Asianet Suvarna News Asianet Suvarna News

ಪಂಜಾಬ್ ಮಣಿಸಿ ಕೇಕೆ ಹಾಕಿದ KKR..!

ಪಂಜಾಬ್ ತಂಡವನ್ನು ಅನಾಯಾಸವಾಗಿ ಮಣಿಸಿದ ಕೋಲ್ಕತಾ ನೈಟ್ ರೈಡರ್ಸ್ ತಂಡ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.

All Round Kolkata Knight Riders Thrash Kings XI Punjab By 28 Runs
Author
Kolkata, First Published Mar 27, 2019, 11:49 PM IST

ಕೋಲ್ಕತಾ[ಮಾ.27]: ಬ್ಯಾಟ್ಸ್’ಮನ್’ಗಳ ಸಿಡಿಲಬ್ಬರದ ಬ್ಯಾಟಿಂಗ್ ಹಾಗೂ ಬೌಲರ್’ಗಳ ಸಂಘಟಿತ ಪ್ರದರ್ಶನದ ನೆರವಿನಿಂದ ಕೋಲ್ಕತಾ ನೈಟ್ ರೈಡರ್ಸ್ ತಂಡ 28 ರನ್’ಗಳ ಭರ್ಜರಿ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ಕೆಕೆಆರ್ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. 

ಕೆಕೆಆರ್ ನೀಡಿದ್ದ ಕಠಿಣ ಗುರಿ ಬೆನ್ನತ್ತಿದ ಪಂಜಾಬ್ ಆರಂಭದಲ್ಲೇ ರಾಹುಲ್ ವಿಕೆಟ್ ಕಳೆದುಕೊಂಡಿತು. ಇನ್ನು ಮೊದಲ ಪಂದ್ಯದಲ್ಲಿ ಅಬ್ಬರಿಸಿದ್ದ ಗೇಲ್ ಆಟ ಕೇವಲ 20 ರನ್’ಗಳಿಗೆ ಸೀಮಿತವಾಯಿತು. ಆ ಬಳಿಕ ಮಯಾಂಕ್ ಅಗರ್’ವಾಲ್-ಸರ್ಫರಾಜ್ ಖಾನ್[23] ಅಲ್ಪ ಹೋರಾಟ ನಡೆಸಿದರಾದರೂ ರಸೆಲ್ ಈ ಜೋಡಿಯನ್ನು ಹೆಚ್ಚುಹೊತ್ತು ಕ್ರೀಸ್’ನಲ್ಲಿ ನೆಲೆಯೂರಲು ಬಿಡಲಿಲ್ಲ. ಆದರೆ ನಾಲ್ಕನೇ ವಿಕೆಟ್’ಗೆ ಮಯಾಂಕ್ ಜತೆಯಾದ ಮಿಲ್ಲರ್ 74 ರನ್’ಗಳ ಜತೆಯಾಟವಾಡುವ ಮೂಲಕ ಪಂಜಾಬ್’ಗೆ ಗೆಲುವಿನ ಆಸೆ ಮೂಡಿಸಿದರು. ಕೇವಲ 34 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 1 ಸಿಕ್ಸರ್ ನೆರವಿನಿಂದ 58 ರನ್ ಬಾರಿಸಿ ಚಾವ್ಲಾಗೆ ವಿಕೆಟ್ ಒಪ್ಪಿಸಿದರು. ಆ ಬಳಿಕವೂ ಮಿಲ್ಲರ್[59] ಮಧ್ಯಮ ಕ್ರಮಾಂಕದ ಬ್ಯಾಟ್ಸ್’ಮನ್ ಮನ್ದೀಪ್ ಸಿಂಗ್[33] ಜತೆ ಹೋರಾಟ ನಡೆಸಿದರಾದರೂ ತಂಡವನ್ನು ಗೆಲುವಿನ ದಡ ಸೇರಿಸಲು ವಿಫಲರಾದರು.  

ಉತ್ತಪ್ಪ, ರಾಣಾ, ರಸೆಲ್ ಅಬ್ಬರ: ಪಂಜಾಬ್’ಗೆ ಸವಾಲಿನ ಗುರಿ ನೀಡಿದ ಕೆಕೆಆರ್

ಇದಕ್ಕೂ ಮೊದಲು ಕನ್ನಡಿಗ ರಾಬಿನ್ ಉತ್ತಪ್ಪ, ನಿತಿಶ್ ರಾಣಾ ಭರ್ಜರಿ ಅರ್ಧಶತಕ ಹಾಗೂ ಆ್ಯಂಡ್ರೆ ರಸೆಲ್ ಸಿಡಿಲಬ್ಬರದ ಬ್ಯಾಟಿಂಗ್ ನೆರವಿನಿಂದ 218 ರನ್ ಕಲೆಹಾಕಿತ್ತು.

ಸಂಕ್ಷಿಪ್ತ ಸ್ಕೋರ್
ಕೆಕೆಆರ್: 218/4
ಪಂಜಾಬ್: 190
ಫಲಿತಾಂಶ: ಕೋಲ್ಕತಾಗೆ 28 ರನ್’ಗಳ ಜಯ  

Follow Us:
Download App:
  • android
  • ios