Asianet Suvarna News Asianet Suvarna News

ಫ್ರೆಂಚ್‌ ಓಪನ್‌: ದ್ವಿತೀಯ ಸುತ್ತಿಗೇರಿದ ಸೈನಾ

ಫ್ರೆಂಚ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತಕ್ಕೆ ಮಿಶ್ರಫಲ ಎದುರಾಗಿದೆ. ಪಿ.ವಿ ಸಿಂಧು, ಸೈನಾ ನೆಹ್ವಾಲ್ ಎರಡನೇ ಸುತ್ತಿಗೆ ಲಗ್ಗೆಯಿಟ್ಟರೆ, ಕಶ್ಯಪ್, ಸಮೀರ್‌ ವರ್ಮಾ, ಶ್ರೀಕಾಂತ್ ಹೋರಾಟ ಅಂತ್ಯವಾಗಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...

French Open 2019 Saina Nehwal PV Sindhu marches into 2nd round
Author
Paris, First Published Oct 24, 2019, 10:30 AM IST

ಪ್ಯಾರಿಸ್‌ (ಫ್ರಾನ್ಸ್‌): ಫ್ರೆಂಚ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ ಮೊದಲ ಸುತ್ತಿನಲ್ಲಿಯೇ ಭಾರತಕ್ಕೆ ಮಿಶ್ರ ಪ್ರತಿಫಲ ಎದುರಾಗಿದೆ. ಸೈನಾ ನೆಹ್ವಾಲ್ ಎರಡನೇ ಸುತ್ತಿಗೇರಿದರೆ, ಕಿದಂಬಿ ಶ್ರೀಕಾಂತ್‌, ಪಾರುಪಳ್ಳಿ ಕಶ್ಯಪ್‌ ಹಾಗೂ ಸಮೀರ್‌ ವರ್ಮಾ ಆಘಾತಕಾರಿ ಸೋಲು ಕಂಡ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.

ಫ್ರೆಂಚ್ ಓಪನ್: ಸಿಂಧು ಶುಭಾರಂಭ!

ಬುಧವಾರ ಇಲ್ಲಿ ನಡೆದ ವನಿತೆಯರ ಸಿಂಗಲ್ಸ್ ವಿಭಾಗದಲ್ಲಿ ಹಾಂಕಾಂಗ್’ನ ಚೆಂಗ್ ಎನ್’ಗಾನ್ ಯಿ ಅವರನ್ನು ಸೈನಾ ಮಣಿಸಿದರು. ರೋಚಕತೆಯಿಂದ ಕೂಡಿದ್ದ ಮೊದಲ ಸುತ್ತಿನ ಪಂದ್ಯದಲ್ಲಿ 23-21, 21-17 ನೇರ ಗೇಮ್’ಗಳಿಂದ ಸೈನಾ ಜಯಿಸಿದ್ದು, ಪ್ರಯಾಸದಿಂದ ಶುಭಾರಂಭ ಮಾಡಿದ್ದಾರೆ.

ಪುರುಷರಿಗೆ ನಿರಾಸೆ:

ಇನ್ನು ಪುರುಷರ ಸಿಂಗಲ್ಸ್‌ ಪಂದ್ಯಗಳಲ್ಲಿ ಕಿದಂಬಿ ಶ್ರೀಕಾಂತ್‌, ಪಾರುಪಳ್ಳಿ ಕಶ್ಯಪ್‌ ಹಾಗೂ ಸಮೀರ್‌ ವರ್ಮಾ ಪರಾಭವಗೊಂಡರು. 

ಚೈನೀಸ್‌ ತೈಪೆಯ ಚೌ ಟಿನ್‌ ಚೆನ್‌ ವಿರುದ್ಧ 21-15, 7-21, 14-21 ಗೇಮ್‌ಗಳಿಂದ ಶ್ರೀಕಾಂತ್‌ ಸೋಲುಂಡರೆ, ಹಾಂಕಾಂಗ್‌ನ ಲಾಂಗ್‌ ಆಂಗುಸ್‌ ವಿರುದ್ಧ ಕಶ್ಯಪ್‌ 11-21, 9-21 ನೇರ ಗೇಮ್‌ಗಳಲ್ಲಿ ಸೋಲೊ​ಪ್ಪಿ​ಕೊಂಡರು. ಜಪಾನ್‌ ಶಟ್ಲರ್‌ ಕೆಂಟಾ ನಿಶಿಮೊಟೊ 22-20, 18-21, 18-21ರಲ್ಲಿ ಸಮೀರ್‌ ಅವರನ್ನು ಮಣಿಸಿದರು.

ಮಿಶ್ರ ಡಬಲ್ಸ್‌ನ ಮೊದಲ ಸುತ್ತಿ​ನಲ್ಲೇ ಅಶ್ವಿನಿ ಪೊನ್ನ​ಪ್ಪ ಹಾಗೂ ಸಾತ್ವಿಕ್‌ ಸಾಯಿ​ರಾಜ್‌ ಜೋಡಿ ಸಹ ಸೋಲುಂಡು ಹೊರ​ಬಿ​ದ್ದಿತು. ಪುರು​ಷರ ಸಿಂಗಲ್ಸ್‌ನಲ್ಲಿ ಶುಭಾಂಕರ್‌ ಡೇ ಹಾಗೂ ಮಹಿಳಾ ಸಿಂಗಲ್ಸ್‌ನಲ್ಲಿ ಪಿ.ವಿ.​ಸಿಂಧು 2ನೇ ಸುತ್ತು ಪ್ರವೇ​ಶಿ​ಸಿ​ದ್ದಾರೆ.
 

Follow Us:
Download App:
  • android
  • ios