ಕಾಂಗರೂಗಳೇ ಹುಷಾರ್!: 2ನೇ ಪಂದ್ಯದಲ್ಲಿ 1 ರನ್'ಗಾಗಿ ಮಾಡಿದ ಈ ತಪ್ಪನ್ನು ಎಂದೂ ಮಾಡದಿರಿ
ಇಂದಿನ ಪಂದ್ಯ ಆಸೀಸ್ಗಳಿಗೆ ಡು ಆರ್ ಡೈ ಪಂದ್ಯ. ಆದರೆ ಇಂದಿನ ಈ ಹಿನಾಯ ಸ್ಥಿತಿಗೆ ಸ್ವತಃ ಆಸ್ಟ್ರೇಲಿಯಾನೇ ಕಾರಣ ಅಂದ್ರೆ ತಪ್ಪಿಲ್ಲ. ಕಾರಣ ಮಾಡಬೇಡಿ ಮಾಡಬೇಡಿ ಅಂದ್ರೂ ಕೇಳದೇ ವಿರಾಟ್ ಕೊಹ್ಲಿಯನ್ನ ಸ್ಲೆಡ್ಜಿಂಗ್ ಮಾಡಿ ಈಗ ತಲೆ ಮೇಲೆ ಕೈಹೊತ್ತು ಕುಳಿತಿದ್ದಾರೆ. ಅಷ್ಟೇ ಅಲ್ಲ ಮಾಜಿ ಆಸೀಸ್ ಆಟಗಾರರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಅಷ್ಟಕ್ಕೂ ಸದ್ಯ ಆಸ್ಟ್ರೇಲಿಯಾ ಕ್ರಿಕೆಟ್'ನಲ್ಲಿ ನಡಿತ್ತಿರುವುದಾದರೂ ಏನು..? ಇಲ್ಲಿದೆ ವಿವರ
ಇಂದು ಆಸೀಸ್'ಗಳಿಗೆ ಡು ಆರ್ ಡೈ ಪಂದ್ಯ. ಆದ್ರೆ ಸ್ಮಿತ್ ಪಡೆ ಇಂತಹ ಹೀನಾಯ ತಲುಪಲು ಕಅರಣ ಮಾತ್ರ ತಂಡದ ಇಬ್ಬರು ಆಟಗಾರರು. ಹೌದು, ಕೊಲ್ಕತ್ತಾದಲ್ಲಿ ನಡೆದ 2ನೇ ಪಂದ್ಯದಲ್ಲಿ ಆಸೀಸ್ಗಳು ಇಸಿಯಾಗಿ ಗೆಲ್ಲಬಹುದಿತ್ತು. ಆದ್ರೆ ಆಸೀಸ್ನ ಮ್ಯಾಥ್ಯೂ ವೇಡ್ ಮತ್ತು ಮಾರ್ಕಸ್ ಸ್ಟೋನಿಸ್ ಮೊದಲ ಗೆಲುವಿಗೆ ತಣ್ಣೀರು ಎರಚಿದ್ರು. ಅಷ್ಟೇ ಅಲ್ಲ ಇಂದು ತಮ್ಮ ತಂಡ ಒತ್ತಡದಿಂದಲೇ ಕಣಕಿಳಿಯುವಂತೆ ಮಾಡಿದ್ರು.
ಕೊಹ್ಲಿ ಡೇಂಜರ್ ಅನ್ನೋದು ಗೊತ್ತಿದ್ರೂ ಕೆಣಕಿದ್ದೇಕೆ..?
