ್ಯ
* ಫೋನ್'ನಲ್ಲಿ ಏರ್'ಟೆಲ್ ಟಿವಿ(Airtel TV) ಆ್ಯಪ್ ಇನ್ಸ್'ಟಾಲ್ ಮಾಡಿಕೊಳ್ಳಬೇಕು.
* ಫೋನ್'ನಲ್ಲಿ ಮೈಏರ್'ಟೆಲ್(MyAirtel) ಆ್ಯಪ್ ಕೂಡ ಇರಬೇಕು.
ಆಫರ್ ಹೇಗೆ ಪಡೆಯುವುದು?
ನಿಮ್ಮ ಸ್ಮಾರ್ಟ್'ಫೋನ್'ನಲ್ಲಿ ಮೈಏರ್'ಟೆಲ್ ಆ್ಯಪ್ ಇಲ್ಲದಿದ್ದರೆ ಮೊದಲು ಪ್ಲೇಸ್ಟೋರ್'ಗೆ ಹೋಗಿ ಡೌನ್'ಲೋಡ್ ಮಾಡಿಕೊಳ್ಳಿ. ಬಳಿಕ ಆ್ಯಪ್ ಓಪನ್ ಮಾಡಿ ಅಲ್ಲಿ ಕಾಣುವ "ಕ್ಲೈಮ್ ಫ್ರೀ ಡೇಟಾ" ಬ್ಯಾನರ್ ಕ್ಲಿಕ್ ಮಾಡಿರಿ. ನಂತರ, ಏರ್'ಟೆಲ್ ಟಿವಿ ಆ್ಯಪ್'ನ್ನು ಡೌನ್'ಲೋಡ್ ಮಾಡಿಕೊಳ್ಳುವ ಸೂಚನೆ ನಿಮಗೆ ಸಿಗುತ್ತದೆ. ಅದರಂತೆ, ಆ ಆ್ಯಪ್'ನ್ನು ಡೌನ್'ಲೋಡ್ ಮಾಡಿಕೊಂಡರೆ ಮಾತ್ರ 60 ಜಿಬಿ ಡೇಟಾ ಉಚಿತವಾಗಿ ನಿಮ್ಮ ಅಕೌಂಟ್'ಗೆ ಬಂದು ಸೇರುತ್ತದೆ. ಹಾಗೆಂದು, ಇಂದು ಏರ್'ಟೆಲ್ ಸಂಸ್ಥೆ ಹೇಳಿಕೊಂಡಿದೆ.
