ಬೆಂಗಳೂರು: ಹೋಂಗಾರ್ಡ್ ಮೇಲೆ ’ಪೋಲಿ’ಸಪ್ಪ ಅತ್ಯಾಚಾರ, ರಕ್ಷಕನೇ ರಾಕ್ಷಸನಾದಾಗ!
ತನಗೆ ಲೈಂಗಿಕ ಕಿರುಕುಳ ನೀಡುತ್ತಿರುವುದಾಗಿ ಹಿರಿಯ ಅಧಿಕಾರಿಗಳ ಬಳಿ ಹೇಳಿದ್ದ ಮಹಿಳಾ ಹೋಂಗಾರ್ಡ್ ಗೆ ಸಿಕ್ಕ ಪ್ರತಿಫಲ ಅತ್ಯಾಚಾರ.
ಬೆಂಗಳೂರು (ನ.19): ಮಹಿಳಾ ಹೋಂಗಾರ್ಡ್ ಮೇಲೆ ಅತ್ಯಾಚಾರ ನಡೆದಿರುವ ಪ್ರಕರಣ ಬೆಂಗಳೂರಿನಲ್ಲಿ ತಡವಾಗಿ ಬೆಳಕಿಗೆ ಬಂದಿದೆ.
ಜ್ಞಾನಭಾರತಿ ಯುನಿವರ್ಸಿಟಿಯಲ್ಲಿ ಹೋಮ್ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದ ಮಹಿಳೆ ಮೇಲೆ ನಂದಿನಿ ಲೇಔಟ್ ಪೊಲೀಸ್ ಠಾಣೆಯ ಮುಖ್ಯಪೇದೆ ಅತ್ಯಾಚಾರ ಎಸಗಿದ್ದಾನೆ.ಇದೀಗ ತನ್ನದೇ ಇಲಾಖೆಯ ಠಾಣೆಯಲ್ಲಿ ಕಂಬಿ ಎಣಿಸುತ್ತಿದ್ದಾನೆ.
ಈ ಬಗ್ಗೆ ನೊಂದ ಮಹಿಳೆ ನಂದಿನಿ ಲೇಔಟ್ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದು, ಪೊಲೀಸರು ಆರೋಪಿ ಚಂದ್ರಶೇಖರ್ನನ್ನು ಬಂಧಿಸಿ ತನಿಖೆ ನಡೆಸಿದ್ದಾರೆ.
ಸುಮಾರು 15 ದಿನಗಳ ಹಿಂದೆ ಅಷ್ಟೇ ಚಂದ್ರಶೇಖರ್ ಪರಿಚಯವಾಗಿತ್ತು. ಮೊದಮೊದಲು ಚೆನ್ನಾಗಿ ಇದ್ದ. ಕೆಲಸ ಮುಗಿದ ನಂತರ ಡ್ರಾಪ್ ನೀಡುವ ನೆಪದಲ್ಲಿ ಮಹಿಳೆಯೊಂದಿಗೆ ಫುಲ್ ಕ್ಲೋಸ್ ಆಗಿದ್ದ.
ಆದರೆ, ಆ ಸಲುಗೆಯನ್ನು ದುರ್ಬಳಕೆ ಮಾಡಿಕೊಂಡ ಚಂದ್ರಶೇಖರ್ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಸಂತ್ರಸ್ತ ಮಹಿಳೆ ದೂರಿನಲ್ಲಿ ಹೇಳಿಕೊಂಡಿದ್ದಾಳೆ.