ಟೀಂ ಇಂಡಿಯಾ ವಿರುದ್ಧದ ಏಕದಿನ ಮತ್ತು ಟಿ20 ಸರಣಿಯನ್ನಾಡಲು ಆಸ್ಟ್ರೇಲಿಯಾ ತಂಡ ಫ್ಲೈಟ್ ಹತ್ತುವಾಗ್ಲೇ ಮೈಕ್ ಹಸ್ಸಿ ಸೇರಿದಂತೆ ಹಲವು ಆಸೀಸ್ ಮಾಜಿ ಆಟಗಾರರು ಮಹತ್ತರ ಟಿಪ್ಸ್ವೊಂದನ್ನ ನೀಡಿ ಭಾರತಕ್ಕೆ ಕಳುಹಿಸಿದ್ರು. ಯಾವುದೇ ಕಾರಣಕ್ಕೂ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಯನ್ನ ಕೆಣಕಬೇಡಿ. ಆತನನ್ನ ಕೆಣಕಿದ್ರೆ ಆತ ಮನುಷ್ಯನ್ನಾಗಿರಲ್ಲ. ನೀವು ಆತನಿಗೆ ಸ್ಲೆಡ್ಜಿಂಗ್ ಮಾಡಿದ್ರೆ ನಿಮಗೆ ಸೋಲು ಗ್ಯಾರೆಂಟಿ. ಹೀನಾಯವಾಗಿ ಸೋತು ಮುಖಭಂಗ ಅನುಭವಿಸುತ್ತೀರಿ ಅಂತೆಲ್ಲಾ ಉಪದೇಶ ಮಾಡಿದ್ರು.
ಕೇವಲ 1 ರನ್'ಗಾಗಿ ಕೊಹ್ಲಿಗೆ ಮಾಡಿದ್ರು ಸ್ಲೆಡ್ಜ್
ಮಾಜಿ ಆಟಗಾರರ ಉಪದೇಶವನ್ನ ಆಸೀಸ್ ಆಟಗಾರರು ಸೀರಿಯಸ್ ಆಗಿ ತೆಗೆದುಕೊಂಡಿದ್ದಿದ್ದರೆ ಅವರಿಗೆ ಇಂದು ಈ ಗತಿ ಬರುತ್ತಿರಲಿಲ್ಲ. ಆಡಿದ ಎರಡೂ ಪಂದ್ಯದಲ್ಲಿ ಸೋತು ಸುಣ್ಣವಾಗ್ತೀರಲಿಲ್ಲ. ಆದ್ರೆ ಮೊನ್ನೆಯ 2ನೇ ಪಂದ್ಯದಲ್ಲಿ ಅಚಾನಕ್ಕಾಗಿ ಒಂದು ರನ್ ಕದ್ದ ವಿರಾಟ್ ಕೊಹ್ಲಿಯನ್ನ ಇಯಾಳಿಸಿ, ಸ್ಲೆಡ್ಜಿಂಗ್ ಮಾಡಿಬಿಟ್ರು. ಇದು ಅಂದಿನ ಸೋಲಿಗೆ ದೊಡ್ಡ ಕಾರಣವಾಗಿಬಿಡ್ತು.
ವೇಡ್ ಮತ್ತು ಸ್ಟೋನಿಸ್'ರ ಈ ಸ್ಲೆಡ್ಜಿಂಗ್'ಗೆ ಕೆಂಡಮಂಡಲನಾದ ಕೊಹ್ಲಿ ಬ್ಯಾಟಿಂಗ್ನಲ್ಲಿ ಅಬ್ಬರಿಸಿದ್ರು. ಅವರಿಬ್ಬರ ಕೋಪವನ್ನ ಉಳಿದ ಬೌಲರ್ಗಳ ಮೇಲೆ ತೀರಿಸಿಕೊಂಡ್ರು. ಭರ್ಜರಿ 92 ರನ್ ಚಚ್ಚಿ ಬಿಸಾಕಿದ್ರು. ಅಷ್ಟೇ ಅಲ್ಲ ಫೀಲ್ಡಿಂಗ್ ವೇಳೆ ಆಸೀಸ್ ಬ್ಯಾಟ್ಸ್ಮನ್ಗಳನ್ನ ಇನ್ನಿಲ್ಲದಂತೆ ಗೋಳುಹೊಯ್ದುಕೊಂಡ್ರು.
