ಎಲ್ಲಾ ಮಿನಿಸ್ಟರ್ಸ್ 'ಬಾಪ್' ಇವ್ರೇ ಅಂತೆ: ಶಾಸಕಿ ಮಾತು ಕೇಳಿ ಮತ್ತೆ!
ಮಧ್ಯಪ್ರದೇಶದ ಸಚಿವರ 'ಬಾಪ್' ಇವರೇ ಅಂತೆ| ಮಧ್ಯಪ್ರದೇಶ ಬಿಎಸ್ ಪಿ ಶಾಸಕಿ ರಮಾಬಾಯಿ| 'ಸಚಿವ ಸ್ಥಾನ ಸಿಗದಿದ್ದರೇನಂತೆ ಎಲ್ಲಾ ಸಚಿವರಿಗೆ ನಾನೇ ತಂದೆ'| ಸಚಿವ ಸ್ಥಾನದ ಆಕಾಂಕ್ಷಿಯಾಗಿರುವ ಬಿಎಸ್ ಪಿ ಶಾಸಕಿ ರಮಾಬಾಯಿ| ಸಿಎಂ ಕಮಲನಾಥ್ ಗೆ ಕರ್ನಾಟಕದ ಪರಿಸ್ಥಿತಿ ನೆನಪಿಸಿದ ರಮಾಬಾಯಿ
ಇಂಧೋರ್(ಜ.26): 'ನಾನು ರಾಜ್ಯ ಸರ್ಕಾರದಲ್ಲಿರುವ ಎಲ್ಲಾ ಸಚಿವರುಗಳ ತಂದೆ ನಾನೇ..' ದಿ ಮಧ್ಯಪ್ರದೇಶ ಬಿಎಸ್ ಪಿ ಶಾಸಕಿ ರಮಾಬಾಯಿ ಅವರ ನುಡಿಮುತ್ತುಗಳು.
ಮಧ್ಯಪ್ರದೇಶ ಸರ್ಕಾರಕ್ಕೆ ಬೆಂಬಲ ನೀಡಿರುವ ಬಿಎಸ್ ಪಿ ಪಕ್ಷದ ಶಾಸಕಿಯಾಗಿರುವ ರಮಾಬಾಯಿ, ಮಂತ್ರಿಮಂಡಲದಲ್ಲಿ ಸ್ಥಾನ ಸಿಗದ ಕಾರಣಕ್ಕೆ ಅಸಮಾಧಾನಗೊಂಡಿದ್ದಾರೆ.
ನನಗೆ ಮಂತ್ರಿ ಸ್ಥಾನ ಸಿಗದಿದ್ದರೂ ನಾನು ಕೆಲಸ ಮಾಡುತ್ತೇನೆ. ಆಡಳಿತದ ವಿಚಾರಕ್ಕೆ ಬಂದರೇ ನಾನು ಎಲ್ಲ ಸಚಿವರಿಗೂ ಅಪ್ಪ, ನಾನೇ ಕಿಂಗ್ ಮೇಕರ್ ಎಂದು ಹೇಳುವ ಮೂಲಕ ರಮಾಬಾಯಿ ತಮ್ಮ ಅಸಮಾಧಾನವನ್ನು ಪರೋಕ್ಷವಾಗಿ ಹೊರ ಹಾಕಿದ್ದಾರೆ.
#WATCH BSP MLA from Patharia (MP), Ramabai Singh who had demanded a ministerial berth earlier: Hum ban jaye (Minister) to achha kaam karenge, nahi baney to bhi sahi kaam karenge....... Hum mantriyo ke baap hain, humne hi sarkar banayi hai. (25-1-19) #MadhyaPradesh pic.twitter.com/eJaSIHFEbV
— ANI (@ANI) January 25, 2019
ಪಥರಿಯಾ ವಿಧಾನಸಭಾ ಕ್ಷೇತ್ರದಿಂದ ಆಯ್ಕೆಯಾಗಿರುವ ಶಾಸಕಿ ರಮಾಬಾಯಿ ಸಚಿವ ಸ್ಥಾನದ ಆಕಾಂಕ್ಷಿಯಾಗಿದ್ದು, ಸಚಿವೆಯಾದರೇ ಜನರಿಗಾಗಿ ಮತ್ತಷ್ಟು ಉತ್ತಮ ಕೆಲಸ ಮಾಡಬಹುದು ಎಂದು ಹೇಳಿದ್ದಾರೆ. ಆದರೆ ಅಸಲಿಗೆ ತಾವೇ ಈ ಸರ್ಕಾರದ ಸೂತ್ರಧಾರಳಾಗಿದ್ದು, ಎಲ್ಲಾ ಸಚಿವರಿಗೆ ತಂದೆಯಾಗಿದ್ದಾನೆ ಎಂದು ಹೇಳಿದ್ದಾರೆ.