ಬೆಡ್‌ಸೋರ್ ಬಗ್ಗೆ ನಿಮಗೆಷ್ಟು ಗೊತ್ತು?
ಹಾಸಿಗೆ ಹುಣ್ಣುಗಳು, ಬೆಡ್ ಸೋರ್ ಅಂದರೆ ಬಹಳ ದಿನಗಳಿಂದ ಮಲಗಿದ್ದಲ್ಲಿಯೆ ಮಲಗಿ ಆಗುವಂಥ ವ್ರಣಗಳು (ಹುಣ್ಣುಗಳು). ಈ ಹುಣ್ಣುಗಳು ರೋಗಿಗಳಿಗೆ ಒಂದು ಶಾಪವೆಂದೇ ಹೇಳಬಹುದು. ರೋಗಿಯು ತನ್ನ ರೋಗಕ್ಕಿಂತ ಹೆಚ್ಚಾಗಿ ಇವುಗಳಿಂದ ಬಹಳ ಕಷ್ಟ ಅನುಭವಿಸುತ್ತಾರೆ. ಇದನ್ನು ನೋಡಲೂ ಆಗದು. ಅಂದಮೇಲೆ ಅನುಭವಿಸುವವರು ಕಷ್ಟ ಬೇರೆಯವರಿಗೆ ತಿಳಿಸುವುದು ಅಸಾಧ್ಯ.
- ಡಾ. ಕರವೀರಪ್ರಭು ಕ್ಯಾಲಕೊಂಡ
ಹಾಸಿಗೆ ಹುಣ್ಣುಗಳು, ಬೆಡ್ ಸೋರ್ ಅಂದರೆ ಬಹಳ ದಿನಗಳಿಂದ ಮಲಗಿದ್ದಲ್ಲಿಯೆ ಮಲಗಿ ಆಗುವಂಥ ವ್ರಣಗಳು (ಹುಣ್ಣುಗಳು). ಈ ಹುಣ್ಣುಗಳು ರೋಗಿಗಳಿಗೆ ಒಂದು ಶಾಪವೆಂದೇ ಹೇಳಬಹುದು. ರೋಗಿಯು ತನ್ನ ರೋಗಕ್ಕಿಂತ ಹೆಚ್ಚಾಗಿ ಇವುಗಳಿಂದ ಬಹಳ ಕಷ್ಟ ಅನುಭವಿಸುತ್ತಾರೆ. ಇದನ್ನು ನೋಡಲೂ ಆಗದು. ಅಂದಮೇಲೆ ಅನುಭವಿಸುವವರು ಕಷ್ಟ ಬೇರೆಯವರಿಗೆ ತಿಳಿಸುವುದು ಅಸಾಧ್ಯ.
ಏನು ಕಾರಣ?:
ಹಾಸಿಗೆ ಹುಣ್ಣುಗಳು ಆಗಲು ರೋಗಿಯ ಸೇವೆ ಮಾಡುವವರು ಅಲಕ್ಷ್ಯ ಅಜಾಗರೂಕತೆ. ರೋಗಿಯಂತೂ ಅಸಹಾಯಕ ಸ್ಥಿತಿಯಲ್ಲಿರುತ್ತಾನೆ. ಅವನ ಸೇವೆ ಮಾಡುವವರು ಮಾತ್ರ ಬಹಳ ಲಕ್ಷ್ಯ ಪೂರ್ವಕವಾಗಿ ಕಾಳಜಿಯಿಂದ ನೋಡಿಕೊಂಡಲ್ಲಿ ಮಾತ್ರ ಈ ಹುಣ್ಣುಗಳು ಆಗದಂತೆ ತಡೆಯುವುದು ಸಾಧ್ಯವಿದೆ. ಅದಕ್ಕೆ ಸ್ವಲ್ಪ ತ್ಯಾಗವೂ ಅವಶ್ಯಕ. ಯಾಕೆಂದರೆ ಅದಕ್ಕೆ ಹೆಚ್ಚಿನ ದುಡಿಮೆ ಬೇಕು.
ಹುಣ್ಣುಗಳಾಗದಂತೆ ಎಚ್ಚರ ವಹಿಸಿ:
ಈ ಹುಣ್ಣುಗಳು ಆದ ಮೇಲೆ ಅವನ್ನು ಗುಣಪಡಿಸುವುದು ಬಹಳ ಕಷ್ಟ. ಆದ್ದರಿಂದ ಇವು ಆಗದಂತೆ ಮೊದಲೇ ಎಚ್ಚರಿಕೆ ವಹಿಸುವುದು ಜಾಣತನ. ಒಂದೇ ಜಾಗದಲ್ಲಿ ಮನುಷ್ಯನ ಚರ್ಮ ಹಾಸಿಗೆಗೆ ತರಿದು ತರಿದು ಚರ್ಮ ಸವೆದು ಅಲ್ಲಿಯೆ ನೋವಾಗುವುದು. ಆ ನೋವು ಹೆಚ್ಚಾದಂತೆ ದೊಡ್ಡ ಹುಣ್ಣುಗಳಾಗುತ್ತವೆ. ಒಮ್ಮೊಮ್ಮೆ ಆ ಹುಣ್ಣುಗಳಲ್ಲಿ ಹುಳಗಳಾಗುವುದುಂಟು.
ಬೆಡ್‌ಸೋರ್ ತಡೆ
ರೋಗಿಗಳನ್ನು ಮೇಲಿಂದ ಮೇಲೆ ಜಾಗ ಬದಲಿಸಿ ಹೊರಳಿಸುತ್ತಿರಬೇಕು. ಇದರಿಂದ ಚರ್ಮ ಸವೆಯುವುದಿಲ್ಲ. ೨ ಹಾಸಿಗೆ ಮೇಲಿರುವ ಚರ್ಮದ ಭಾಗವನ್ನು ಮೆತ್ತಗಿಡುವದು ಅವಶ್ಯಕ. ಪೆಟ್ರೋಲಿಯಂ ಜೆಲ್ಲಿಯನ್ನು ಸವೆಯುತ್ತಿರುವ ಚರ್ಮದ ಭಾಗಕ್ಕೆ ದಿನಕ್ಕೆ 3 ಸಲವಾದರೂ ಹಚ್ಚಬೇಕು. ನಂತರ ಟಾಲ್ಕಂ ಪೌಡರ್ ಉದುರಿಸಬೇಕು೩ 'ವಾಟರ್ ಬೆಡ್'ಗಳ ಸಕಾಲಿಕ ಬಳಕೆಯಿಂದ ಈ ಅನಾಹುತ ತಪ್ಪಿಸಬಹುದು.