ಸ್ಟೋನಿಸ್-ವೇಡ್ ವಿರುದ್ಧ ಮಾಜಿ ಆಟಗಾರರು ಗರಂ
ಭಾರತಕ್ಕೆ ಬರೋದಕ್ಕೂ ಮೊದಲೇ ಮಾಜಿ ಆಟಗಾರರು ತಾಕೀತು ಮಾಡಿದ್ರೂ ಅವರ ಮಾತು ಕೇಳದೆ ಕೇವಲ 1 ರನ್ಗಾಗಿ ಸ್ಲೆಡ್ಜಿಂಗ್ ಮಾಡಿ ಪಂದ್ಯವನ್ನೇ ಕೈಚೆಲ್ಲಿದ ಸ್ಮಿತ್ ಪಡೆಗೆ ಸದ್ಯ ಮಾಜಿ ಆಟಗಾರರಿಂದ ಟೀಕೆಗಳ ಸುರಿಮಳೆಯೇ ಹರಿಯುತ್ತಿದೆ. ಅದರಲ್ಲೂ ಮಾಜಿ ವೇಗಿ ಸ್ಟುವರ್ಟ್ ಕ್ಲಾರ್ಕ್ ಸ್ಲೆಡ್ಜ್ ಮಾಡಿದ ವೇಡ್ ಮ್ತತ್ತು ಸ್ಟೋನಿಸ್ರನ್ನ ಬಹಿರಂಗವಾಗಿ ನಿಂದಿಸಿದ್ದಾರೆ.
ಕೇವಲ ಒಂದು ರನ್, ಆಸೀಸ್ಗಳಿಗೆ ಹೆಚ್ಚಾಗಿಹೋಯ್ತಾ..? ಕೇವಲ ಒಂದು ರನ್ಗಾಗಿ ಕೊಹ್ಲಿಯನ್ನ ಸ್ಲೆಡ್ಜ್ ಮಾಡಬೇಕಿತ್ತಾ..? ನಾವು ನಮ್ಮ ಕ್ರಿಕೆಟ್ ಬಗ್ಗೆ ಮಾತ್ರ ತಲೆಕೆಡಸಿಕೊಳ್ಳಬೇಕು. ಕೊಹ್ಲಿ ಎಷ್ಟೇ ಮೈದಾನದಲ್ಲಿ ಎಷ್ಟೇ ಕಿರಿಕ್ ಮಾಡಿದ್ರೂ ಅದರ ಹತ್ತರಷ್ಟು ಆಟವನ್ನಾಡ್ತಾರೆ. ಆದ್ರೆ ಸ್ಟೋನಿಸ್ ಮತ್ತು ವೇಡ್..? ನಿಜಕ್ಕೂ ಶೋಚನಿಯ ಎಂದು ಸ್ಟುವರ್ಟ್ ಹೇಳಿದ್ದಾರೆ.
ಸದ್ಯ ಸ್ಟೋನಿಸ್ ಮತ್ತು ವೇಡ್'ರ ಕೃತ್ಯಕ್ಕೆ ಆಸ್ಟ್ರೇಲಿಯಾದ್ಯಂತ ಭಾರಿ ಟೀಕೆಗಳು ವ್ಯಕ್ತವಾಗುತ್ತಿದೆ. ಕೊಹ್ಲಿಯನ್ನ ಕೆಣಕಿದ್ರೆ ಏನಾಗುತ್ತೆ ಅಂತ ಗೊತ್ತಿದ್ರೂ ಸ್ಎಡ್ಜಿಂಗ್ ಮಾಡಿ ಈಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇನ್ನಾದ್ರೂ ಆಸೀಸ್ ಆಟಗಾರರು ಬುದ್ಧಿ ಕಲಿಯಲಿ ಅನ್ನೋದಷ್ಟೇ ಕೊಹ್ಲಿ ಫ್ಯಾನ್ಸ್ರ ಆಶಯ.