82 ವರ್ಷಗಳ ಹಳೆ ಶರವೇಗದ 200 ವಿಕೆಟ್ ದಾಖಲೆ ಉಡೀಸ್
ಪಾಕಿಸ್ತಾನ ಕ್ರಿಕೆಟ್ ತಂಡದ ಲೆಗ್ ಸ್ಪಿನ್ನರ್ 82 ವರ್ಷಗಳ ಹಳೆ ದಾಖಲೆಯನ್ನ ಉಡೀಸ್ ಮಾಡಿದ್ದಾರೆ. ಏನದು ದಾಖಲೆ? ಇಲ್ಲಿದೆ ನೋಡಿ
ಅಬುದಾಬಿ, (ಡಿ.6): ಪಾಕಿಸ್ತಾನದ ಲೆಗ್ ಸ್ಪಿನ್ನರ್ ಯಾಸಿರ್ ಶಾ ಗುರುವಾರ ಅತ್ಯಂತ ವೇಗವಾಗಿ 200 ವಿಕೆಟ್ ಪಡೆದು ವಿಶ್ವದಾಖಲೆ ನಿರ್ಮಿಸಿದ್ದಾರೆ.
ನ್ಯೂಜಿಲ್ಯಾಂಡ್ ವಿರುದ್ಧದ ಟೆಸ್ಟ್ ಪಂದ್ಯದ 4ನೇ ದಿನದಾಟದಲ್ಲಿ ಈ ದಾಖಲೆ ನಿರ್ಮಿಸುವ ಮೂಲಕ 82 ವರ್ಷಗಳ ಹಳೇ ದಾಖಲೆ ಉಡೀಸ್ ಮಾಡಿದರು.
ವಿಲ್ ಸೊಮರವಿಲ್ಲೆ ಅವರನ್ನ ಎಲ್ ಬಿಡ್ಲ್ಯೂ ಬಲೆಗೆ ಬೀಳಿಸುವ ಮೂಲಕ 200 ವಿಕೆಟ್ ಪಡೆದ ಬೌಲರ್ ಎಂಬ ಹೆಗ್ಗಳಿಕೆಗೆ ಯಾಸಿರ್ ಪಾತ್ರರಾದರು.
32 ವರ್ಷದ ಯಾಸೀರ್, ತಮ್ಮ 33ನೇ ಟೆಸ್ಟ್ನಲ್ಲಿಯೇ ಎಲ್ಲರಿಗಿಂತ ವೇಗವಾಗಿ 200 ವಿಕೆಟ್ ಪಡೆದ ದಾಖಲೆ ಬರೆದರು.
ಈ ಹಿಂದೆ 1936 ರಲ್ಲಿ ಆಸ್ಟ್ರೇಲಿಯಾದ ಲೆಗ್ ಸ್ಪಿನ್ನರ್ ಕ್ಲ್ಯಾರಿ ಗ್ರಿಮ್ಮೆಟ್ 36 ಟೆಸ್ಟ್ ಪಂದ್ಯಗಳಲ್ಲಿ 200ನೇ ವಿಕೆಟ್ ಪಡೆದು ದಾಖಲೆ ಬರೆದಿದ್ದರು.