ಕೊಹ್ಲಿ ಪಾತ್ರ ಮಾಡುವಾಸೆ ಎಂದ ಶಾರುಕ್’ಗೆ ಅನುಷ್ಕಾ ಹೇಳಿದ್ದೇನು..?
ಇತ್ತೀಚೆಗಷ್ಟೇ ತಮ್ಮ ಚಿತ್ರ ‘ಝೀರೋ’ ಪ್ರಚಾರದ ವೇಳೆ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಜತೆ ಸುದ್ದಿ ವಾಹಿನಿಯೊಂದಕ್ಕೆ ಸಂದರ್ಶನ ನೀಡುತ್ತಿದ್ದಾಗ, ‘ನೀವು ಯಾವ ಕ್ರೀಡಾಪಟುವಿನ ಜೀವನ ಚರಿತ್ರೆಯಲ್ಲಿ ಕಾಣಿಸಿಕೊಳ್ಳಲು ಇಚ್ಛಿಸುತ್ತೀರಾ’ ಎಂದು ಕೇಳಿದ ಪ್ರಶ್ನೆಗೆ ಶಾರುಖ್‌ ‘ವಿರಾಟ್’ ಎಂದು ಉತ್ತರ ನೀಡಿದರು.
ನವದೆಹಲಿ(ಡಿ.24): ಬಾಲಿವುಡ್‌ನ ಖ್ಯಾತ ನಟ ಶಾರುಖ್‌ ಖಾನ್ ತಾವು ವಿರಾಟ್ ಕೊಹ್ಲಿಯ ದೊಡ್ಡ ಅಭಿಮಾನಿ ಎಂದು ಮತ್ತೊಮ್ಮೆ ಬಹಿರಂಗವಾಗಿ ಘೋಷಿಸಿದ್ದಾರೆ.
ಇತ್ತೀಚೆಗಷ್ಟೇ ತಮ್ಮ ಚಿತ್ರ ‘ಝೀರೋ’ ಪ್ರಚಾರದ ವೇಳೆ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಜತೆ ಸುದ್ದಿ ವಾಹಿನಿಯೊಂದಕ್ಕೆ ಸಂದರ್ಶನ ನೀಡುತ್ತಿದ್ದಾಗ, ‘ನೀವು ಯಾವ ಕ್ರೀಡಾಪಟುವಿನ ಜೀವನ ಚರಿತ್ರೆಯಲ್ಲಿ ಕಾಣಿಸಿಕೊಳ್ಳಲು ಇಚ್ಛಿಸುತ್ತೀರಾ’ ಎಂದು ಕೇಳಿದ ಪ್ರಶ್ನೆಗೆ ಶಾರುಖ್‌ ‘ವಿರಾಟ್’ ಎಂದು ಉತ್ತರ ನೀಡಿದರು.
ನಗುತ್ತಲೇ ಪ್ರತಿಕ್ರಿಯಿಸಿದ ಅನುಷ್ಕಾ, ‘ಕೊಹ್ಲಿ ಪಾತ್ರ ಮಾಡಲು ನೀವು ಗಡ್ಡ ಬಿಡಬೇಕು’ ಎಂದಾಗ ಶಾರುಖ್‌, ‘ಹ್ಯಾರಿ ಮೆಟ್‌ ಸೇಜಲ್‌ ಚಿತ್ರದಲ್ಲಿ ನಾನು ಗಡ್ಡ ಬಿಟ್ಟಿದ್ದೆ. ಥೇಟ್‌ ಕೊಹ್ಲಿಯಂತೆಯೇ ಕಾಣುತ್ತಿದೆ’ ಎಂದರು.
ಈಗಾಗಲೇ ಕ್ರಿಕೆಟಿಗರಾದ ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಹಾಗೂ ಸಚಿನ್ ತೆಂಡುಲ್ಕರ್ ಜೀವನ ಚರಿತ್ರೆಯ ಚಿತ್ರಗಳ ತೆರೆಕಂಡಿವೆ.
