sports
By Suvarna Web Desk | 05:45 PM September 13, 2017
ಕೊರಿಯಾ ಓಪನ್: ಪ್ರೀ ಕ್ವಾರ್ಟರ್'ಗೆ ಲಗ್ಗೆಯಿಟ್ಟ ಸಿಂಧು, ಕಶ್ಯಪ್

Highlights

ಇತ್ತೀಚೆಗಷ್ಟೇ ವಿಶ್ವ ಚಾಂಪಿಯನ್‌'ಶಿಪ್‌'ನಲ್ಲಿ ಬೆಳ್ಳಿ ಗೆದ್ದ ಸಿಂಧು, ಮಹಿಳಾ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಹಾಂಕಾಂಗ್‌'ನ ಯಿ ಚುಯುಂಗ್ ವಿರುದ್ಧ 21-13, 21-08 ಗೇಮ್‌'ಗಳ ಸುಲಭ ಜಯ ಸಾಧಿಸಿದರು.

ಸೋಲ್(ಸೆ.13): ಭಾರತದ ಸ್ಟಾರ್ ಶಟ್ಲರ್‌'ಗಳಾದ ಪಿ.ವಿ.ಸಿಂಧು ಹಾಗೂ ಪರುಪಳ್ಳಿ ಕಶ್ಯಪ್ ಕೊರಿಯಾ ಸೂಪರ್ ಸೀರಿಸ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪ್ರೀ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಇತ್ತೀಚೆಗಷ್ಟೇ ವಿಶ್ವ ಚಾಂಪಿಯನ್‌'ಶಿಪ್‌'ನಲ್ಲಿ ಬೆಳ್ಳಿ ಗೆದ್ದ ಸಿಂಧು, ಮಹಿಳಾ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಹಾಂಕಾಂಗ್‌'ನ ಯಿ ಚುಯುಂಗ್ ವಿರುದ್ಧ 21-13, 21-08 ಗೇಮ್‌'ಗಳ ಸುಲಭ ಜಯ ಸಾಧಿಸಿದರು.

ಮಂಗಳವಾರ ನಡೆದಿದ್ದ ಪುರುಷರ ಸಿಂಗಲ್ಸ್‌ನ ಅರ್ಹತಾ ಸುತ್ತಿನಲ್ಲಿ ಸತತ 2 ಪಂದ್ಯ ಗೆದ್ದು ಪ್ರಧಾನ ಸುತ್ತಿಗೇರಿದ್ದ ಪಿ.ಕಶ್ಯಪ್, ಇಂದು ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಹ್ಸು ಜೆನ್ ಹೋ ವಿರುದ್ಧ 21-13, 21-16 ನೇರ ಸೆಟ್'ಗಳಲ್ಲಿ ಜಯಭೇರಿ ಬಾರಿಸಿದ್ದಾರೆ.

ಇನ್ನು ಮತ್ತೋರ್ವ ಶಟ್ಲರ್ ಬಿ. ಸಾಯಿ ಪ್ರಣೀತ್ ಕೂಡ ಮುಂದಿನ ಹಂತ ಪ್ರವೇಶಿಸಿದ್ದಾರೆ. ಹಾಂಗ್ ಕಾಂಗ್'ನ ಹು ಯುನ್ ವಿರುದ್ಧ 21-15, 21-10 ನೇರ ಸೆಟ್'ನಲ್ಲಿ ಮಣಿಸಿ ಜಯದ ನಗೆ ಬೀರಿದ್ದಾರೆ.

Show Full Article


Recommended


bottom right ad