ಕೆಪಿಸಿಸಿ ಅಧ್ಯಕ್ಷ ಸ್ಥಾನ ನಿಭಾಯಿಸಲು ನಾನು ಸಿದ್ಧ
ನಾನು ಸೀನಿಯರ್ ಇರಬಹುದು, ಆದರೆ ಆಯ್ಕೆ ಮಾಡುವವರಿಗೆ ಅದು ಗೊತ್ತಿರಬೇಕಲ್ಲ ಅನ್ನುವ ಮೂಲಕ ನಾನು ಕೆಪಿಸಿಸಿ ಅಧ್ಯಕ್ಷ ಅನ್ನುವ ಭಾವನೆಯನ್ನು ವ್ಯಕ್ತಪಡಿಸಿದರು.
ಹಾಸನ(ಮೇ.19): ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಕೊಟ್ಟರೆ ಒಪ್ಪಿಕೊಂಡು ನಿಭಾಯಿಸಲು ಸಿದ್ದ ಎಂದು ಆರೋಗ್ಯ ಸಚಿವ ರಮೇಶ್ಕುಮಾರ್ ತಿಳಿಸಿದ್ದಾರೆ.
ಹಾಸನದ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು ನೂತನ ಕಟ್ಟಡ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ನಾನು ಸೀನಿಯರ್ ಇರಬಹುದು, ಆದರೆ ಆಯ್ಕೆ ಮಾಡುವವರಿಗೆ ಅದು ಗೊತ್ತಿರಬೇಕಲ್ಲ ಅನ್ನುವ ಮೂಲಕ ನಾನು ಕೆಪಿಸಿಸಿ ಅಧ್ಯಕ್ಷ ಅನ್ನುವ ಭಾವನೆಯನ್ನು ವ್ಯಕ್ತಪಡಿಸಿದರು.
ಅಧ್ಯಕ್ಷ ಸ್ಥಾನದ ಬಗ್ಗೆ ಇರೋ ಗೊಂದಲದ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಸಚಿವರು, ಹಾರ್ಡ್ವೇರ್ ಅಂಗಡಿಗೆ ನೊಣ ಬರುತ್ತವೆಯಾ? ಮಿಠಾಯಿ ಅಂಗಡಿಗೆ ನೊಣ ಬರೋದು ಸಹಜ. ರಾಜಕೀಯ ಪಕ್ಷ, ಸ್ಥಾನದ ವಿಷಯ ಬಂದಾಗ ಗೊಂದಲ ಸಾಮಾನ್ಯ ಅಂದರು. ಒಂದು ಸ್ಥಾನಕ್ಕೆ 6-7 ಆಕಾಂಕ್ಷಿಗಳಿದ್ದಾರೆ, ನನ್ ಹೆಸರನ್ನು ನೀವಾದ್ರು ಶಿಫಾರಸ್ಸು ಮಾಡಿ ಅಂತಾ ಹಾಸ್ಯದಾಟಿಯಲ್ಲಿ ಹೇಳಿದರು.
